2 Samuel 3:3 - Nobonob Baibel

³ Amnon dimugppanu am Kileab. Nug anig am Karmel ah, Abigel; tatam nug Nabal wau dayom, amge Nabal mauhe, Dawit awom. Amu dimugppa am Apsalom. Nug anig am Makah. Makah am Gesur dilag king Talmai aɗeg.

2 Samuel 3:3 ပူးပေါင်းရင်းမြစ်များ

2 Samuel 13:1

Amu dimppa amu, Dawit bekka onig Amnon nug eheɗ heum. Am inam. ⌊Amnon, Apsalom ele aa mamelah am Dawit, amge aa anilti piɗe piɗe.⌋ Am Apsalom appinag onig Tamar amu, nug ah iɗu tuqak ele, amu Amnon nug Tamarnu oo mauhom.

2 Samuel 14:23

Joap nug anam awowa, nug aha ukka, nug Gesur ukka, nug Apsalom omala, eɗua Jerusalem uɗiom.

2 Samuel 14:24

Amge Joap, Apsalom ele a Jerusalem teeh, King Dawit nug Joap amegppa aum. “Apsalom nug ippa uɗia, da ii aniɗma. Iitta. Nug laugppa ukka dayaɗ!” awa aum. Nug anam aum amunu, Apsalom nug ukka, laugppa ta dayaya, nug ukka, Dawit anidkkunu elele iitta amunu, nug mameg ii anttom.

2 Samuel 14:32

Joap nug anam a, Apsalom nug aum. “Antte! Da na nai imu aon gona, king medakkutnu oninppa emi. Nai amuam inam. ‘Aɗinu da Gesur uue uɗimi? Da na ii anidttem amunu, da appaib daalom am ena.’ Da na anam king amegppa akkutnu na oninppa emi. ⌊Da na gona, king amegppa anam akkutnu hemi, amge na ii dabmenana, ii uɗime amunu, da hei, dahil maɗi nid ag kobol amu heppig.⌋ Amge gemu amu, da king anidkkulnunab dabmettem. Da anidppi, da eheɗ laa hemi dayeb amu, nug da iweb mauhei!” awa aum.

2 Samuel 15:7

Apsalom nug anam heehe ukke, maɗ waɗele uue, nug king toppa teum. Ta amegppa aum. “Da Aram danab oolagppa Gesur appa dayeye, da keeke laa genabnab hekkulnu nai laa Yawe amegppa qakken inam ami. ‘O Yawe, na heppe, da eɗue tein, Jerusalem daakkul dayeb amu, da Hebron ukken, appa da na noomppa dup noin binan medakkul,’ ami amunu, na appe, da Hebron ukken, da keeke genabnab hekkulnu nai qakken ami amu, da anam bia hekkul,” awa aum.

2 Samuel 18:33

King Dawit nug nai amu doya, nug eheɗ ottaiom. Nug ottaia, nug aha, nug aben amu uua, oo laa od attan dayom amu, nug amuppa ukka ta, gayom. Nug aguppa tekkunu taata, nug inam mahittom. “O da bekkal Apsalom! O da bekkal Apsalom! Da na abenam awen mauhlom am ena. O Apsalom, da bekkal, da bekkal,” awa mahittom.

2 Samuel 2:2

Yawe Nug anam aum amunu, Dawit, nug waauɗ aɗit ele ag ahan, appa goppig. Nug waauɗ aɗit amu, laa Ahinoam, nug appag diig am Jesril, amu laa am Abigel. Tatam nug am Karmel ted Nabal wau daye, Nabal mauhe, Dawit awom.

1 King 2:15

Batseba nug anam a, amu Adonaiya nug aum. “Na doottem, Israel danab oh ag tatam geha da king ahilag daakkulnu dabmeppig. Ag anam dabmeppig amunu, da am king belom, amge Yawe Nug he, da amal, nug king beum daatte.

1 Stori 3:1

Aria, Dawit nug Hebron appa dayeye, nuhikkud ah ag bekkod laa menuadppig. Nuhig nid danab naanaeg am Amnon. Nug anig am Jesril ah onig Ahinoam. Nug dimugppan am Daniel. Daniel anig am Karmel ah onig Abigel.

1 Stori 3:2

Daniel dimugppan am Apsalom. Apsalom anig am Makah. Makah am Gesur dilag king Talmai aɗeg. Apsalom dimugppan am Adonaiya. Nug anig am Hagit.

Duteronomi 3:14

Jair, nug Manase buɗub, nug wagai ma, Argob wan atu oh Basan appanu awe ukka, Gesur danab, Maka danab ele tomppa waum. Jair nug wan amu onig, am nug nukka nug onig awa, wan amunu Jairnu aab aum. Danab ag wan amunu gemu ⌊nai imu yaak haenppa⌋ ele Jairnu Aab atteb.

Josua 13:13

Amge Israel ag Gesur danab, Maka danab ele ii lamadppig amunu, danab amu ag gemu, ⌊nai imu yaak haenppa⌋ ele, ag Israel oolagppa daatteb.

1 Samuel 25:42

Abigel nug anam anana, nug pahanab nuhig donki awa, attan ta dayaya, nuhikkud maɗi ah tanig ele amu oh gokkulagnu amelagppa a, ag oh Dawitnu danab uɗippig, ag amu ele oh goppig. Ag Dawit gumidna ukkaeg, Dawit nug Abigel nug nuhig ah daakkunu awom.

1 Samuel 27:8

Dawit nug Pilistia wanppa dayeye, nug nuhikkud danab ele ag deɗ laala ahan ukkaeg, Gesur danab, Girsi danab, am Amalek danab ele ban hedappig. Danab huu ewam amu, ag anukkanu digmena, wan Sur aabppanu ukka, Isip dilag wan tom batak daanna oidppig.