2 Samuel 3:1 - Nobonob Baibel

¹ Amu haen elab danab Saul bekka dim lamidppig, amu danab ag Dawit dim lamidppig ele ag ban henan daappig. Amu Dawit, nuhikkud danab ele ag ɠagattag okkai mena daaegeg, danab ag Saul bekka dim lamidppig amu, ag nauhegeg ukke, gai-iitta bia daappig.

2 Samuel 3:1 ပူးပေါင်းရင်းမြစ်များ

Genesis 3:15

Amu da heppi, na ah ele gamalahppa hanhan kekeɗ daakku. Ele amu, ah buɗub, amu na buɗun ele gamagppa kekeɗ daakku. Amu ah buɗub laa aha, na ikkin tappeb toɗeb, na danab amu baeg bittub heppe hinqekku,” awa aum.

2 Samuel 2:17

Ag anam heeg, deɗ amuppa ban naɗi aakku ahom. Ban naɗi ahe heeg ukke, Dawitnu daup ag Apner, Israel dilag daup ele eɗadppig.

2 Samuel 2:28

Joap nug anam anana, nug trampet iwale gaye, nuhikkud danab ag dim lamittak uɗat amu uuppig. Ag Israel laa dim lamadkkulagnu uun, ag ele ban ii heppig.

2 Samuel 22:44

O Yawe, danab da ele ban haknu ahaeg amu, na ehaniɗe, da ag eppelagppa ii daami. Ao, na ehaniɗe, da wan kuɗum dilag okkai daattem. Ge, danab ah da ii doyadmi ele amu, ag da waalppa daatteb.

2 Samuel 3:6

Amu laa ag Saul bekka dim lamidppig, laa ag Dawit dim lamidppig ele amu, ag ban henan daaeg ukke, Apner nug ban haaha, Saul bekka dim lamidppig oolagppan amu, nug danab onig okkai ele laa beum.

2 Samuel 5:10

Yawe Kayak Nukka Ɠagattag Oh Ele Nug Dawit ele daapiɗ amunu, Dawit nug king ɠagattag daye, nuhig ɠagattag teete, Dawit nug king ɠagattagnab dayom.

1 King 14:30

Amu Rehoboam nug king dayeye, Juda, Israel ele ag hanhan ban hedappig.

1 King 15:16

Aria, Jeroboam nug mauhe, Basa nug Israel dilag king ba dayom, haen amuppa Asa nug ele king dayom. Amu ahilah haenppa aa maɗoɗ haen ena laa ii anidya daapiɗ. Iitta. Wan aɗit aa haen oh ban hedapiɗ.

1 King 15:32

Aria, Asa nug Juda dilag king dayeye, Basa nug Israel dilag king dayom. Amu ahilah haenppa aa maɗoɗ haen ena laa ii anidya daapiɗ. Iitta. Wan aɗit aa haen oh ban hedapiɗ.

1 Stori 11:9

Yawe Nukka Ɠagattag Oh Ele Nug Dawit ele daapiɗ amunu, Dawit nug king ɠagattag daye, nuhig ɠagattag am teete, Dawit nug king ɠagattagnab dayom.

1 Stori 3:1

Aria, Dawit nug Hebron appa dayeye, nuhikkud ah ag bekkod laa menuadppig. Nuhig nid danab naanaeg am Amnon. Nug anig am Jesril ah onig Ahinoam. Nug dimugppan am Daniel. Daniel anig am Karmel ah onig Abigel.

Esta 6:13

Haman nug wau Seres, amu laikkud laa oh ele aɗi keeke beum amu ohnu amelagppa mattie, Seres, amu nug laikkud ulum medappig ele ag nug amegppa appig. “Mordekai, nug Juda ted, nug na eɗidkkunu digmeum amunu, na nuhigppa keeke laa hekkutnu elele iitta. Iitta! Nug geha na eɗidkku,” aon appig.

Esta 9:4

Am king nug Mordekai awa me, gumak uɗat aben attannabppa ta daye, nuhig hak, nai amunu wan maha ohppa ugekke, nug binag awe, ɠagattag okkai ele naɗi meeme, nai amu ele ukkom ⌊amunu, okkai danab laa ag nuhignu baɗappig⌋.

Job 17:9

Genab tutukku hak danab ag ib oittebppa daan oiglag; ag ib ii apiɗidmana. Ge, laa ag eheɗ ii hetteb ele, ag ɠagattag daatteb amu, ag tuɗidna, ɠagattagnab daaglag.

Job 8:7

Na anam daakkut amunu, tatam na keeke ele daame amu, dimppa Kayak ehanitteb, na keekenu elelenab daakkut; tatam aɗan daame eɗittak.

Sam 18:43

O Yawe, danab da ele ban hekkulagnu ahaeg amu, na ehaniɗe, da ag eppelagppa ii daami. Ao, na ehaniɗe, da wan kuɗum dilag okkai daattem. Ge, danab ah da ii doyadmi ele amu, ag da waalppa daatteb.

Sam 46:9

Nug anam heehe, danab ah ag nug qak hekkulagnu elele iitta daatteb amunu, wanppa ban ii daatte. Nug ahilag lat tanig, ban ele qiialatta, guppiɗ ele aab aɗuppa manatte eotteb.

Sam 84:7

Ag oitteb haenppa, Yawe Nug ag dabmatta atognoattatta, ɠagattag madette, ag anen anen Sion appa Kayak toppa gotteb.

Galesia 5:17

Beɗunu kobol amu Kayak Ouɗinu kobol ele aa laippu iitta, aa piɗe piɗe amunu, Kayak Ouɗi Nug beɗunu kobol guhuɗittette, beɗu amu Kayak Ouɗi guhuɗidtte. Anam daatte amunu, ag keeke laa hekkulagnu oolag unuqagppa daatte amu, ag elele iitta.

Epesus 6:12

Aɗinu? Ig danab ele ban ii hettem. Iitta. Ig wan imuppan gatatu kobolnu ikki danab oh, danab gumaknu ehah ele oh, aria ɠagattag oh ele, ag am ouɗi nau ig danab ig amenigppa ag anadkkunignu elele iitta, ig ag ele ban hettem

Revelesen 6:2

Nug anam a, da neekki ukke, hos hakkab laa anidmi. Danab nug hos attan dayom ele amu nug lat ele aɗom. Nug king haɗ laa eppegppanu awom. Nug ban eɗadkkunu elele amunu, nug ban kuɗumnab eɗadkkunu ukkom.