2 Samuel 5:18 - Nobonob Baibel

¹⁸ Dawit nug aguppa dayeye, Pilistia ag oolnu noak onig Repaim, appa uɗin, oolnu noak amu oh aon daappig.

2 Samuel 5:18 ပူးပေါင်းရင်းမြစ်များ

Genesis 14:5

Tappaeg neum amunu, maɗ 14ppa Kedolaomer, amu nug laikkud king ewam ele ag king tanig ele, ag ag ele ban hekkulagnu goppig. Gonana, ag tatam Repaim danab, Asterot Karnaim daappig amu, ag ag ele ban henana eɗadppig. Eɗadna gona, Susim danab, Ham daappig, amu Em danab, Sawe Kiriataim daappig ele, ag ag ele ban henana eɗadppig.

2 Samuel 23:13

Amuam danab ɠagattagnab ewam, amge Dawitnu ban daup ɠagattag ameg laa am Danab 30 ele. Amu maɗ laappa ee aeg awak haenppa Danab 30 amu oolagppanu danab ewam ag ahan gona, Dawit nug wan oɗe onig Adulam, nug amuppa daye, ag nug gumidna uɗippig. Pilistia danab ag oolnu noak onig Repaim appa haen tutu dayaknu aab kalan daaegeg, danab ewam ag neppig.

2 Samuel 5:22

Ag anam heeg ukke, haen laappa Pilistia ag baula uɗin, oolnu noak onig Repaim appa uɗin, haen tutu dayaknu aben kalan daappig.

1 Stori 11:15

⌊Amu haen laa Pilistia dilag daup ag Israel ele ban heppig, haen amuppa⌋ Dawitnu ban daup ɠagattag ameg laa, Danab 30 atteb, danab amu oolagppanu danab ewam ag ahan gona, Dawit nug wan oɗe onig Adulam, nug amuppa daye, ag nug gumidna uɗippig. Pilistia danab ag oolnu noak onig Repaim appa haen tutu dayaknu aab kalan daaegeg, danab ewam ag neppig.

Aisaia 17:5

Haen amuppa kobol bekku am ee aeg awak haenppa, danab ag ee aeg aotteb, ag eppelagppa amu aɗan aotteb bia bekku. Ao, danab ee aeg eppelagppa aotteb bia bekku. Am danab ag oolnu noak onig Repaim, appa ee aeg ikkilkad aotteb, amubia bekku.

Josua 15:8

Aria, Judanu tom amu ukka, oolnu noak onig Hinom Bekkanu Oolnu Noak aiɗa ugakka wana, qauko Jebus danab daappigppanu yau uɗitteppanu ukkom. Jebus daappigppa, amuam Jerusalem aakku. Tom am anam ukka, Bethinom oolnu noaknu qaban uɗitteppanu, qauko laa daatte amu, am qauko amuppa ta ukka, oolnu noak onig Repaim batakppa, yawalti uɗitteppanu, appa ukkom.

Josua 17:15

Ag anam amegppa aeg amu, Josua nug ag amelagppa aum. “Ag genab kuɗumnab amubia daatteb dayeb amu, ag Epraim wanppa, qauko qauko daattebppa, wan maha amu ahilagnu elele iitta daatte amunu, ag wan ad kuɗum daattebppa, wan amuam Peres danab, Repaim danab ele dilag amu, ag wan amu oppeg, amahalebeb, elele dayeb, ag ele aguppa dayeg!” awa amelagppa aum.

Josua 18:16

Appanu amu, tom nug ukka, oolnu noak onig Hinom Bekkanu Oolnu Noak, amu daugppa, qauko daatte, amu diigppa waum. Oolnu noak onig Hinom Bekkanu Oolnu Noak am oolnu noak onig Repaim, appanu yawalti uɗitteppanu, laih amu guguittak daatte. Tom amu appanu amu, am oolnu noak onig Hinom Bekkanu Oolnu Noak matta ukka, wan maha laa taata, Jebus danab daatteb guguittakppa ta, wan amu oppata ukka, Enrogel waum.