2 Samuel 24:3 - Nobonob Baibel

³ King Dawit nug ag amelagppa anam aum, amge Joap nug eɗua nob ma aum. “Yawe, Nug nahip Kayak amu, Nug heeb, nahipad daup ag huanaknab daaglagnu ool daatte. Gemu daup laippu daatte, Kayak Nug heeb, 100 daaglagnu ool daatte. Nug heeb, na bau daanna, daup huanak anam anadkkutnu ool daatte, amge gemu diig aɗinu na king, na dahil naɗi, na daup ebaqakkutnu hettem?” awa oɗ mettom.

2 Samuel 24:3 ပူးပေါင်းရင်းမြစ်များ

2 Samuel 10:12

Na ɠagattag daye! Ig ihinkad danab ah dilagnu, ig appanig Kayak mekkom ele amu, ig amunu ele oonigppa ɠagattag doot, ban imu ɠagattag hetu! Yawe Nug aɗi bekkunu ena anidtte amu, Nug anamib heeb baɗ!” awa aum.

2 Samuel 24:4

Joap nug anam aum, amge King Dawit nug nuhig dabmak eɗukkunu uua, nuhig nai am Joapnu eɗittom amunu, Joap, nuhikkud ehanittak okkai ele ag king uuidna, ag Israel danab ag ban hekkulagnu elele daatteb onilag yaaglagnu goppig.

Sam 115:14

Yawe Nug heeb, na nid menuadppe, na begapad, aɗenad ele ag ele nid menuadkkulagnu ool daatte.

Prowerb 14:28

King laa nug danab kuɗum nuhig ɗo waappa daatteb amu, nug am binag amahlak oppiaawak ele daatte; amge king tiigppan laa nug nuhig ɗo maɗoɗppa danab ah laa ii daatteb dayeb amu, nug nauhkku.

Aisaia 60:5

Ag amu anidna amu, ag oolag gamag eheɗ ahakku. Ao, ag gamag ahak naɗinab dooglag. Aɗinu? Wan laappan danab ag Yawe binag mekkulagnu yu qaɗeppa uɗina, en kuɗum aon uɗiglag. Ao, wan laappan danab ag Yawe binag mekkulagnu en okkai mawadna uɗiglag.

Duteronomi 1:11

Amu Yawe, ag mamelkad aɗi dilag Kayak amu, Nug heeb, ag tausen huanaknab appatkkulagnu, ele Nug ag itadkkunu, Nug hekkunu nai anan qakkom bia amu, da Nug anam hekkunu ool daatte!