2 Samuel 6:12 - Nobonob Baibel

¹² Anam daye amu, danab laa ag King Dawit amegppa appig. “Kayaknu Tituanak Nainu Kunup Obetidom laugppa daatte amunu, Yawe Nug Obetidom, nug baegppan ele itadtte,” aon appig. Ag anam aeg, Dawit doya, nug aha ukka, nug Kayaknu Tituanak Nainu Kunup appanu awa uɗiye, danab ah ag gamag ahak okkai doon ahi ettaegeg, Dawit nug Tituanak Nainu Kunup amu Dawitnu Aabppa meum.

2 Samuel 6:12 ပူးပေါင်းရင်းမြစ်များ

2 Samuel 5:7

Ag anam appig, amge Dawit eɗattowa, nug aab Sion aɗ ɠagattagnab ele amu awom. Amuam Dawitnu Aab aakku.

1 King 8:1

Amu King Solomon nug Yawenu Tituanak Nainu Kunup kontrak inak ele, nug kunup amu Sion, Sion am Dawitnu aab amu, nug appanu awa, Yawenu mettid lag, amuppa mekkunu dabmeum amunu, nug Israel dilag ikki danab, Israel dilag huu okkai anen anen dilag danab okkai oh, amu Israel baekkudppan dilag okkai ele ag nai doon, ahan, nug gumidna, Jerusalem uɗiglagnu onilagppa eum.

1 King 8:3

Amu Israel dilag ikki danab ag oh uɗin daaeg, mana mettak danab ag Tituanak Nainu Kunup humappig.

1 King 8:4

Ag human, ag Yawenu Tituanak Nainu Kunup, mettid haknu peh lag danab ah appa qagmetteb ele, amu lag amuppanu keeke, Yawenu tituanak daatteb ele, ag keeke amu ele akkan aon Kayak laug guguittak uɗippig. Lewi buɗubppan mana mettak danab, Lewi buɗubppan mana mettak danab iitta ele ag keeke amu aon uɗippig.

1 Stori 15:15

Ag anam hena daanna, Lewi buɗub ag Yawe, Moses amegppa attem hena maoglagnu a, Moses ag amelagppa anam hekkulagnunab aum amu, ag amubia Kayaknu Tituanak Nainu Kunup ad aɗitppa gukkalagppa maoppig.

1 Stori 15:25

Ag oh amu, ag uɗat amu hekkulagnu tituanatteg, Dawit, Israel dilag ikki danab, ban daup ikki, ag anen anen daup 1,000 gumadppig, ag ele oh Yawenu Tituanak Nainu Kunup kontrak inak ele Obetidom laugppanu aon, Jerusalem uɗiglagnu gamag ahak okkai ele doon goppig.

1 Stori 16:16

Amuam nug tituana nai qakkak Nug Abraham ele hepiɗ. Ao, amuam aɗi keeke Nug hekkunu Aisak amegppa nuhig nai ɠagattag qetta aum aakku.

1 Stori 26:4

⌊Kora buɗubnu laa,⌋ Obetidom nug ele bekkod ele. Nug bekka tatamnu am Semaia. Semaia dimugppan am Jehosabat. Jehosabat dimugppan am Joa. Joa dimugppan am Sakar. Sakar dimugppan am Netanel.

1 Stori 26:5

Netanel dimugppan am Amael. Amiel dimugppan am Isakar. Isakar dimugppan am Peuletai. Kayak Nug Obetidom itittom amunu, nug bekkod kuɗum ele.

2 Stori 5:2

Amu Solomon nug Yawenu Tituanak Nainu Kunup kontrak inak ele, nug kunup amu Sion, Sion am Dawitnu aab amu, nug appanu awa, Yawenu mettid lag, amuppa mekkunu dabmeum amunu, nug Israel dilag ikki danab, Israel dilag huu okkai anen anen dilag danab okkai oh, amu Israel baekkudppan dilag okkai ele ag nai doon ahan, Jerusalem uɗiglagnu onilagppa eum.

Matyu 10:42

Amu danab laa nug danab hamu onig iitta laa anidtte, amge danab hamu onig iitta amu nug da dim lamiɗtte amunu, danab laa amu nug danab onig iitta ehanitta, nug le ougib kap-ppa medatte amu, da genab ag amelagppa attem, Kayak Nug danab amu nob ena medakku. Nug daug iinab atima,” awa aum.