2 Samuel 5:9 - Nobonob Baibel

⁹ Dawit aɗi ag aab aɗ ɠagattagnab ele amu aon, Dawit nug aab aɗ ɠagattagnab ele amuppa ukka dayaya, nug aab amu onig, “Dawitnu Aab,” ataɗom. Nug appa dayaya, nug aab amu daug daug lag keeke, bau hattom. Nug aben laa wan ita me bak, nug amuppa digma, lag keeke, hatte ukke, Dawitnu Aabppa ukkom.

2 Samuel 5:9 ပူးပေါင်းရင်းမြစ်များ

2 Samuel 5:7

Ag anam appig, amge Dawit eɗattowa, nug aab Sion aɗ ɠagattagnab ele amu awom. Amuam Dawitnu Aab aakku.

2 Samuel 5:8

Dawit nug Jerusalem nuhig daakkunu awom, amge ii awom haenppa nug aum. “Jebus danab imu oh amu, ag dahil kekeɗ, ag ameg gaɗuak, baeg nau autaut oiyak ele daatteb bia doyeye, ahilagnu amu, da nau ninig ele doottem. Auntai laa nug Jebus danab imu eɗadkkunu hekku amu, nug le ippu wan ooppa hoyak dim lamitta ukka, aab imu ooppa ta, ag eɗadkkuoitte. Ib laa iitta,” awa aum. Dawit nug anam aum amunu, danab ag digmena appig. “Ameg gaɗuak, baeg nauhak ele am Dawitnu lag enanagnab, ag appa ii daamna,” adappig.

2 Samuel 6:10

Dawit nug anam ana, nug Yawenu Tituanak Nainu Kunup awa ta, aab nug daatteppa, amuam Dawitnu Aab amu, nug appa mekkunu uuom. Nug uua, nug laih ukka, Gat ⌊Rimon⌋ danab onig Obetidom, nug laugppa meum.

1 King 11:27

Jeroboam nug King Solomon waappa daakkunu uua, nuhig nai tappe noumnu kaya am iikku. Haen King Solomon nug aben laappa wan ita me, elele ii ba malak, nug Dawitnu Aab, amuam Solomon mamegnu aab amu, nug amunu aɗ ele ii ita malak, haen nug uɗat amu heehe ukke, Jeroboam nug uɗat amuppa dayom.

1 King 2:10

Dawit nug nai amu oh mattia mala dayaya, dimppa nug mauhe, ag nug gaɗa Dawitnu Aab, appa boumppig.

1 King 9:15

Amu King Solomon nug danab kuɗum ag ɗo waappa kingnu uɗat haknuib daappig diiom. Am amunu nai am iikku. Nug diia he, ag Yawenu mettid lag buuona, ag Solomon, nuhig lag enanagnab buuna, amu Jerusalem talilidkkunu aɗ ele itappig. Nug ele he, ag wan itan meeg, aben laa aakku elele beum. Amu Solomon nug he, ag aab Hasor kalan, aab Megido kalan, amu aab Geser ele kalappig.

1 King 9:24

Amu Paro aɗeg, Solomon wau, nug Dawitnu Aab amu uua aha, nuhig lag enanagnab bau Solomon heum, amuppa ukkom. Ukke dimppa, Solomon nug aben oolnu noak Jerusalemnu aam bedeppanu dayom amu, nug amu qelakkom.

2 King 12:20

Amu Joas nug nuhikkud ehanittak anuqak danab ag Joas nug qeppeg mauhkkunu nai qagappig. Ag oolagppanu ehanittak anuqak danab aɗit laa, laa am Simeat bekka Josabat, laa am Somer bekka Jehosabat ele, aa Bet Milo, aab amuam Sila aabppa ukkaknu ibppa daatte, aa amuppa Joas qeeh mauhom. Aa qeeh mauhe, laa ag nug gaɗa aon, Dawitnu Aab, appa nug mamekkud aɗi boumadppigppa boumppig. Nug mauhe amu, nug bekka Amasaia nug abenabppa king ba dayom.

1 Stori 11:8

Dawit appa dayaya, nug aab okkai amu daug daug lag keeke, bau hattom. Nug aben laa wan ita me bak, nug amuppa digma, lag keeke, hatte ukka, aabnu aɗppa batom. Aria, aab laa tatam dayom amu, Joap nug amu eɗua babaittom.

2 Stori 32:5

Ag amu heeg, Hesekaia nug Jerusalemnu aɗ aben laala nauhak dayom amu, nug babaitta, ⌊ban haknu⌋ lag attan ta ukkak menppa hak ele aɗppa hattom. Nug ele aɗ laa, aɗ tatam dayom, aɗ amu dimittim heum. Amu aben ag wan itan meeg, elele beum, aben amu ele nug ɠagattag qettom. Hesekaia nug amu haaha, nug ban, lat keeke, kuɗum hatta, nug guppiɗ ele kuɗum hattom.

Nehemaia 3:15

Amu Kolhose bekka Salum, nug aben aab Mispa daatte, nug amu dilag okkai amu, nug od okkai laa onig Le Qeppuɗia Bak eɗua babaittom. Nug od amu eɗua ha, nug od amu igippa lag haug me dayeye, nug od amunu od naunau oh ele ha aihattowa, nug od amu ohppa manak qaknu keeke meum. Nug aɗnu laih ele eɗua babaittom. Babaittom ele am, dad onig Kingnu Dad, dad amuam le gottu onig Siloam guguittak, nug aɗ aben amuppa babaitte ukke ukke, adqaɗ danab ah ag Dawitnu Aab, amuppanu aon notteb ele, amuppa batom.

Sam 122:3

Danab Jerusalem buuppig ele amu, ag hena autna aoppig. Danab ah kuɗum iguppa qagmekkulagnu elele.

Aisaia 29:1

⌊Yawe atte.⌋ “Ig alanig Dawit nug anukka aab okkai Jerusalem awa dayom, dahil qaɗab am aguppa daatte, amge ag danab ah ag gemu Jerusalem appa daatteb amu, ahilagnu am gadonnab gadon. Ag maɗ anen anen oh, ag haen oh qagmak gamag ahak ele hetteb, da ag hekkulagnu ami amu, ag amu henan tuɗidna hetteb,

Ikki Danab 9:20

Amge ag Gideon, baekkudppa ele dilagppa eheɗ heppig dayeb amu, Abimelek, nuhigppanu, aab ewak ukkeb, ag Sekem, Bet Milo ele danab ewatteb, ahilagppanu ele, aab ewak nuhigppa ukkeb, anam bekkunu Kayak unuqidttem,” awa aum.

Ikki Danab 9:6

Ag anam heeg, Sekem, Betmilo danab ah ele ag Sekem appa, ad ok waappa, biidod laa heqoppa qagmena heeg, Abimelek ahilag gumak danab daakkunu king haɗ nug igippa mekkulagnu qagmeppig.