2 Samuel 24:25 - Nobonob Baibel

²⁵ Dawit aben amu anam daden ma, nug qaɗab qewowa, nug manaknu ofa, laippu dayaknu ofa ele qaɗab amuppa manatta, Yawe mettom. Dawit nug amu he, Yawe Nug Dawitnu unuqittak doya, Israel ehanatta he, oɗe nau danab kuɗum aqe mauhtteb ele aakku iitta meum.

2 Samuel 24:25 ပူးပေါင်းရင်းမြစ်များ

Genesis 12:7

Anam daye amu, Yawe Nug Abram gumitta na, amegppa aum. “Da wan imu oh na buɗun madakkul,” awa aum. Anam a amu, aben amuppa Yawe Nug Abram gumitta ukkom amunu, Abram nug Yawe noobppa dup noa binag mekkunu qaɗab qeum.

Genesis 22:9

Aa goya, aben Kayak aum, amuppa tewoya, Abraham nug qaɗab qa, aab qaɗab attan ilakkunu babaitta, Aisak hippala, aab qaɗeppa me niiom.

Genesis 8:20

Ag nona malaeg, Noa nug qaɗab qa, nug doɗ, ai ele iɗu iɗu oh mana mettaknu elele, nug amu laippu laippu diiatta, manaknu ofa daaglagnu manatta, Yawe mettom.

2 Samuel 21:14

danab ag Saul, nug bekka Jonatan ele ebehilah, ⌊laa ebehilag ele⌋ Saul mameg Kisnu boumak abenppa boumadppig. Boumak aben amuam Benyamin wanppa, Sela appa dayom. Danab ag amu heppig ele amu, ag King Dawit amelagppa haknunab aum bianab, ag anamib heppig. Amu dimppa amu, Israel ag ahilag wannu unuqitteg, Kayak Nug he, enug haen iitta meum.

2 Samuel 24:14

Gad nug anam a, Dawit nug aum. “Da uug naunab nau doottem. Amge Yawe Nug oo gai-iitta doya oo metta ehanittak kobol okkainab aɗa dim lamidtte amunu, ig Nug eppegppa bu aognignu ool hette. Da danab eppelagppa bu aognignu ool ii daatte. ⌊Nug heeb, oɗe ig iqakkunu ool hette⌋,” awa aum.

1 King 1:1

Haen King Dawit nug kainonab ma dayom, haen amuppa amu, nug beɗu ulah qe, oug doyeye, nuhig maɗi nid ag haen oh palanget laidttappig, amge nug beɗu ii gakkaɗttom, iitta.

Esekiel 16:42

Da amu oh hein malappi, oppoɗi bak dahil am bodoetteb, da nahipnu oo nauhak laa, oo nauhak amuam dahil dooi laa aomanuppa bette, oo nauhak amu be doomi, oo nauhak amu ele iitta mekku. Iitta meeb amu, da oolppa maɗoɗ dookkul, da oo nauhak baula ii doopa.

Namba 17:13

Aun laa nug ⌊ooppa aab ele oiyaya,⌋ Yawenu mettid haknu peh lag guguittak doa amu, nug mauhkku amunu, ig oh mauhkkunigtai?” aon appig.

Ikki Danab 21:4

Ag anam heeg ukke, wagɗe buttuanab danab ah ag qaɗab laa qena, ag manaknu ofa Yawe mettana, ag laippu dayaknu ofa ele qaɗab amuppa Nug medappig.

Ikki Danab 6:24

Aakku Gideon nug Yawenu qaɗab laa appa buua, onig Yawe Nug Maɗoɗ Diig Daatte, aum. Qaɗab amu Opra appa, Abieser buɗub dilag wanppa heum, amu qaɗab amu gemu ⌊nai imu yaak haenppa⌋ ele, appa ana daatte.

1 Samuel 13:9

Ag digmen oolppig amunu, Saul nug aum. “Ag manaknu ofanu doɗ, amu laippu dayaknu ofanu doɗ ele akkan doppeg, da manaten, Kayak medakkul,” awa aum. Nug anam a, ag aon doeg, nug manaknu ofa heum.

1 Samuel 14:35

Ag anam heeg, Saul nug Yawenu qaɗab qeum. Nug deɗ laa anam ii heum. Iitta! Imuam digmak haen nug amu heum.

1 Samuel 7:17

Nug oiyak amu oh ha mala amu, nug hanhan eɗua, Rama ukka dayom. Aɗinu? Am nug appag diig, nug laug aguppa dayom. Appa ele amu, nug Israel danab ah epeɗiattom. Amu Rama appa Samuel nug Yawenu qaɗab ele qeum.

1 Samuel 7:9

Ag anam aeg, Samuel sipsip nag, anig huh lanan dayom ele laa awa, qe mauhe, nug doɗ amuppa manaknu ofa kunum heum. Nug mana medatta, nug Yawe Israel ehanadkkunu unuqitte, Yawe doyom.