2 Samuel 7:14 - Nobonob Baibel

¹⁴ Da nug mameg daakkul; nug da bekkal daakku. Nug eheɗ heeb amu, da heppi, laa ag bu mettaglag. Da heppi, ag mataɗak nau nug mettaglag.

2 Samuel 7:14 ပူးပေါင်းရင်းမြစ်များ

1 King 11:34

Amge da geha Solomon, nuhig king uɗat amu ii aɗidpa. Am laa amu, da dahil maɗi nid Dawit, da nug tituanmi, nug am dahil ɗo nai oh dim lamittom ele amu, da nuhignu dabmak anuqak aottem amunu, geha da heppi, Solomon nug king anam king dayeb ukkeb, nuhig mauhak batakku.

1 King 9:6

Amge Solomon na, amu nahipad nid dimppa bekkulag, amu ele ag da uuiɗna, ag dahil haknunab anak, amu ɗo dahil ele da ag mattami amu, ag ii dim lamidnana, aria ag kayak hambuppuak dim lamadnana, amu laa waalagppa maɗi nid daan, ahilag uɗat henana, ag ag noolagppa dup nona binalag mekkulag dayeb,

1 Stori 17:13

Da nug mameg daappi, nug da bekkal daakku. Da na bekkat amu, da dahil oo mauhaknab kobol nuhigppanu aɗitten ii aopa. Da Saul, nug na king ii daame haenppa king dayom amu, da oo mauhaknab kobol dahil nuhigppanu aɗitten aomi, amge da na bekkatnu anam ii hepa. Iitta. Da hanhan nuhignu oo mauhaknab kobol dookkul.

1 Stori 22:10

Solomon nug da laul, da onil aguppa daakkunu buukku. Nug am da bekkal daakku, da nug mameg daakkul. Laa nug Israel dilag gumak uɗat nuhig nug eppegppanu matakka ii aoma; da heppi, hanhan nug eppegppa, nug buɗub eppelagppa ele daakku.’ Yawe Nug he, da nai amu aakku doomi.

1 Stori 28:6

Nug Solomon tituana, nug da amelppa aum. ‘Na bekkat Solomon, nugib dahil lag, dahil lag amunu haɗap keeke ele hekku. Aɗinu? Da nug da bekkal daakkunu tituanmi, amu da nug mameg daakkul.

Job 5:17

Kayak Nug danab auntai laa tolitta bu medatte ele, danab amu nug itittak ena awom daatte. Anam amunu, na Laa Nukka Ɠagattag Oh Ele Nug na tolitta bu medatte, na amunu ena iinab doyak aib doome.

Sam 2:7

Amu king amu, Yawe tituana, Sion appa meum ele, nug atte. “Da ɗo laa Yawe meum daatte amu, da amunu appi dooglag. Nug da amelppa inam aum. ‘Na am da Bekkal; gemu amu, da na Mamen bemi daattem.

Jeremaia 30:11

Da ag ele daattem amunu, da ag ehanadppi, ag ena daaglag. Da heppi, ag gona, wan laalappa matatun daaglag amu, da wan amu oh hadappi, iitta mekkulagtai. Da anam hekkul oo iitta, amge da ag Jakop buɗub, da ahilagnu anam ii hepa. Da heppi, ag ii iitta memana. Da bu madakkul, amge da ahilag eheɗ hak eleleppa hein, nai doya mala hettoɗia epeɗia elele mettak kobol dim lamitten, ag toliatten, bu madakkul. Amu eɗittak ii madapa. Ag eheɗ heppig amunu, da anam hekkul. Da ahilag eheɗ haknu hamu bia doyen, bu ii madakkulnu ii hepa. Iitta. Da kobol eleleppa madakkul.” Yawe Nug anam awa atte.

Matyu 3:17

Kayak Ouɗi anam ne amu, baag laa hab aabppanu aum. “Imuam da bekkal, da nuhignu ool mauhtte. Nuhignu ele da oolppa enanag doottem,” ewa aum.

1 Korint 11:32

Amu haen Naɗi Nug ig aɗi hettem anikka, Nug ihinig hak amu epeɗitta, ig danab Kayak ii dim lamidtteb ele oh padal ii mematanu, ig ena bekkunignu Nug ig tolikka, bu iqaaqa bappaigtte.

2 Korint 6:18

geha da ag Mamelag daakkul; ag am da bekkalad aɗelad daaglag. Da Naɗi Dakka Ɠagattag Oh Ele, da anam awe attem.”

Duteronomi 8:5

Amunu ag nid mamelkad, anilkad ele ag nid naunau ahilkad toliadna bu madatteb, amubia Yawe, ahilag Kayak, Nug ag toliatta, bu madatte doyeg!

Hibru 1:5

Kayak Nug engel dilag inam iinab aum. “Na am da Bekkal, gemu da na Mamen bemi daattem.” Iitta. Laa amu Kayak Nug engel laippu laa nuhignu, “Da nug Mameg daakkul; nug da Bekkal daakku,” ii aum amunu, ig nai amuppa Jesus Nug engel eɗadtte anidttem.

Revelesen 21:7

Laa nug ban eɗidkku amu, da nug imu medakkul. Da nuhig Kayak daakkul; nug dahil nid daakku.

Revelesen 3:19

Da bekkalad dilagnu ool mauhe, amu da ag tutukku daaglagnu ag daulag batete, ahilag kobol ena bekkulagnu toliadttem amunu, na kobol nahipnu dabmena autna aona, oot eɗuaɗ!