2 Samuel 5:12 - Nobonob Baibel

¹² Amu Dawit nug Yawe, Nug nuhikkud danab ah Israel dilagnu anuqak doya, Nug he, Dawit nug ahilag king dayeye, wan laappan danab ag nuhig gumaknu am binag ele dooppig amu, nug amu doyom.

2 Samuel 5:12 ပူးပေါင်းရင်းမြစ်များ

2 Samuel 5:11

Dawit nug anam dayeye, Tair dilag king onig Hiram nug he, nuhig nai awa ukkak danab laala, kapenda danab, keeke menppa hak danab ele ag oh Dawit toppa goppig. Ag gonana, ag ad sida ele aon gona, kapenda, keeke menppa hak danab ele ag Dawitnu lag enanagnab heppig.

2 Samuel 5:13

Amu Dawit nug Hebron uua, Jerusalem ta dayaya, nug wauud laala, aria wauud amge wauudnab iitta laala ele diie, ag Dawit bekkod, aɗekkud laala ele menuadppig.

2 Samuel 7:16

Na buɗunad ag hanhan da noolppa daaglag. Ag iitta ii memana. Laa nug gumak uɗat nahip na eppenppanu matakka ii aoma; da heppi, hanhan na eppenppa, na buɗunad eppelagppa ele daakku.’ ” Yawe Nug Natan, Dawit amegppa anam akkunu amegppa aum.

1 King 10:9

Ig Yawe, nahip Kayak, ig Nug binag metu! Nug nahipnu enanagnab doya he, na Israel dilag king daattem. Am Yawe, Nug ag Israel, ahilagnu oo huan mauhtte, nuhig oo mauhak ahilagppa am ii tuqa aoma. Anam daatte amunu, Nug he, na nai doya mala hettoɗia epeɗia elele mettak kobol dim lamidnana, na genab tutukku hak kobol ele dim lamidnana, na Israel gumadkkutnu, na king beme.” Sebanu kuin nug anam awa aum.

1 Stori 14:2

Amu Dawit nug Yawe, Nug nuhikkud danab ah Israel dilagnu anuqak doya, Nug he, Dawit nug ahilag king dayeye, wan laappan danab ag nuhig gumaknu am binag ele dooppig amu, nug amu doyom.

2 Stori 2:11

Solomon nug nai amu me ukke, Tair dilag king Hiram nug antta, nug nai laa imu eɗua me, Solomon nuhigppa ukkom. “Yawe Nug nuhig danab ah dilagnu oo mauhtte amunu, Nug he, na ahilag king daattem,” awa yom.

Esta 4:14

Aɗinu? Haen inamppa na oɗen qamutna daappe amu, laa nug geha heeb, laa nug Juda ehanatteb, ag oh ii mauhmana, amge na, na mamen baekkudppa ele, ag geha mauhkkulag. Am laa ii dootte, amge na haen imuppa king laugppa daattemnu diig am, na ig Juda ehanigkkutnu anam bemetai,” awa aum.

Daniel 2:30

Dahilnu amu, Kayak Nug da doyak dabmak ena ele, laa oh eɗattak aniɗa, tul niiak nahip, meu nuhig ele ii ippuniɗom. Iitta. Dahil doyak dabmak ena ele laa oh ii eɗadtte. Amge, O king, Kayak Nug tul niiak amu meu dookkutnu, na dimppa aɗi bekkunu dabmeme ele amu, na amu ele dookkutnu, Kayak Nug tul niiak nahip, amunu meu ele da ippuniɗom.

Namba 24:7

Israel danab ah ag ahilagppa gu huana nekku. Ao, ahilkad ee, keh ele, keeke amu geha le huana aoglag. Geha ahilag king nug king laa onig Agag, nug eɗittak daakku. Ao, geha ahilag ɗo maɗoɗ am okkainab daakku.