2 Samuel 4:11 - Nobonob Baibel

¹¹ Amu gemu aa danab nau aɗit, aa danab nug mauhkkunu eheɗ hak laa ii heum, nug nukka nug laugppa, nuhig niiak abenppa niieye, aa qeeh mauhom amu, da ahilah hak nau amunu appi, aqatppeg aa mauhkkulahnunab daatte. Isboset tiig aa eppelahppa daatte, aa wanppa daaglahnu elele iitta,” awa aum.

2 Samuel 4:11 ပူးပေါင်းရင်းမြစ်များ

Genesis 4:11

amunu, na hemenu, na eheɗ laa awaknu anak waappa daan, na Abel tiig gokkaɗe, wan imu ooppa noum ele, na wan imu uun gokkut.

Genesis 6:13

Antta amu, Kayak Nug Noa amegppa aum. “Danab ah ag heegeg, laa guittak nau mauhnoak mettak kobol am wanppa ambeum daatte amunu, da heppi, danab oh ag iitta mekkulag. Genab da heppi, danab oh, wan ele padal mekkulag.

Genesis 7:23

Yawe Nug he, danab, doɗ, ai, doɗ laa ag oolag wan qeeqe oitteb ele, amu oh iitta maadna malappig, amge Noa, nuhikkudppa ele, agib ii mauhppig.

2 Samuel 16:8

Na Saul buɗub kuɗum hee mauhppig amunu, Yawe Nug kobol nahip amunu noob nau iikku medatte. Na Saul abenab aon, king daattem, amge gemu diig amunu Yawe Nug king aben na eppenppanu aɗitta awa, na bekkat Apsalom medatte. Na am danab qe mauhak danab amunu, na iikku padal mettem,” ewa aum.

2 Samuel 3:27

Anam daye, haen Apner nug eɗua Hebron uɗie amu, Joap nug aabnu aɗ odppa dayaya, nug Apner ele aa laih danab ii daattebppa goya, aya daayya, nai mattiglahnu he goya, appa Joap nug Apner big qep-ppa ye mauhom. Apner nug Asahel ye mauhom amunu, Joap nug gemu nob ma, Apner ye mauhom.

2 Samuel 3:39

Kayak he, da goɗen gokkaɗakppa tituanak, da amuppa gemu king daattem, amge da am ɠagattag okkai iitta. Seruia bekoɗ imu aa am ɠagattag okkainab ele. Aa eheɗ hepiɗ amu, Yawe Nug eheɗ hak amu andatta, Nug eɗua ahilah eheɗ hak eleleppa nob matakkunu ool daatte,” awa aum.

1 King 2:32

Joap nug danab aɗit hamu aqate, Yawe Nug nob iikku medakku. Da mamel, Dawit, nug ii doyeye, Joap nug qep elabppa ban ha, Ner bekka Apner, nug am Israel ban daup ikki anuqak, amu Jeter bekka Amasa, nug am Juda ban daup ikki anuqak, Joap nug aa hamu aqate mauhpiɗ, amge aa am danab aɗit, ahilah oiyak, ahilah kobol ele am ena. Aa, amu ahilah hak ele, am Joapnu kobol, oiyak ele eɗittom.

Sam 109:15

O Yawe, na nau hak danab amu heppe, nug wanppa ii daamanu, na hanhan nug alakkud, anig ele dilag hipuninnu dabmekkutnu oɗ medattem.

Eksodas 21:12

Amu Kayak Nug aum. “Danab laa nug danab laa doyaya makkuɗeb, danab amu mauheb amu, danab nug danab laa makkuɗe mauhom ele amu, ag nug genab qeppeg mauhaɗ!

Eksodas 9:15

⌊Genab, laa da bia ii daatte. Aɗinu?⌋ Da amu hekkulnu dabmelom amu, da matu na nahipad danab ah ele oɗe nau danab kuɗum aqe mauhtteb ele, amuppa eheɗ hadappi, ag oh iitta melob,

Prowerb 2:22

Anam, amge nau hak danab dilagnu amu, Kayak Nug heeb, ag Israel oolagppanu geɗittak daaglag. Ao, laa ag Yawe ippuanattom bia Nug dim lamidkkulagnu uun hetteb ele amu, Kayak Nug heeb, ag Israel oolagppa iinab daamna.

Prowerb 25:26

Genab tutukku hak danab nug nuhig dabmak eɗue, nau hak danab dilag hak hette; amuam le qeppuɗia bakppan le laa heeg, muag ele daatte, o le moɗ dubuttid ele daatte, amubia daatte.

Jeremaia 10:11

Ag Israel danab ah, ag wanppan wan anen anen ohppan danab ah inam appeg dooglag. “Kayak hambuppuak ag bappaladtteb, ag hab, wan ele ii heppig. Ag ii heppig, amu ag wanppanu qettoɗkkulag.”

Habakuk 1:12

⌊Yawe Nug anam aum amu, Habakuk nug inam unuqittom.⌋ “O Yawe, na haen ohnab aakku daye uɗie, gemu ele daattem. O Kayak, na am dahil Kayak Oppiaawak Ele; ig ii mauhmata. O Yawe, na Babilon dilag daup ag uɗin, hipunin haknu nob mekkaglagnu tituanadme. Ao, O Yawe, na am kekeɗ nikkamnanu ehanittak ihinig daattem, amu na Babilon ag bu mekkaglagnu otiadme.

Habakuk 1:4

Laa ⌊ag ɠagattag ele⌋ ag amu hetteb amunu, ɗo ahilagnu aɗi haknu atte amu, laa nug amu ii hette. Nai doya mala hettoɗia epeɗia elele mettak kobol na qeum daye, laa amuppa ehanittak laa ii aotte. Diig amunu nau hak danab ag genab tutukku hak danab eheɗ hattana, babaittaknu ib heeg, keldoak daatte amunu, genab tutukku hak danab ag qakkak daan, keeke laa hekkulagnu elele iitta bia daatteb. Ao, nau hak danab ag anam hetteb amunu, nai doya mala hettoɗia epeɗia elele mettak kobol ii daye, kobol kaliak ele daatte.” Da na amenppa anam awe attem.

1 Jon 3:12

Ag Kain bia aib oippig. Kain nug Satannu danab, amu nug amag qe mauhom. Nug nuhig kobol eheɗ, amagnu kobol amu tutukku, amunu nug qe mauhom.