2 Samuel 3:33 - Nobonob Baibel

³³ Ag boumeg, King Dawit nug ahi laa nai oo doyak ele, Apner binag ma ettom. Ahi ettom am inam. “Laa nug Apner ɗo tippalak danab bia qe mauhom amu, kobol amuam enatai? ⌊Iitta! Amuam kobol ena iittanab iitta.⌋

2 Samuel 3:33 ပူးပေါင်းရင်းမြစ်များ

2 Samuel 1:17

Amu Dawit nug anam hewowa, nug nai oo doyak ele Saul, nug bekka Jonatan ele dilahnu mattiom.

2 Samuel 3:34

O Apner, na danab ah gumattak danab ag danab nau eppeg hippalna, qeeg mauhtte, na amubia ii mauhme. Ao, na danab ah gumattak danab ag danab nau baeg qakkan, qeeg mauhtte, na amubia ii mauhme. Iitta. Danab nau ag danab laa hamu qeeg mauhtte, na amubia mauhme.” Dawit nug anam ahi ettom. Ahi ette, danab ah oh ag baula gaappig.

2 Stori 35:25

Josaia nug anam mauhe, propet Jeremaia nug ahi oo doyak ele laala danab ah ag ahi ettan, Josaia dabmekkulagnu yaalattom. Nug ahi amu anam yaalatte, gemu, ⌊nai imu yaak haenppa⌋ ele, danab ah ag ahi edatteb ele ag danab ah Josaia dabmekkulagnu ahi amu ettaladtteb. Israel wanppa ag hanhan mauhak haenppa ahi amu edatteb. Ahi amuam buk laa, danab mauhtteb haenppa danab ah ahi amu edatteb ele amu, ahi amuam buk amuppa yaalattak daatteb.

Prowerb 18:7

Danab nug Kayak dab-ii-maama ii dim lamidtte ele nai atte amu, nai amu he, nug na qette. Ao, danab nug Kayak dab-ii-maama ii dim lamidtte ele nug nai atte, nai amu he, nug mauhaknu pelemppa tette.

Jeremaia 17:11

Danab laa nug laa dilagppa kobol eheɗ ha, en okkai aotte, nug am ai patris ai laanu oppa tona makkultte, nug amubia daatte. Nug enub ele haen elab ii daama. Iitta. Ai laan oppa patris makkulom ele, ai amu ag paha patris uuna, hagagaɗna gokkulag, amubia enub amu iitta mekku amunu, danab nug en kobol amuppa awom ele, laa ag nuhignu nug am danab Kayak dab-ii-maama ii dim lamidtte ele dooglag.” Yawe Nug anam awa atte.

Esekiel 32:16

Aria, nai amuam nai oo doyak ele danab ah ag qinob da heppi, Isip nauheb, haen amuppa ag nai amu akkulag. Wanppan wan ohppan ah ag nai amu oo doyak ele Isipnu, amu Isip dilag daupnu ele anam akkulag.” Naɗi Yawe Nug anam atte.