2 Samuel 6:14 - Nobonob Baibel

¹⁴ Amu Dawit nug lamen enanag-epod linenppa hak takka, nug anam dayaya, nug Yawe noobppa nuhig ɠagattag ohppa ahi goɗom.

2 Samuel 6:14 ပူးပေါင်းရင်းမြစ်များ

2 Samuel 6:15

Am danab Yawenu Tituanak Nainu Kunup maon ukkaegeg, Dawit, am Israel laa oh ele goppig ele ag enana, ag trampet ele iwalppig.

2 Samuel 6:20

Dawit nug anam hewowa, haen nug nug baekkudppan ele itittak ena madakkunu ukke amu, Saul aɗeg Mikal nug dimittim uɗia, uɗa ta, amegppa aum. “Na king, na nakka na gemu onin memede! Na danab kaaka, dabmak iitta ele nug lamen iitta oitte, na anam bia hee, nahipad ehanittak ah dilag begbeg maɗi ah, ag na anam anidppig,” awa aum.

1 Stori 15:27

Amu Dawit, Lewi buɗub ag Tituanak Nainu Kunup maoppig ele, danab ahi edappig, Kenania, nug danab ahi edappig gumattom ele, ag oh lamen elab linen hakkabppa hak takkan oippig. Ag oh linen lamen takkadna oin, Dawit nug ele lamen enanag-epod, linenppa hak takkom.

Sam 149:3

Ag ahi goɗanna, Nug binag meig! Ao, ag tambarin, harp ele henana, binag meig!

Sam 150:4

Ag tambarin qenana, ahi ele goɗanna, amuppa Nug binag meig! Ao, ag gita qenana, dumuttum iwalnana, amuppa Nug binag meig!

Sam 30:11

O Yawe, na hee, da mahiak okkai hein daami amu, da mahiak amu uuen, da gamag ahak naɗi doyeye, ahi goɗattem. Na lamen heɗiag ele dahil uɗilon, lamen gamag ahaknu ippunigtte ele meɗame.

Sam 87:7

Danab ah ag ahi ettaladnana, ag akkulag. “Yawe Jerusalem appa daatte, Nugib ig bau dayak megatte!” aon akkulag.

Eksodas 15:20

amu dimppa, propet ah Miriam, Aron appinag, nug ahi ettaknu keeke onig tambarin, nug amu awa uɗalele, ah laala oh ahan, Miriam dim lamidna ukkaeg, Miriam ag ele oh tambarin uɗalnan, ahi ettanna goɗappig.

Eksodas 15:21

Ag amu henena, Miriam nug ag amelagppa ahi inam ettom. “Yawe Nug ban naɗi eɗitta, Nug hos, amu danab hos attan daappig ele, Nug amu oh akke, yu ooppa noppig amunu, ag nuhignu ahi etteg!” awa ahi ettom.

Eksodas 19:6

Ag anam hekkulag dayeb amu, ag geha dahilnu danab ah tituanak oppiaawak ele daanna, dahil mana mettak danab ele daan, ag dahilnu daaglag.’ Na Israel danab ah amelagppa anam appe dooglag.” Yawe Nug nai amu Moses amegppa aum.

Eklisiastis 9:10

Na gemu bau daattem amu, na haen imuppa aɗi uɗat hekkutnu anidkkut, na nahip ɠagattag ohppa he! Aɗinu? Na moɗppa gokkutnu oittem amu, appa danab laa nug uɗat laa ii hette, nug keeke laa hekkunu maittak ii aotte, appa doyak laa ii daatte, doyak dabmak ena ele laa ii daatte.

Esekiel 46:10

Danab ah ag uɗitteb, haen amuppaib ahilag okkai nug ele ag oolagppa uɗiaɗ! Haen ag ahan gobeppeg amu, nug ele haen amuppa eɗua ukkaɗ!

Luk 15:25

Heegeg, nid tatamnu nug dad okkaippa dayaya, dimppa nug uɗia, nug lag guguitta ba amu, ag ahi ettak, goɗak ele heegeg doya,

Duteronomi 6:5

Ag Yawe, ahilag Kayak, ag nuhignu ag meulag ohppa, oolag ohppa, ahilag ɠagattag ohppa ele oolag mauhaɗ!

Kolosi 3:23

Keeke oh ag hetteb amu, ag hekkulagnu ag oolag mettan heig! Amu ag, “Ig danabnu uɗat hettem,” doonna aib heppig. Iitta. Ag, “Ig Naɗinu uɗat hettem,” doonna heig!

Ikki Danab 11:34

Jepta aɗi ag Amon anam eɗadna, Jepta nug appag diig Mispa eɗua ukke amu, antte! Nug aɗeg nug anidkkunu, tambarin qaaqa, gamag ahakppa goɗaɗa anuqa, nug uɗa teum. Nug aakkuib am nuhig nid. Nug nid danab, o nid ah laa iitta.

Ikki Danab 21:21

haen Silo nid ahin bau ag goɗaglagnu dobeppeg amu, ag grep dad ooppan tulan wana, anen anen aɗualadna, waalkad daaglagnu laulkadppa diin ukkeg!

1 Samuel 2:18

Amu nid danab Samuel, nug Silo appa Yawe noobppa lamen enanag-epod linenppa hak tagakka, Yawenu ɗo maɗoɗ uɗat heum.

1 Samuel 2:28

Haen amuppa da na alan anukkanu onig Aron, Israel dilag huu okkai ohppanu, da nug mana mettak danab daakkunu, nug dahil qaɗabppa dahil uɗat hekkunu, nug kalu danab ile muttuɗig enanag bette manakkunu, nug lamen enanag-epod tagakka, da noolppa oikkunu tituanmi. Amu aakkuib iitta. Da Aron buɗub oh ag mana mettak danab daaglagnu ain, da ag doɗ oh, Israel danab ah ag aab aɗunu ofa henana, manan da meɗaglagnu aon uɗitteb ele amu, da doɗ amu ohppanu teppu maha, ag Aron buɗub daatteb ele, da ag lakkulagnu maha amu mattami.

1 Samuel 22:18

Saulnu gumak danab ag mana mettak danab ameg amu aqaglagnu uueg, King Saul nug Doeg amegppa aum. “Na ahan, aqappe mauheg!” awa aum. Nug anam a, Doeg, nug Edom ted, nug aha, aqe mauhppig. Nug deɗ amuppa danab 85 aqom; ag oh am mana mettak danabib daappig.