2 Samuel 3:34 - Nobonob Baibel

³⁴ O Apner, na danab ah gumattak danab ag danab nau eppeg hippalna, qeeg mauhtte, na amubia ii mauhme. Ao, na danab ah gumattak danab ag danab nau baeg qakkan, qeeg mauhtte, na amubia ii mauhme. Iitta. Danab nau ag danab laa hamu qeeg mauhtte, na amubia mauhme.” Dawit nug anam ahi ettom. Ahi ette, danab ah oh ag baula gaappig.

2 Samuel 3:34 ပူးပေါင်းရင်းမြစ်များ

2 Samuel 1:12

Ag amu hena, ag kekeɗ ag Saul, nug bekka Jonatan, Israel dilag daup kuɗum, ag Yawenu daup amu, am Israel danab laa kuɗum ele aqaeg mauhppig am dabmeppig amunu, ag gaanna, ee ii laeg ukke uudoum.

2 Samuel 3:33

Ag boumeg, King Dawit nug ahi laa nai oo doyak ele, Apner binag ma ettom. Ahi ettom am inam. “Laa nug Apner ɗo tippalak danab bia qe mauhom amu, kobol amuam enatai? ⌊Iitta! Amuam kobol ena iittanab iitta.⌋

2 Samuel 3:35

Ag amu hena malona, ag oh uɗin, Dawit nug paha amunppa ee nakok lakkunu duttunna appig, amge Dawit nug nob ma, nuhig nai ɠagattag qetta aum. “Da aam ii noumppa bret nakok lakkul dayeb, o iitta da aɗi ee laa nakok laa aam ii noumppa lakkul dayeb amu, Kayak Nug bu okkainab meɗakkunu ool daatte,” awa aum.

Job 24:14

Aam no, gatatu ne, qe mauhak danab ag ahan, daɗek danab aqaeg mauhtteb; tuqan ag yabhok danab hetteb bia ahan, qinonob qinonob oitteb.

Esekiel 32:16

Aria, nai amuam nai oo doyak ele danab ah ag qinob da heppi, Isip nauheb, haen amuppa ag nai amu akkulag. Wanppan wan ohppan ah ag nai amu oo doyak ele Isipnu, amu Isip dilag daupnu ele anam akkulag.” Naɗi Yawe Nug anam atte.

Hosea 6:9

Danab ag ban hena, danab ah aqan, ahilag keeke aɗadkkulagnu atu daugppa lokkumna daatteb bia, mana mettak danab ag oohona, Sekemnu ib ukkakppa danab makkuɗatteg mauhtteb amunu, ag eheɗ naunab nau hetteb.

Ikki Danab 16:21

Samson anam daye, Pilistia ag nug aɗan, nug ameg doɗo kehatppig. Ag ameg doɗo kehatna, ag nug aon, Gasa gona, bras senppa qakkan, maniguittakppa mena heeg, nug ee aeg ganuɗaknu men okkai itoɗiaya dayom.