2 Samuel 8:1 - Nobonob Baibel

¹ Amu Dawit nug king ba dayaya, nug Pilistia dilag daup eɗatta he, Pilistia ag ban hekkulagnu elele iitta daappig. Nug anam ha, nug aab onig Meteg Amma Pilistia eppelagppanu awe, Israel dilag dayom.

2 Samuel 8:1 ပူးပေါင်းရင်းမြစ်များ

2 Samuel 19:9

Ag tena daaegeg, Israel laa oh ele nai aeg ona, aeg do appig. “King Dawit nug anukka ig ehanikke, ig kekeɗ ihinkad eppelagppa ii daamut. Nugib ig Pilistia danab eppelagppanu awikkom. Nug anam heum, amge Apsalom bekkunu he, Dawit nug oola ukka, laih daatte.

2 Samuel 2:24

Ag anam daappig, amge Joap, Abisai ele aa Apner qekkulahnu nug dim lamidpiɗ. Aa Apner dim lamitteheh, aam noono, Apner aɗi amu Joap, Abisai aɗi ele ag qauko nakok onig Ama, appa wappig. Qauko nakok amuam aab onig Gia guguittak. Gia, Ama ele aa Gibeonnu wan meu waknu nakokib elele, am amunu ib ukkakppa daattep.

2 Samuel 22:44

O Yawe, danab da ele ban haknu ahaeg amu, na ehaniɗe, da ag eppelagppa ii daami. Ao, na ehaniɗe, da wan kuɗum dilag okkai daattem. Ge, danab ah da ii doyadmi ele amu, ag da waalppa daatteb.

2 Samuel 5:17

Amu haen Pilistia danab ag Israel oh ag Dawit nug ahilag king daakkunu goɗen gokkaɗakppa tituanppig doon amu, ahilag daup danab ohnab ag Dawit mattin anidna, qeppeg mauhkkunu Israel wanppa goppig, amge Dawit nug nai amu doya, nug ban haknu aben ɠagattag eleppa noa dayom.

2 Samuel 5:25

Yawe Nug anam haknunab aum amunu, Dawit nug anam heum. Nug anam ha, nug Pilistia danab kuɗum aqom. Nug aben onig Gibeon appa digma aqe ukke, Geser batak aqom.

2 Samuel 7:9

Na adeppa adeppa gome amu, da ele oh gomuɗ. Amu ele da hei, na kekeɗ nahip oh eɗatte, gemu ag na waatppa daatteb. Aria, gemu amu, da heppi, na onin okkainab, danab onilag okkai okkai laa oh eɗattak, wanppa daan oippig, oitteb ele amu, na onin okkainab, ag onilag bia daakku.

Sam 18:43

O Yawe, danab da ele ban hekkulagnu ahaeg amu, na ehaniɗe, da ag eppelagppa ii daami. Ao, na ehaniɗe, da wan kuɗum dilag okkai daattem. Ge, danab ah da ii doyadmi ele amu, ag da waalppa daatteb.

Sam 60:2

Na hee, wan oppata, oɗe okkai dayom. Gemu na heppe, wan eɗua ena daakkunu oɗ medattem. Aɗinu? Wan uɗaltte.

Sam 60:8

Moap danab ah, ag dahil maɗi nid maɗi ah ele daatteb, Edom danab ah ag da waalppa daatteb. Da Pilistia danab eɗatte, gamag ahakppa ettem.” Kayak anam awa atte.

Hibru 11:33

Danab amu ag Kayaknu oolagppa genab dooppig amunu, ag wan laalappa ele ban hena eɗidna, ahilag wan aon, ag nai doya mala hettoɗia elele mettak kobol dim lamidna, epeɗiak tutukku hena, ag Kayak keeke madakkunu nai qakka aum amu aona, amu ag laion oɗelag qamutppig.

Hibru 11:34

Amu ag heeg, aab nau qauhppig. Ag qep elab aqamanu dekkaɗppig. Ag gai-iitta daappig, amge dimppa ag ɠagattag aoppig. Ag ban danab ɠagattag bena amu, ag aab laalappanu ban daup lamatteg goppig.

1 Samuel 7:13

Yawe he, Israel ag Pilistia eɗadppig amunu, Nug Pilistia ag eɗun uɗin, Israel ele baula ban hemananu ib oo neum. Ib oo ne, haen elab anam dayom. Amu Samuel bau dayeye, haen amu oh, Yawe Nug Pilistia eheɗ hattom.