2 Samuel 5:24 - Nobonob Baibel

²⁴ Amge na gona, atu ad amu eleppa tewona, ad balsam amu gogppa oqotti laa, oqotti amuam ban danab ag laippuppa tappa ukkak oitteb oqotti bia, na oqotti amu doon, na da, Yawe, da na noomppa Pilistia aqadkkulnu gottem ippunidtte dookkut amunu, na amu doon, na paha ahan, Pilistia danab aqadkkutnu ukke!” awa aum.

2 Samuel 5:24 ပူးပေါင်းရင်းမြစ်များ

2 Samuel 5:23

Ag anam heeg, Dawit nug Yawe, nug aɗi hekkunu oɗ mette, Yawe Nug Dawit amegppa aum. “Tutukku, Pilistia noolagppa tena, ban aib heme. Iitta. Na taliliadna gona, dimulagppa tena, ad balsam kuɗum ag dimulagppa daatteb amunu, na aben amuppa tena, appanu Pilistia gukkuadna goppe, ag ele ban heig!

2 King 7:6

Aɗinu? Aram ban danab amu oh oolna goppig. Amunu diig am, tueb amuppa Naɗi Nug he, Aram ag oqotti okkai dooppig; ban danab ameg naɗi, hos, bannu karis ele dilag oqotti okkainab bia doon, ag inam appig. “Israel ag Hit danab, Isip danab ele, ahilkad king daden matteg, ahilkad ban danab ag banenig uɗin, ig iqaglagnu uɗitteb,” aon appig. Ag anana, ag paha ahan, daappig aben amu uun, oolna goppig.

1 Stori 14:15

Amge na gona, atu ad amu eleppa tena, na paha gona, Pilistia ele ban hekkulagnu aib gome. Iitta. Na appa daanna, ad amu gogppa oqotti laa, oqotti amuam ban danab ag laippuppa tappa ukkak oitteb oqotti bia, na oqotti amu doon, na da, Kayak, da na noomppa Pilistia aqadkkulnu gottem ippunidtte dookkut amunu, na amu doon, na paha ahan, Pilistia danab ele ban hekkulagnu ukke!” awa aum.

Ikki Danab 4:14

Aakku Deborah nug Barak amegppa aum. “Ahan babaitte! Aɗinu? Gemu amu, Yawe Nug heeb, na Sisera eɗidkkut. Yawe Nug na noom awa iite gotte!” awa aum. Nug anam aum amunu, Barak nug ban danab nuhig 10,000 omalatte, ag Tabor qaukoppanu nona, ban heppig.

Ikki Danab 7:15

Haen Gideon nug tul niiak nai amu, mehuqak nuhig ele doya amu, nug Kayak noobppa dup noa binag meum. Aakku nug eɗua, Israel dilag haen tutu dayaknu aab kalakppa ukka, ewa aum. “Aheg! Yawe Nug heeb, ag Midian danab eɗadkkulag!” awa eum