2 Samuel 6:5 - Nobonob Baibel

⁵ Ag anam nonana, Dawit, Israel laa oh ele daappig amu, ag oolag gamag huana ahehe, ag Yawe noobppa ahi huana ettanna, ag harp, laia, tambarin, sistrum amu simbal ele aɗan, musik ele huana heppig.

2 Samuel 6:5 ပူးပေါင်းရင်းမြစ်များ

2 King 3:15

Elisa nug anam awowa, nug aum. “Heppeg, danab laa harp qak dootte ele uɗiaɗ!” awa aum. Nug anam a, danab harp qak doyak ele uɗia, harp qeeqe, Yawenu ɠagattag amu Elisa, nuhigppa uɗiom.

1 Stori 13:8

Ag anam hena, Dawit, Israel laa oh ele daappig amu, ag oolag gamag huana ahehe, ag Kayak noobppa ahi huana ettanna, ag harp, laia, tambarin, simbal, amu trampet ele aɗan, musik ele huana heppig.

1 Stori 15:28

Anam aakku ag gona, Yawenu Tituanak Nainu Kunup kontrak inak ele aon uɗinna, ag enana, ag musik haknu keeke doɗ qeqeɗippa hak, trampet ele iwalnana, ag simbal hena, laia, harp ele qeppig.

2 Stori 20:28

Ag Jerusalem tena, ag Yawenu mettid lakka gonana, laa ag harp, lut ele qenana, laa trampet iwaladppig.

Sam 47:5

Kayak Nug hab attan teete, danab ah ag oolag gamagnab ahe, huana enana, binag okkai humappig. Yo, haen Yawe Nug hab attan teete amu, danab ag trampet huana iwalppig.

Daniel 3:10

O king, na ɗo laa meme amu, amuppa na laa ag trampet, dumuttum, gita diig laa, laia, harp, iwalaknu keeke laa, amu musik haknu keeke laa oh ele heppeg, danab oh ag dottog golppa hak noobppa dup nona binag mekkulagnu ame.

Daniel 3:15

Am genab iitta daatte dayeb amu, haen elab iitta ag laa trampet, dumuttum, gita diig laa, laia, harp, iwalaknu keeke laa, amu musik haknu keeke laa oh ele baula heppeg doon, ag dottog da hemi ele noobppa dup nona binag mekkulagnu dabmak elele aon, hekkulagnu babaittak daatteb dayeb am ena. Ag am hekkulag. Amge ag dottog amu noobppa dup nona binag mekkulagnu ii dabmetteb dayeb amu, laa pahanab ag aɗualadna, aab naɗi huan eotteppa buɗiadppeg tekkulag. Anam heppeg, kayak aun nug ag ehanatta, da eppelppanu eɗua diikku?” awa aum.

Daniel 3:5

Ag anam daappeg, laa ag trampet, dumuttum, gita diig laa, laia, harp, iwalaknu keeke laa, amu musik haknu keeke laa oh ele heppeg ag doon, ag dottog golppa hak King Nebukatnesar qappom noobppa dup nona binag meig!

Daniel 3:7

Danab amu anam a, danab appa daappig, ag dooppig amunu, haen laa ag trampet, dumuttum, gita diig laa, laia, harp, amu musik haknu keeke laa oh heegeg, danab ah, ag huu anen anennu, ag wanppan wan anen anennu, ag nai ohppanu, ag appa daappig amu, ag dottog golppa hak, King Nebukatnesar qappom, ag dottog amu noobppa dup nona binag meppig. ⌊Amge Satrak, Mesak, Abetnego ele ag dottog amu noobppa dup nona binag ii meppig.⌋

Amos 5:23

Ahi ag ettaladtteb, ahi amu hamu oqottiib bette, ag aib baula ettaladppig. Yo, da ag ahi harp-ppa qedatteb amu, da baula ii doopa.

Amos 6:5

Ag harp qenana, ahi hamu hamu ettanna; Dawit nug musik haknu keeke digdig hattombia, ag hetteb.

1 Samuel 10:5

Keeke amu beeb, dimppa amu na gona, Kayaknu aab Gibea, Pilistia danab ag appa daup dayaknu aben bappaidppig daatteb amu, na gona, aab amu gukkuidppeppe, propet danab laala ag aabnu mettid lag nakokppanu nebeppeg, huu laa ag propet noolag aon, musik haknu keeke digdig onig laia, tambarin, dumuttum, harp ele hebeppeg amu, propet ag propet nai mattiglag.

1 Samuel 16:16

Anam anana, ag tuɗidna nug amegppa appig. “Naɗi, ig nahip maɗi nid amu, na ig amenigppa appe, ig gota, danab laa harp-ppa musik qekkunu dootte ele laa anidta, aopput daakku; aria haen ouɗi nau Kayak noobppanu uɗitte ele, nug uɗia, na uug metteb, danab amu nug geha harp-ppa musik qeeb, na eɗun ena daakkut,” aon appig.