2 Samuel 5:20 - Nobonob Baibel

²⁰ Yawe Nug anam aum amunu, Dawit, nuhikkud daup ele ag ukkaeg, Pilistia ele ban hena, Dawit aɗi ag Pilistia aqappig. Ag anam hena, Dawit nug aum. “Le keeke awa duttune gotte, amubia Yawe Nug dahilad kekeɗ he, iitta meppig,” awa aum. Dawit nug anam anana, nug aben amu onig Bal Perasim ataɗom.

2 Samuel 5:20 ပူးပေါင်းရင်းမြစ်များ

2 Samuel 19:9

Ag tena daaegeg, Israel laa oh ele nai aeg ona, aeg do appig. “King Dawit nug anukka ig ehanikke, ig kekeɗ ihinkad eppelagppa ii daamut. Nugib ig Pilistia danab eppelagppanu awikkom. Nug anam heum, amge Apsalom bekkunu he, Dawit nug oola ukka, laih daatte.

1 Stori 14:11

Yawe Nug anam aum amunu Dawit, nuhikkud daup ele ag ukkaeg, Pilistia ele ban hena, Dawit aɗi ag Pilistia aqappig. Ag anam hena, Dawit nug aum. “Le keeke awa duttune gotte, amubia Kayak Nug dahilad kekeɗ he, iitta meppig,” awa aum. Dawit nug anam anana, nug aben amu onig Bal Perasim ataɗom

Sam 60:1

O Kayak, na ig uuigme. Na ihinig kekeɗ ag ig eɗigkkulagnu heme. Na ihinignu oot nauhom. Na anam heme, amge gemu amu, na eɗun, ihinignu ena doon, ehanigkkutnu unuqidttem.

Aisaia 28:21

Yawe Nug danab ah bu madakkunu Nug anukka Perasim qaukoppa heum bia hekku. Ao, Nug danab ah bu madakkunu Nug oolnu noak Gibeon, amuppa heum ele, Nug amubia hekku. Nug nuhig uɗat, danab dooglagnu elele iitta ele, Nug nuhig uɗat amu hekku. Ao, Nug uɗat laa, Nug uɗat amu haen kuɗum ii hette ele, Nug amu hekku.

Habakuk 3:13

Na amu hemenu diig am, na nahipad danab ah ehanadppe, qagaiettak ii daamnanu heme. Ao, na laa na nug okkai daakkunu goɗen gokkaɗakppa tituanme amu, na nug padal memanu ehanidme. Na danab ag wan laa, appan danab ah ag nau hak danab ah ele amu, na amu dilag okkai maduduɗme. Ao, na nuhig lamen ikki ukka baegppa batak amu, na amu oh uɗadme. Sila.