2 Samuel 7:21 - Nobonob Baibel

²¹ Na nahip nai genab daakkunu dabmak anuqak aona, na aɗi dabmettem ele, amu bekkunu ele, na keeke okkai amu dahilppa heme daatte. Na amu heme amu, na da, nahip maɗi nid, na da ippunittak meɗakkutnu aakku heme.

2 Samuel 7:21 ပူးပေါင်းရင်းမြစ်များ

1 Stori 17:19

O Yawe, na da, nahip maɗi nid, na dahilnu dabmak anuqak aona, na oot hettenu ele, na diig aɗit amuppa na keeke okkai imu hena, na da ehaniɗkkutnu, butti aɗi da buɗulad ag ele sia kingppa daaglagnu ae doomi.

Sam 115:1

O Yawe, danab ah ag ig Israel, ag ig binanig okkai mekkaglagnu am oonig ii daatte. Iitta! Ig genabnab danab ah laa ag binanig maknu oonig ii daatte. Amu na oo mauhaknab kobol dim lamidnana, na oo metta ii uuak kobol ele dim lamidttem amunu, diig amunu danab ah ag na binan mekkulag am tutukku.

Sam 138:2

Na hee, na onin, nahip nai ele anuqak daattep amunu, da ool ekuɗe, nahip mettid lag nahipnu tituanak daatte, da aben amu neegppi ukkeb gomelen, da na oo mauhaknab kobol, oo metta ii uuak kobol ele dim lamidttemnu dabmein, da na amenppa, “Ena heme,” akkul.

Namba 23:19

Danab ag hambubutteb, amge Kayak Nug am danab iitta, amu Nug ham-ii-bubutte. Ao, danab ag ahilag dabmak baolitteb, amge Nug am danab bekka iitta, amu nug nuhig dabmak ii baolitte. Yawe Nug keeke hekkunu atte amu, Nug hette. Nug keeke hekkunu nai ana qagatte amu, Nug genab anamib aakku hette.

Matyu 11:26

Yo, Mama, na amu hekkutnu enanag doome, amunu na heme,” awa aum.

Matyu 24:35

Hab wan ele am iitta mekkulah, amge nai dahil am iitta iinab mema.

Luk 10:21

Haen amuppa Kayak Ouɗi Nug he, Jesus Nug maɗoɗppan gamag ahak doya, Nug aum. “O Mame, na hab wan ele dilah Okkai daattem, amu na ⌊wan imuppan dabmakppa⌋ danab laala ag doyak dabmak ena ele, danab laala sul okkai heppig ele, na amu dilagppa keeke imu lokkumna, nid naunau ippunadme amunu, da na onin humattem. Yo, Mama, na amu hekkutnu enanag doome, amunu na heme,” awa aum.

Luk 12:32

O lailad, ag aib baɗappig. Da Mamel Nug nuhig ɗo maɗoɗ ag madakkunu oo daatte.

1 Korint 1:1

Da Pol, Kayak Nug da onilppa e, da Nug oo niitte bia Kristus Jesusnu totol danab daattem amu, da amu ig lainig Sostenes ele

Epesus 1:9

Anukka Kayak Nug nukka nuhig dabmaknab awakppa Kristusnu uɗatppa ehanigkkunu oo ha dabmeum amu, Nug dabmak amuib dim lamitta he, ihinigppa miag atiom.

Epesus 3:11

Amuam Kayaknu maittak hanhan daattom, amu Nug ihinig Naɗi Jesus Kristus, nuhig uɗat okkaippa anam hekkunu aum amu, Nug aakku heum.

Epesus 4:32

Ag lailkad dilagppa oo bodoettak kobol henana, ag oo bodoetta le mak kobol ahilagppa heig! Kayak Nug Kristusnu uɗatppa ahilag hipunin uhuqa mattom, amubia ag nug hipunin uhuqa mettak heig!

Duteronomi 9:5

Amu ag am genab tutukku hak danab, o ag am danab ag dabmak oiyak ahilag ele am tutukkuib amunu, ag wan amu aoppeg, ahilag daakkunu hetteb aib dabmeppig. Iitta. Danab amu ag ahilag hak nau amunu, Yawe, ahilag Kayak, Nug heeb, ag Israel ag ag lamadkkulagnu, Nug ag mamelkad aɗi, Abraham, Aisak, Jakop ele, ahilagnu Nug anam hekkunu nuhig nai ɠagattag qetta aum, amu meu okkunu, Nug anam hekku.