2 Samuel 5:13 - Nobonob Baibel

¹³ Amu Dawit nug Hebron uua, Jerusalem ta dayaya, nug wauud laala, aria wauud amge wauudnab iitta laala ele diie, ag Dawit bekkod, aɗekkud laala ele menuadppig.

2 Samuel 5:13 ပူးပေါင်းရင်းမြစ်များ

2 Samuel 12:2

Enub danab nug sipsip, makau ele huanak.

2 Samuel 5:12

Amu Dawit nug Yawe, Nug nuhikkud danab ah Israel dilagnu anuqak doya, Nug he, Dawit nug ahilag king dayeye, wan laappan danab ag nuhig gumaknu am binag ele dooppig amu, nug amu doyom.

1 King 11:3

Solomon nug ah wauud 700 diiowa, nug 300 laa, ag am nug wauud amge nug wauudnab iitta, nug ag ele diiom. Ah 700 amu, ag oh am ah okkai. Aria, ah amu ag ⌊ahilkad kayak hambuppuak ele akkan uɗin⌋ heeg, ⌊nug amu binalag meum. Binalag maama⌋, nug Yawe, nuhig Kayak, nug Nug oo ohppa ii dim lamittom.

1 Stori 3:1

Aria, Dawit nug Hebron appa dayeye, nuhikkud ah ag bekkod laa menuadppig. Nuhig nid danab naanaeg am Amnon. Nug anig am Jesril ah onig Ahinoam. Nug dimugppan am Daniel. Daniel anig am Karmel ah onig Abigel.

1 Stori 3:9

Amu oh ag am Dawit bekkod, nug wauud ele menuadppig, amge nug wauud amge wauudnab iitta, ag ele nuhig nid danab menuadppig. Am Dawit bekkod appinlag am Tamar.

2 Stori 13:21

Jeroboam nug anam gai-iitta daye, Yawe he, nug mauhom, amge Abaiya nug king ɠagattagnab ba dayom. Abaiya nug ah 14 diiom, nug bekkod danab am 22, nug aɗekkud am 16.

Duteronomi 17:17

King nug ah kuɗum wauud daaglagnu diieb amu, ag nug Yawe toppan geɗidkkulag amunu, king nug ah kuɗum, nuhig ah daaglagnu ii diikkuoitte. Nug en naɗi, silwa, o gol keeke, nug amu ii aɗa daakkuoitte.

1 Samuel 25:43

Tatam, haen keeke amu oh ii beegeg, Dawit nug Jesril ah laa awom; ah amu onig am Ahinoam. Gemu Dawit nug Abigel awe, ah aɗit aa oh am Dawit wauuɗ daapiɗ.