2 Samuel 5:5 - Nobonob Baibel

⁵ Nug tatam king ba dayom amu, nug Juda dilagib king dayom. Nug digma, king daye ukke, nug maɗ eblaih aɗit, kalam eblaih laippu ele Hebron appa dayom. Amu dimppa nug Israel oh dilag king digma dayeye, maɗ 33 dayom. Nug Jerusalem appa dayaya, amu heum.

2 Samuel 5:5 ပူးပေါင်းရင်းမြစ်များ

2 Samuel 12:8

Saul, nug nahip okkai dayom amu, da nuhikkudppan oh, amu nug wauud, ag na waatad daaglagnu ele da na mettami. Da na Israel dilag king, Juda dilag king ele daakkutnu ehah mettami. Da amu oh mettami, amu na keeke amunu, “Am keeke nakok,” doome dayeb amu, na oɗ meɗalom, da amu tuɗitten, laa okkainab ele mettalom.

2 Samuel 2:11

Ag nug dim lamittegeg, Dawit nug Hebron appa maɗ eblaih aɗit, kalam eblaih laippu ele Juda dilag king dayom.

2 Samuel 2:4

Ag anam daaegeg, Juda danab ag Hebron uɗin, ag Dawit nug ahilag king daakkunu hena, ag Dawit king daakkunu goɗen gokkaɗakppa tituanppig. Ag anam heppig dimppa amu, laa ag Jabes Gileat danab ag, Saul mauhe, haen elab ii ukke, ag gona gaɗa awona, ag aon uɗin boumppig Dawit amegppa aeg doyom.

1 King 2:11

Nug ii mauhak haenppa amu, Dawit nug Israel wanppa Israel dilag king ba, nug maɗ 40 Israel gumattom; nug Hebron appa maɗ eblaih aɗit ele king daya, Jerusalem appa nug maɗ 33 king dayom.

1 Stori 11:3

Ag anam aeg, Israel dilag ikki danab oh ag Dawit gumidna, Hebron uɗieg, nug he, ag nug ele Hebron appa, Yawe noobppa nug tituanna, nai qagappig. Ag nug tituanna, nai qakkan, ag Dawit, nug Israel oh dilag king daakkunu goɗen gokkaɗakppa tituanppig. Yawe Nug Samuel oɗeppa amu bekkunu aum, aumbia Dawit nug king abenabppa ta dayom.

1 Stori 29:27

Nug king daye ukke ukke, nug maɗ 40 king daya, nug mauhom. Nug Hebron appa maɗ eblaih aɗit ele king daya, Jerusalem appa nug maɗ 33 king dayom.

1 Stori 3:4

Nid danab eblaih laippu ele amu ag oh Dawit nug Hebron dayeye, nug wauud ag bekkod amu menuadppig. Dawit nug maɗ eblaih aɗit ele, kalam eblaih laippu ele Hebron appa king dayaya, nug aha, Jerusalem ukka, nug appa maɗ 33 king dayom.