2 Samuel 7:13 - Nobonob Baibel

¹³ Laa nug gumak uɗat nuhig nug eppegppanu matakka ii aoma; da heppi, hanhan nug eppegppa, nug buɗub eppelagppa ele daakku. Nid nahip amu, nugnab dahil lag, da onil amuppa daakkunu amu, nug hekku.

2 Samuel 7:13 ပူးပေါင်းရင်းမြစ်များ

Genesis 49:10

Juda nug hanhan kingnu qakun aɗa daakku. Ao, Juda buɗub laa ag hanhan king daan oiglag. Ag anam daappeg ukkebeb, dimppa laa nug kingnu qakun mamegnab nug uɗia aweb batakku. Nug uɗieb amu, wan laalappan oh ag nuhig nai dim lamidkkulag.

2 Samuel 22:51

Yawe Nug nuhig king ehanitte, nug nuhikkud kekeɗ eɗadtte. Ao, Nug laa nug king daakkunu goɗen gokkaɗakppa tituanom ele, Nug nuhignu oo mauhaknab dootte. Ge, Nug da, Dawit, amu da buɗulad dilagppa hanhanib anam hekku.” Dawit nug anam aum.

2 Samuel 7:16

Na buɗunad ag hanhan da noolppa daaglag. Ag iitta ii memana. Laa nug gumak uɗat nahip na eppenppanu matakka ii aoma; da heppi, hanhan na eppenppa, na buɗunad eppelagppa ele daakku.’ ” Yawe Nug Natan, Dawit amegppa anam akkunu amegppa aum.

2 Samuel 7:27

O Yawe Nakka Ɠagattag Oh Ele, na Israel dilag Kayak, na, ‘Da heppi, na, na buɗunad oolagppanu laala ele, ag ahilag haen anen anenppa, ag Israel dilag king hanhan bena daaglag,’ mattieye, aakku da doomi amunu, diig amuppa da na inam unuqidkkulnu ɠagattag awen, iikku unuqidmi.

1 King 2:24

Genab, Yawe, Nug da ehaniɗa, ɠagattag meɗe, da mamel Dawit abenabppa king daattem, amu Nug anukka dahilnu, da buɗulad dilagnu ele nai qakka, da, amu da buɗulad ele, ig sia king imuppa daagnignu aum bia amu, Nug aakku heum. Yawe Nug anam heum, Nug genab bau daatte, genab amubia Adonaiya nug gemu mauhkku,” awa aum.

1 King 2:4

Amu na Yawe oɗe dim lamidkkutnu diig laa am, na Nug waappa daappe, Nug anukka dahilnu keeke laa hekkunu da amelppa nai ana qakkom, am heeb bekku. Nai qakkak amuam inam. ‘Nahip nid ag ahilag oiyak atognokkulag dayeb, ag oo metta ii uuak kobol dim lamidna, da noolppa tutukku oiglag dayeb amu, geha haen oh da heppi, na buɗunppanu laa ag anen anen ahilag haenppa Israel dilag king bena, sia kingppa daaglag.’ Yawe Nug anam aum amunu, Solomon, na nuhig nai amu, na oh ena tutukku dim lamidppe, Yawe Nug nuhig nai ana qakkom amu, Nug ii loppaɗma. Iitta.

1 King 2:45

Amge Yawe Nug da itiɗa, Nug geha heeb, Dawitnu huuppan danab ag am hanhan king bena, sia kingppa daaglag,” awa aum.

1 King 5:5

amunu, gemu da mettid lag laa, Yawe, dahil Kayak, Nug onig amuppa daakkunu buukkulnu hettem. Yawe Nug anukka da mamel, nug bekkanu nug amegppa nai aum am inam. ‘Da geha heppi, nahip nid laa na abenamppa king dayaya, amu nug geha mettid lag dahil, da onil amuppa daakkunu buukku.’ Yawe Nug nai anam aum amunu, gemu da Nug laug amu buukkulnu hettem.

1 King 6:12

“Gemu na mettid lag dahil hettem amu, lag amunu da attem. Na dahil ɗo iɗu iɗu dim lamidna, dahil haknunab anak oh ele dabmettan dim lamidppe amu, am da anukka na mamen Dawit nug amegppa nai ain qakkami amu, da anam hekkul.

1 King 8:13

Solomon nug danab ah amelagppa anam awowa amu, nug nai tuɗitta, Yawe amegppa inam unuqittom. “O Yawe, gemu amu, da genab mettid lag enanag nahip, na haen oh imuppa daakkutnu iikku hemi,” awa unuqittom.

1 King 8:15

Nug itittak ena mattowa, nug inam aum. “Ig Yawe, Nug ig Israel, ihinig Kayak, ig Nug binag metu! Nug da mamel Dawit amegppa Nug oɗeppanab nai ana qakkom amu, nug nai amu tutukku dim lamitta he, meu oum.

1 King 8:19

amge na dahil mettid lag amu ii buumna. Iitta. Dimppa na nahip nidnab laa, nug mettid lag, da onil amuppa daakkunu buukku,’ awa aum.

2 King 21:4

Nug kayak hambuppuak dilag qaɗab Yawenu mettid lagppa aqom. Amge anukka Yawe Nug lag amunu inam aum. “Da Jerusalem appa amu, da onil aguppa daakkunu tituanmi,” awa aum.

2 King 21:7

Manase nug kayak hambuppuak Aserah dabmekkulagnu biidod nug hoiyom ele, nug amu awa, nug Yawenu mettid lag ooppa meum. Amge Yawe Nug anukka Dawit, nug bekka Solomon ele lag amunu aa amelahppa inam aum. “Israel dilag huu okkai ohppanu wanelkadppanu amu, da mettid lag imu, Jerusalem ele, da imuppa da onil hanhan iguppa daakkunu, tituanatmi.

2 King 8:19

Amge Yawe Nug nuhig maɗi nid Dawitnu dabmak anuqak awom amunu, Jehoram eheɗ heum amu, Nug amunu nob ma, Juda wan heeb nauhkkunu, Nug amu hekkunu uuom. Nug haen oh Dawit buɗubppan danab laa king daakkunu nai ana qakkom amunu, Nug anam heum.

1 Stori 28:10

⌊Amu Solomon, da bekkal,⌋ na daut human doye! Aɗinu? Yawe Nug na nuhig mettid lag nuhignu tituanak daakkunu hekkutnu tituanittom amunu, na ɠagattag daan, uɗat amu he!” Dawit nug anam aum.

2 Stori 33:4

Anukka Yawe Nug nuhig mettid lagnu inam aum. “Da onil am hanhan Jerusalem appa daakku,” awa aum, amge Manase nug kayak hambuppuak dilag qaɗab amuppa heum. Amge

2 Stori 6:16

Am gemu Yawe, na ig Israel ihinig Kayak amu, da na oɗ medattem. Na nai ana qakkak laa da mamel Dawit, nahip maɗi nid, na nug amegppa ame amu, na amunu ele heppe bekkunu oɗ medattem. Na nug amegppa inam ame. ‘Dawit, na begapad ag na hettem bia, ag haen oh da pehettak, dahil ɗo ippunadtte bia dim lamiɗna, da noolppa oiglag dayeb, geha haen oh da heppi, na buɗunppanu laa ag anen anen ahilag haenppa Israel dilag king bena, sia kingppa daaglag,’ aon ame.

Job 36:7

Nug genab tutukku hak danab hanhan dabmadatte. Ao, Nug he, ag king ele sia kingppa daan, ag danab okkai hanhan daatteb.

Sam 72:17

Danab ah ag hanhan king daulagppa dokkunu ool daatte. Ao, aam amahleb ukkeb ukkeb, batak haenppa batak, ag nuhignu daulagppa dokkunu ool hette. Wan atu ohppan danab ah oh nuhig itittak ena aon, ag nug binag mekkulagnu ool daatte.

Sam 89:21

Da nug ɠagattag medakkul. Ge, da nug ehanidppi, ɠagattag daakku.

Sam 89:29

Da geha heppi, nug buɗub oolagppanu laala ag ahilag haen anen anenppa, ag Israel dilag king hanhan bena daaglag. Yo, da geha heppi, hab dayebeb amu, king dayaknu ehah am nug buɗuppudppa hanhan daakku.

Sam 89:4

Da nai inam ɠagattag qetten ami. ‘Da geha heppi, na buɗunad oolagppanu laala ag ahilag haen anen anenppa, ag Israel dilag king hanhan bena daaglag. Yo, da Israel danab ah dilag gumak uɗat na, amu na buɗunad ele, da ag eppelagppa hanhan daakkunu ɠagattag qedakkul.’ ” Sila.

Aisaia 49:8

Amu Yawe Nug atte. “Haen da ii helom bia me, da na ehanidkkulnu ena doyeye, da nahip unuqittak doyen ehanidkkul. Ao, ehanitteb, padal ii mak haenppa amu, da na ehanidkkul. Da na nena qemananu ehanitten, da heppi, na gamag danab daappe, da danab ah ele nai qakkagnig. Nai qakkak amuppa amu, da nahip-ppa ag ehanadppi, Juda danab ag eɗun, ahilag wan hele-ettak daakku amu, ag bappaidkkulag. Amu nai qakkak amuppa ele amu, da nahip-ppa heppi, wan maha maha oh am mamelkad eppelkadppa eɗun daaglag. Ao, aun nug wan anen anen mameg daappig amu, ag buɗulkad ag eɗun anam daaglag.

Aisaia 9:6

Aɗinu? Ihinigppa ah laa nid danab menukku. Ge, nid amu Yawe Nug ihinignu meeb uɗikku. Nug ihinig king daakku. Nug onig anaknu laala inam: Ulum Ena Mettaknu Danab Enanagnab, Kayak Nukka Ɠagattag Ele, Mamenig Hanhannu, King Maɗoɗ Ele.

Aisaia 9:7

Nug am King Dawit ou, Nug geha Dawitnu sia kingppa dayaya, danab ah gumadkku. Gumak uɗat pehettak hekkunu ɠagattag, maɗoɗ ele am haen oh okkai meebeb gokku. Nug Dawit ou daya, Dawitnu sia kingppa dayaya, Nug kobol genab tutukku ele, amu nai doya mala hettoɗia epeɗia elele mettak kobol ele dim lamittebeb, gumak nuhig am okkai, ɠagattag ele beebeb ukkeb, anamib hanhan daakku. Yawe Nukka Ɠagattag Oh Ele, Nugib amunu yag-nab-bak doya heeb, anam bekku.

Jeremaia 33:17

Aɗinu ag anam akkulag? Yawe Nug amunu inam atte. ‘Dawit buɗunppanu laa ag anen anen ahilag haenppa Israel dilag king bena, sia kingppa daaglag.

Esekiel 37:25

Ag anam henana, ag wan ag mamelkad aɗi daadppigppa, wan amu da Jakop mettami amu, ag amuppa daaglag. Ag, ag bekkalkad, ag alalkad uma ukkak ele ag hanhan wan amuppa daaglag. Ag anam daappeg, dahil maɗi nid Dawit, nug hanhan ahilag okkai daakku.

Daniel 2:44

Baeg wan tabatte, wan aab aɗuppa ewom, aen ele qataqak am king laala ag laippu daaglagnu hekkulag, amge laippunab ii daamna ippunigtte, haen ag amu henan daappeg, haen amuppa Kayak hab attan daatte, Nug ɗo maɗoɗ laa daakkunu heeb, ɗo maɗoɗ amuam hanhan daakku. Ɗo maɗoɗ laa wan atu gumaglagnu ahan, ɗo maɗoɗ amu eɗidna ii aomna. Ɗo maɗoɗ amuam ɗo maɗoɗ oh heeb, iitta mekkulag, amge ɗo maɗoɗ amuam hanhan daakku.

Sekaraia 6:12

Na amu hewona, na nug amegppa inam akkut. Yawe Nukka Ɠagattag Oh Ele Nug inam atte. Laa nug onig Ad Diigppa Ita Bau, nug nuhig abenppa dayaya, elelenab mekku. Nug Yawenu mettid lag eɗua bappaidkku.

Sekaraia 6:13

Nug Yawenu mettid lag hekku. Da heppi, nug danab dagom onig ɠagattag ele daakku. Nug nuhig sia kingppa dayaya, danab ah gumadkku. Mana mettak danab laa nug danab amunu sia king heqo laih dayaya ehanittebeb, aa oh maɗoɗ, dabmak laippu ele uɗat hekkulah.” Yawe Nug nai amu da meɗom.

Matyu 16:18

amunu, da na amenppa attem. Na am Pita, na am men, amu men imuppa da tamaniak dahil buukkul. Buuppi, Satannu ɠagattag nug qeeb ii nema.

Hibru 3:3

Amge Kayak Nug Jesus binag okkai, Moses binag eɗittak ele, binag amu mettom. Aɗinu? Jesus Nug am lag hak danab bia dayeye, Moses nug am lag bia dayom. Amu danab nug lag hette ele, nug binag am lag binag eɗittak daatte, amubia Jesus binag am Moses binag eɗidtte.

1 Pita 2:5

Nug he, ag ele men bau daatte bia beegeg, Kayak Nug nuhig tamaniak, lag bia, ahilagppa hette. Amuppa ag mana mettak danab oppiaawak ele daanna, ag keeke Kayak oo niitte ele, Jesus Kristus onigppa mana mettak bia Kayak keeke amu mettaglag.