2 Samuel 8:10 - Nobonob Baibel

¹⁰ Tatam Hadateser nug Toi eɗidkkunu ban haaha dayom amunu, Toi nug Dawit Hadateser eɗittom doya, nug he, nug bekka Joram, nug King Dawit humidkkunu, Dawit nug Hadateser eɗittomnu amegppa, “Ena heme,” ele akkunu, gumitta teum. Nug keeke silwappa, golppa, brasppa hak ele Dawit medakkunu awa ukkom.

2 Samuel 8:10 ပူးပေါင်းရင်းမြစ်များ

Genesis 43:27

Ag anam heeg, Josep nug ag amelagppa nai ana, oɗ mattom. “Ag ena daattebte? Ag mamelag kaino daattenu anukka amelppa appig amu, nug ena ana daattete, o iitta mauhomte,” awa oɗ mattom.

2 Samuel 8:11

Nug keeke amu awa ukka, Dawit mette, Dawit nug keeke amu oh Yawenu tituana mettom. Nug tatam silwa, gol ele Edom, Moap, Amon, Pilistia, Amalek ele ban haaha awa, Yawenu tituana mettom, anamib nug keeke Hadoram awa uɗiom ele Yawenu tituana mettom. Aria, nug keeke Rehop bekka Hadateser, Soba dilag king, nug nuhig keeke ban ha awom amu, Dawit nug amu ele Yawenu tituana mettom.

2 Samuel 8:9

Amu Hamat dilag king Toi nug Dawit, Hadateser, nuhikkud daup oh ele eɗattom doyom.

1 King 1:47

Amu kingnu ehanittak anuqak danab ⌊Adonaiya ele ii goppig,⌋ ag gamalag ahom amunu, ag King Dawit nug ena heum, ag amu nug amegppa akkulagnu gumidna uɗippig. Ag uɗin, Dawit amegppa inam appig. ‘Nahip Kayak Nug Solomon, nug king ena, ɠagattag okkai metta, nug onig okkai ele metteb, na onin eɗidkkunu oonig daatte,’ appig.” Jonatan nug ag anam appig, nug amunu anana, nug nai tuɗitta aum. “King Dawit nug nuhig niiak abenppa dayaya, nug Yawe noobppa dup noa binag meum.

1 Stori 18:10

Tatam Hadateser nug Toi eɗidkkunu ban haaha dayom amunu, Toi nug Dawit Hadateser eɗittom doya, nug he, nug bekka Hadoram, nug King Dawit humidkkunu, Dawit nug Hadateser eɗittomnu amegppa, “Ena heme,” ele akkunu, gumitta teum. Nug keeke digdig silwappa, golppa, brasppa hak ele Dawit medakkunu awa ukkom.

2 Stori 32:23

Danab kuɗum ag doɗ aon uɗin, Jerusalem appa manadna, Yawe medappig. Ag ele en okkai aon, Juda dilag king Hesekaia, nuhig daakkunu nug hamu medappig. Haen amuppa danab wan atu ohnu ag digmena, Hesekaianu, “Nug binag okkai ele,” doon oidttappig.

Sam 129:8

Amu danab ah laa ag oinna, ag laa ag Sionnu nau ninig ele dootteb, ag ag qe-eɗadna wanana, ag nai imu aib madippig. “Yawe Nug ag itittak ena madakkunu oonig hette. Ge, ig ag Yawe onigppa itittak ena madattem.” Ag anam aib appig.

Aisaia 39:1

Haen amuppa Baladan bekka, Merodak Baladan, nug Babilon dilag king dayom. Nug king dayaya, nug Hesekaia oɗe ma, eɗua ena daye doyom amunu, nug nuhikkud danab laa ag pas laala, keeke ena laa ele ag aon gona, nuhig daakkunu Hesekaia hamu mettaglagnu maatte goppig.

1 Samuel 13:10

Saul nug manaknu ofa amu mana male, haen amuppanab Samuel nug beum. Nug be, Saul humidkkunu gumitta waum.