2 Samuel 24:7 - Nobonob Baibel

⁷ Ag Saidon tewon, eɗun uɗinna, aab Tair aɗ ɠagattagnab eleppa nena, aab oh Hiwi danab daappig, Kanan danab daappigppa ele ebaqappig. Ag amu hewona, ag nena uɗinna, Berseba batak ag ebqak uɗat amu malappig. Berseba am Juda wannu tom yau uɗitteppanu, appa ana daatte.

2 Samuel 24:7 ပူးပေါင်းရင်းမြစ်များ

2 Samuel 24:2

Satan nug anam heum amunu, King Dawit nug nuhikkud ban daup ikki anuqak Joap amegppa aum. “Da Israel danab ag ban hekkulagnu elele daatteb ebqak dookkulnu amu, ag ahan, Israel dilag huu okkai ohppa, aab onig Dan, appanu ukka ukka, Berseba aabppa batak, ag wan amu ohppa gona oinna, ag Israel danab ag ban hekkulagnu elele daatteb, ag danab amu oh onilag yeeg!” awa aum.

2 Samuel 24:8

Ag Israel wan ohppa gona, ebqak uɗat amu hena malona, ag eɗun, Jerusalem uɗippig. Ag uɗat amu hekkulagnu oippig am kalam eblaih waɗele, deɗ 20 ele.

Sekaraia 9:3

Aab Tair appa amu, ag ban haknu aben ɠagattag bappaidna malappig. Ag silwa huanak, gappud bia aoppig daatte. Ao, ag gol huanak, ibppa gappud daatte bia aoppig daatte.

Josua 11:3

Nug ahilagppa me ukke, amu nug ele Kanan dilag king laih kaɗag uɗitteppanu, amu laih qaban uɗitteppanu ele batak, nug ahilagnu nai me ukkom. King amu ag am, Amo dilag king, Hit dilag king, Peres dilag king, Jebus dilag king ele, ag laih qauko qauko ele daappig. Amu nug Hiwi danab, ag Hermon qauko guguittak daappig, ahilagnu ele nai me ukkom. Wan atu amu onig Mispa.

Josua 19:28

ukka, Abdon wana, Rehop wana, Hamon wana, Kana wana, ukka ukka, Saidon aab anuqakppa waum.

Josua 19:29

Appanu tom nug eɗua awa, Rama ukka, aab okkai ɠagattag aɗ ele onig Tair, appa waum. Appanu amu, tom am eɗua awa, Hosa ukka, Mediterenia yuppa batom. Aksip, Uma, Apek, Rehop ele amu, aab amu oh ag wan atu amu guguittak daappig. Aab wan amuppa daappig, amu oh ebqak am 22. Aab naunau laala aab amu taliliattak daappig amu, ag aab amu ele ag madappig.

Josua 9:1

Aria, Jodan lenu qaban uɗitteppanu king oh ag aɗi keeke beumnu dooppig. King amu ag am Hit, Amo, Kanan, Peres, Hiwi, amu Jebus ele dilag king. King amu ag wan laih qauko qauko ele, amu qauko nakok qauko okkai diigppa daatteb, amuam laih qaban nedeppan wan laih, amu laih Mediterenia yu ihi ukka, Lebanon batakppa, ag appa daappig.

Josua 9:7

Ag anam aeg amu, Israel ag nai nob mena, Hiwi danab amelagppa appig. “Ag am miag ippanu iitta amu, ig attem heta doognig? Ag am miag ippanu anam doyadkkunig dayeb amu, ig ag ele nug tituanak ii hemata,” aon appig.

Ikki Danab 3:3

Amu Kanan wanppa danab huu anen anen, ahilag wan obatak laala eleppa daaegeg, Yawe uuatte daappig ele am iikku: Pilistia aab okkai tanig ele, ahilkad gumattak danab ele, amu Kanan danab, Saidon danab, Hiwi danab ele ag Lebanon wanppanu qaukoppa daappig. Ag wan amuppa qauko onig Balhermon ukka, Lebo Hamat batakppa daappig.