2 Samuel 3:12 - Nobonob Baibel

¹² Aa anam hewoya, dimppa Apner nug nai awa ukkak danab ag nai laa aon gona, Dawit amegppa akkulagnu maatte goppig. Nug nai imu Dawit appeg dookkunu maatte goppig. “Israel wan oh am aunnu daatte? Na da ele nai qakkagnih dayeb amu, da Israel danab ah oh ag na ahilag king daakkutnu ib bappaidkkulnu uɗat hekkul,” awa aum.

2 Samuel 3:12 ပူးပေါင်းရင်းမြစ်များ

2 Samuel 19:14

Dawit nug nai amu me ukke, ⌊Sadok, Abiatar ele aa Dawit aa hekkulahnu aum bia heeh, Dawitnu nai am⌋ Juda danab ohnab ahilag dabmak eɗua, Dawit nug eɗua king daakkunu daye, ag nai imu Dawit dookkunu meeg ukkom. “Na, nahipad danab oh ele ag eɗun uɗieg!” Ag nai anam aakku meeg ukkom.

2 Samuel 19:41

Ag anam heeg, haen elab iitta Israel laa ag ahan, king toppa uɗin, nug amegppa appig. “Aɗinu Juda danab, ag ig ele oh, ig awag amag ele amu, aɗinu ag yab danab hetteb bia heegeg, ig ii dooutut, ag na, na am ihinig king amu, ag na, na baenadppa, nahipad ban danab ele omaladna Jodan le mataɗna uɗippig?” aon oɗ medappig.

2 Samuel 19:6

Na laa ag nahipnu nau ninig ele dootteb dilagnu oot mauhtte, amge na laa ag nahipnu oolag mauhtte ele, na amu dilagnu nau ninig ele doottem. Na gemu nahip ban daup ikki, amu ahilkad danab ele ag am keeke hamu bia, na amu heehe daatteb ippunadttem. Ig oh mauhlom, Apsalom nug gemu bau daalo amu, na ena doolom anidttem.

2 Samuel 3:11

Apner nug anam a amu, Isboset huana baɗa, nug nai laa nug amegppa ii aum.

2 Samuel 3:13

Apner nug ag gona, Dawit amegppa anam akkulagnu ana he, ag gona tena, Dawit amegppa nai amu mattieg doya, nug nai imu Apner dookkunu me ukkom. “Am ena. Da na ele nai qakkagnih, amge keeke laippuib, na tatam heppe, i nai qakkagnih. Na Saul aɗeg Mikal, nug ah dahil amu, na nug eɗun omalna uɗina, da meɗakkut. Na amu ii hekkut dayeb amu, na da gumiɗna aib uɗime,” awa aum.

2 Samuel 3:21

Ag ee amu lawona, Apner nug Dawit amegppa aum. “O naɗi, na heppe, da paha ukken, Israel danab oh ag na ele nai laippu qakkaglagnu qagmaadkkul. Da amu heppi, ag na ele qagmena, nai qakkona, na Israel oh dilag king, na oot hette bia daakkut,” awa aum. Apner nug anam a, Dawit ena doya he, Apner nug maɗoɗ ele eɗua ukkom.

2 Samuel 3:27

Anam daye, haen Apner nug eɗua Hebron uɗie amu, Joap nug aabnu aɗ odppa dayaya, nug Apner ele aa laih danab ii daattebppa goya, aya daayya, nai mattiglahnu he goya, appa Joap nug Apner big qep-ppa ye mauhom. Apner nug Asahel ye mauhom amunu, Joap nug gemu nob ma, Apner ye mauhom.

2 Samuel 3:38

Amu Dawit nug nuhikkud danab laa amelagppa aum. “Ag gemu Israel oolagppanu danab okkai, danab onig ele na qeum amu, ag amu iite dootteb?

Sam 62:9

Danab onilag iitta, ag am keeke hamu, ulah bia daatteb. Danab ag onilag ele, ag am keeke ii daatte bia daatteb. Laa nug ag oh ag uulag anidkkunu skelppa maatta neekka, nug skelppa aɗitai keeke laa ii daatte anidkku.