2 Samuel 6:11 - Nobonob Baibel

¹¹ Dawit nug Yawenu Tituanak Nainu Kunup Obetidom laugppa appa me, Tituanak Nainu Kunup kalam ewam appa dayom. Dayeye am, Yawe Nug Obetidom, nug baegppa oh ele itattom.

2 Samuel 6:11 ပူးပေါင်းရင်းမြစ်များ

Genesis 30:27

Jakop anam a amu, Laban nug oɗeppa awa aum. “Na oot dahilnu ena daatte dayeb amu, na gokkutnu aib heme. Na da ele ippa daagnih. Aɗinu? Da dahil emanppa Yawe Nug nappa da itiɗom anidmi.

Genesis 39:23

Yawe Nug Josep aɗi keeke anen anen heum ele amu ehanittette, keeke anen anen elelenab beum amunu, maniguittak gumak ikki danab nug uɗat laala Josep eppegppa meum ele, nug amunu dab-ii-mettom.

Genesis 39:5

Potipar nug nug laug, nuhikkud keeke laa oh Josep eppegppa me, haen amu dimppa Yawe Nug Josep beɗuppa Potipar itittom. Nug Potiparnu keeke oh, laugppanu, dad okkaippanu ele ititte, ena beppig.

2 Samuel 6:10

Dawit nug anam ana, nug Yawenu Tituanak Nainu Kunup awa ta, aab nug daatteppa, amuam Dawitnu Aab amu, nug appa mekkunu uuom. Nug uua, nug laih ukka, Gat ⌊Rimon⌋ danab onig Obetidom, nug laugppa meum.

1 Stori 26:4

⌊Kora buɗubnu laa,⌋ Obetidom nug ele bekkod ele. Nug bekka tatamnu am Semaia. Semaia dimugppan am Jehosabat. Jehosabat dimugppan am Joa. Joa dimugppan am Sakar. Sakar dimugppan am Netanel.

Malakai 3:10

Amu ee elele da laulppa daakkunu amu, Israel danab ah ag, ag keeke obatak eblaih tanig ele ooppanu obatak laippu amu oh aon, da laulnu ee bakkalenu maknu oo, ag oo amuppa keeke amu oh meig! Ag ma anttak meɗan, anam hekkulag dayeb amu, da hab aabppan itittak ena naɗi madakkul. Da huanaknab madappi, meppeg ambeeb, ag dabmettaglagnu aben elele iitta daakku! Ag anam hena anitteg! Da genab meu heppi beeb anidkkulag!” Yawe Nukka Ɠagattag Oh Ele Nug anam atte.