2 Samuel 7:25 - Nobonob Baibel

²⁵ Anam amunu, O Yawe Kayak, na da, nahip maɗi nid, na keeke dahilppa, da buɗuladppa ele dilag hekkutnu, na nai anan qakkame amu, da na heppe, gemu, butti aɗi ele nai amu meu okkunu oɗ medattem.

2 Samuel 7:25 ပူးပေါင်းရင်းမြစ်များ

Genesis 32:12

Da amunu baɗattem, amge anukka na inam ame. ‘Da genab heppi, na keeke kuɗum ele daakkut. Na buɗunad ag appatna, yu ihippan ihi bia daappeg, danab ebaqadkkulagnu elele iitta daakku.’ ” Jakop anam unuqittom.

2 Samuel 7:24

Na Israel danab ah tituanatte, ag nahipadnab danab ah aakku daatteb; hanhan anam daaglag. Na, O Yawe, na ahilag Kayak bena daattem.

2 Samuel 7:26

Na amu hekkutnu diig am, na anam heppe, am na onin hanhan binag ele daakku. Na anam heppe, danab ag, ‘Yawe Nukka Ɠagattag Oh Ele, Nug am Israel dilag Kayak, Nug ag gumadtte!’ aon akkulag. Laa amu, da Dawit, nahip maɗi nid amu, da buɗulad ag hanhan na noomppa king daaglag.

1 King 2:4

Amu na Yawe oɗe dim lamidkkutnu diig laa am, na Nug waappa daappe, Nug anukka dahilnu keeke laa hekkunu da amelppa nai ana qakkom, am heeb bekku. Nai qakkak amuam inam. ‘Nahip nid ag ahilag oiyak atognokkulag dayeb, ag oo metta ii uuak kobol dim lamidna, da noolppa tutukku oiglag dayeb amu, geha haen oh da heppi, na buɗunppanu laa ag anen anen ahilag haenppa Israel dilag king bena, sia kingppa daaglag.’ Yawe Nug anam aum amunu, Solomon, na nuhig nai amu, na oh ena tutukku dim lamidppe, Yawe Nug nuhig nai ana qakkom amu, Nug ii loppaɗma. Iitta.

1 King 8:26

Anam amunu, O Kayak, na ig Israel, ihinig Kayak, na da mamel Dawit, nahip maɗi nid, na nug amegppa nai anan qakkame amu, na heppe, nai amu meu okkunu oɗ medattem,” awa unuqittom.

2 Stori 6:17

O Yawe, na am ig Israel, ihinig Kayak, na nahip maɗi nid Dawit amegppa nai anan qakkame amu, na heppe meu okkunu oɗ medattem,” awa unuqittom.

Sam 119:38

Danab ag nahipnu ebehilag oh bodoetta le mette ele, na ag ena hadakkutnu nai qagattem. Amu na nahip nai qakkak dahilnu heme amu, na nai amu dim lamidna, na da, nahip maɗi nid, na dahilppa ena anam hekkutnu oɗ medattem.

Sam 119:49

Na da, da am nahip maɗi nid amu, na da ehaniɗkkutnu ame amunu, da ena baknu dabmak aɗa oiyak aɗe daye, na nahip nai amu daut atimanu oɗ medattem.

Esekiel 36:37

Amu Naɗi Yawe Nug inam ele atte. “Da paɗadppi, Israel danab ah ag unuqiɗppeg, da unuqittak ahilag amu doye heppi, anamib bekku. Da heppi, ag eheɗ appatna, kuɗumnab daaglag, sipsip huanak amubia.

1 Samuel 1:23

Hana nug Elkana amegppa anam a, Elkana nug aum. “Na aɗi hekkutnu ena anidttem amu, na anam he! Na inam daanna, na nid imu huh aɗittona, dimppa na gokkut am ena, amge Yawe nug heeb, na hekkutnu ame amu, na hekkutnu elele daakkutnu ool daatte,” awa aum. Nug anam a, Hana nug aabppa dayeye ukke, haenppa amu nug nid huh aɗittom.