2 Samuel 5:7 - Nobonob Baibel

⁷ Ag anam appig, amge Dawit eɗattowa, nug aab Sion aɗ ɠagattagnab ele amu awom. Amuam Dawitnu Aab aakku.

2 Samuel 5:7 ပူးပေါင်းရင်းမြစ်များ

2 Samuel 5:8

Dawit nug Jerusalem nuhig daakkunu awom, amge ii awom haenppa nug aum. “Jebus danab imu oh amu, ag dahil kekeɗ, ag ameg gaɗuak, baeg nau autaut oiyak ele daatteb bia doyeye, ahilagnu amu, da nau ninig ele doottem. Auntai laa nug Jebus danab imu eɗadkkunu hekku amu, nug le ippu wan ooppa hoyak dim lamitta ukka, aab imu ooppa ta, ag eɗadkkuoitte. Ib laa iitta,” awa aum. Dawit nug anam aum amunu, danab ag digmena appig. “Ameg gaɗuak, baeg nauhak ele am Dawitnu lag enanagnab, ag appa ii daamna,” adappig.

2 Samuel 5:9

Dawit aɗi ag aab aɗ ɠagattagnab ele amu aon, Dawit nug aab aɗ ɠagattagnab ele amuppa ukka dayaya, nug aab amu onig, “Dawitnu Aab,” ataɗom. Nug appa dayaya, nug aab amu daug daug lag keeke, bau hattom. Nug aben laa wan ita me bak, nug amuppa digma, lag keeke, hatte ukke, Dawitnu Aabppa ukkom.

2 Samuel 6:10

Dawit nug anam ana, nug Yawenu Tituanak Nainu Kunup awa ta, aab nug daatteppa, amuam Dawitnu Aab amu, nug appa mekkunu uuom. Nug uua, nug laih ukka, Gat ⌊Rimon⌋ danab onig Obetidom, nug laugppa meum.

2 Samuel 6:12

Anam daye amu, danab laa ag King Dawit amegppa appig. “Kayaknu Tituanak Nainu Kunup Obetidom laugppa daatte amunu, Yawe Nug Obetidom, nug baegppan ele itadtte,” aon appig. Ag anam aeg, Dawit doya, nug aha ukka, nug Kayaknu Tituanak Nainu Kunup appanu awa uɗiye, danab ah ag gamag ahak okkai doon ahi ettaegeg, Dawit nug Tituanak Nainu Kunup amu Dawitnu Aabppa meum.

2 Samuel 6:16

Ag Yawenu Tituanak Nainu Kunup anam aon uɗinna, ag Dawitnu Aab, ag appa bena, aab ooppa nonana, Dawit nug gamag ahak okkai ele doyaya, nug oola taata, oola naana, ahi huana goɗeɗe, nug wau, Saul aɗeg Mikal, nug lag ooppa dayaya, gililppa ulah ibuppa daya, haen nug neekke ukke, King Dawit anam he antta amu, nuhignu nug ooppa ena iinab doyom.

1 King 2:10

Dawit nug nai amu oh mattia mala dayaya, dimppa nug mauhe, ag nug gaɗa Dawitnu Aab, appa boumppig.

1 King 3:1

Am Solomon nug Isip dilag king Paro ele aa nug tituanpiɗ. Wan aɗit amu, Israel wan am Isip wan ele, aa ban ii hemaya, ena, hamu daaglahnu, aa amunu anam hepiɗ. Aa tituanak amu heya, Solomon nug Paro aɗeg nuhig ah daakkunu awom. Am Solomon nug ah amu awa, nug omala, Dawitnu Aab, appa uɗie dayom. Nug ah amu awa uɗie, nug appa dayeye ukke, Solomon nug nuhig lag enanagnab ha malowa, nug Yawenu mettid lag ha malowa, amu nug Jerusalem aɗub, Jerusalem talilitta daakkunu ele ita male ⌊ukke, ah amunu laug ele ha male, ah amu nug lag amuppa ta,⌋ haen amuppa nug dayomppa dayak am batom.

1 King 8:1

Amu King Solomon nug Yawenu Tituanak Nainu Kunup kontrak inak ele, nug kunup amu Sion, Sion am Dawitnu aab amu, nug appanu awa, Yawenu mettid lag, amuppa mekkunu dabmeum amunu, nug Israel dilag ikki danab, Israel dilag huu okkai anen anen dilag danab okkai oh, amu Israel baekkudppan dilag okkai ele ag nai doon, ahan, nug gumidna, Jerusalem uɗiglagnu onilagppa eum.

1 King 9:24

Amu Paro aɗeg, Solomon wau, nug Dawitnu Aab amu uua aha, nuhig lag enanagnab bau Solomon heum, amuppa ukkom. Ukke dimppa, Solomon nug aben oolnu noak Jerusalemnu aam bedeppanu dayom amu, nug amu qelakkom.

1 Stori 11:7

Dawit aɗi ag aab aɗ ɠagattagnab ele amu aon, Dawit nug aab aɗ ɠagattagnab ele amuppa ukka dayom, diig amunu danab ah ag aab amunu, “Dawitnu Aab,” appig.

2 Stori 24:16

Jehoiada nug Israel dilagppa kobol ena ena ha, Nug Kayak tutukku dim lamitta, nug Kayaknu mettid lag ele dabmetta auta autanab awom amunu, nug mauhe, ag nug Dawitnu Aab, ag appa kingnu boumak abenppa nug boumppig.

2 Stori 5:2

Amu Solomon nug Yawenu Tituanak Nainu Kunup kontrak inak ele, nug kunup amu Sion, Sion am Dawitnu aab amu, nug appanu awa, Yawenu mettid lag, amuppa mekkunu dabmeum amunu, nug Israel dilag ikki danab, Israel dilag huu okkai anen anen dilag danab okkai oh, amu Israel baekkudppan dilag okkai ele ag nai doon ahan, Jerusalem uɗiglagnu onilagppa eum.

Nehemaia 3:15

Amu Kolhose bekka Salum, nug aben aab Mispa daatte, nug amu dilag okkai amu, nug od okkai laa onig Le Qeppuɗia Bak eɗua babaittom. Nug od amu eɗua ha, nug od amu igippa lag haug me dayeye, nug od amunu od naunau oh ele ha aihattowa, nug od amu ohppa manak qaknu keeke meum. Nug aɗnu laih ele eɗua babaittom. Babaittom ele am, dad onig Kingnu Dad, dad amuam le gottu onig Siloam guguittak, nug aɗ aben amuppa babaitte ukke ukke, adqaɗ danab ah ag Dawitnu Aab, amuppanu aon notteb ele, amuppa batom.

Sam 132:13

Aɗinu ⌊Yawe Nug anam aum⌋? Nug Sion tituanom. Nug appa daakkunu oo daatte.

Sam 2:6

Nug amelagppa mattiaya, Nug atte. “Da hei, laa da tituanmi ele, nug Sion appa, king daatte. Ao, qauko Sionnu amu, qauko amu dahilnu tituanak daatte.” Yawe Nug anam awa atte.

Sam 48:12

Amu ag buɗulkad dona daabppeg, ag madippeg dooglagnu elele daaglagnu, ag gona aab Sion talilidna, italna antteg! Ao, ag oinna, lag attan ta ukkak menppa hak gane daatteb ebaqeeg! Ag ele nuhig wan buue te aɗ itak bia daatteb tutukku dabmetteg! Ge, ag aab ooppa aben aɗ ɠagattagnab ele laa daatteb oh anatteg!

Sam 48:3

Kayak Nug, Sion ooppa aben aɗ ɠagattagnab ele daatteb, Nug amu ohppa daatte. Ao, nug danab ah Sion daatteb ele, Nug ahilag aab aɗ ɠagattagnab ele bia daatte.

Sam 51:18

Na enanag, elele doon, danab ah Sion daatteb amu ehanadkkutnu oɗ medattem. Yo, na Jerusalem danab ah ehanadppe, ɠagattag daaglagnu unuqidttem.

Sam 87:2

Nug aab okkai Sion, aab amuam aab okkai laa oh Israel ooppa daatteb eɗattak amu, nug aab amunu oo mauhtte.

Sam 9:11

Yawe, Nug danab ag laa makkuɗadtteb ele, Nug ag eheɗ heppignu nob tutukku madatte amu, Nug kobol nau ag hetteb ele, Nug amu daug ii atitte. Ao, Nug laa ag gai-iitta daan, laa waalagppa eheɗ daan, Nug ehanadkkunu gaatteb amu, Nug ag ii guhuɗadtte amunu, ag Yawe, Nug Sion dayaya, danab ah gumadtte ele amu, ag nuhignu, Nug binag maknu ahi laa etteg! Ao, ag Nug keeke heumnu wanppan wan ohnu danab ah oh appeg doyeg!

Aisaia 12:6

O danab ah Sion daatteb, Israel dilag Kayak Oppiaawak Ele, Nug nuhig ɠagattag okkaippa ag ehanatta, atognoadtte amu, Nug ag oolagppa daatte amunu, ag baalag okkaippa enan, ag gamag ahakppa ele ahi etteg!

Aisaia 59:20

Yawe atte. “Amu laa, Nug danab ah qagaiettakppanu eɗua uhuqaknu ehanittak hette ele amu, nug Sion uɗikku. Ao, laa uɗikku ele, Nug Jakop buɗub oolagppanu aun aɗi ag oolag eɗueb, hipunin ahilag dimettaglag amu, Nug ag ehanadkkunu uɗikku.” Yawe Nug anam awa atte.

Jeremaia 21:13

Yawe Nug anam anana, Nug ag amelagppa imu ele atte. ‘Ag Jerusalem daatteb, ag oolnu noak akka daugppa, men kuɗum daattebppa daatteb. Ag atteb. “Auntai nug eheɗ heigkkunu elele? Aun nug padal mak eɗitteb ena dayaknu aben ihinig imu bekkunu elele?” atteb. Ag anam atteb, amge da ahilag hak amunu eheɗ doyeye ool ii madattem.

Maika 4:2

Danab ah wanppan wan kuɗumppanu ag ahan uɗin, akka akka mattin akkulag. “Yawe Nug nuhig ib ig ippunigkkunu, ig nuhig ib dim lamidkkunignu amu, doppeg, ig Yawenu qaukoppa tetu! Ao, ig Jakopnu Kayaknu mettid lag, ig amuppa gotu!” Ag anam aon akkulag. Aɗinu ag anam akkulag? Yawenu ɗo nai am Sion appanu aha, tuala gokku. Yo, Yawenu nai Jerusalem appanu aha gokku.

Rom 9:33

Kayak naippa, nai amunu inam daatte. “Antteg! Sion appa da men laa eppami daatte. Men amuam men laa danab ippulagppa dayeye, danab ag men amuppa baelag qena, nena qetteb bia daatte. Ao, men amuam, men laa he, danab ag nena qetteb bia daatte. Amge aun laa nug nuhignu ooppa genab dookku, nug geha uɗa nak iinab aoma,” awa atte.

Hibru 12:22

Amge ag gemu daatteb, ag oolagppa genab dootteb ele amu, ag keeke anamppa ii wappig. Iitta! Ag amu Sion qaukoppa teppig. Ag am Jerusalem hab aabppanu, Kayak bauklelnu appagppa teppig. Ag amu engel tausen tausen maɗoɗppan gamag ahak okkai ele qagmena daatteb ele, amuppa teppig.

Revelesen 14:1

Amu da eɗue neekke amu, Sipsip Nag Sion qaukoppa hibaitta dayeye, danab ah 144,000 Nug ele daappig anidmi. Nug onig, amu Nug Mameg onig ele ag uɗalkadppa yaak daapiɗ.