2 Samuel 24:24 - Nobonob Baibel

²⁴ Arauna nug anam aum, amge King Dawit nug nob ma aum. “Iitta! Da daden mekkulnunab doottem! Aɗinu? Da doɗ da ii daden memi amu, da doɗ amuppa manaknu ofa, Yawe, dahil Kayak, ii medapa. Iittanab! Da daden mewoya, da manen medakkul,” awa aum. Nug anam aum amunu, Dawit nug ee aeg mumuɗaknu aben amu, makau okkai ebehi ele daden mekkunu Arauna 600 gram silwa mettom.

2 Samuel 24:24 ပူးပေါင်းရင်းမြစ်များ

Genesis 23:11

“O danab naɗi dahil, iittanab. Na dahil nai doye! Da danab imu oh noolagppa na wan amu men oɗe ele hamu medattem. Na ah nahip amuppa boume,” awa aum.

Genesis 23:13

ag daulag human nai doon daaegeg, Abraham nug Epron amegppa aum. “Na oot heeb amu, na nai dahil dookkutnu oɗ medattem. Da ah dahil boumkkulnu elele daakkulnu amu, da wan amunu nob daden mein, na da eppelppan aokkutnu oɗ medattem,” awa aum.

Genesis 23:16

Awa a, Abraham nug nai amu doya, nug 4.5 kilogram silwa Epron aum bia, amu Hit danab noolagppa elele metta, Epron mettom. Keeke laihnu awa dadennu mak danab ag silwa men doɗo amunu, nuhig noob gane doon, maɗi ahilag heppig amu, Abraham amu dim lamitta heum.

1 Stori 21:1

Amu Satan nug Israel danab ah uug madakkunu dabma, aha he, Dawit nug Israel danab ah ebaqakkunu dabmeum.

1 Stori 22:1

Amu Dawit nug aum. “Yawe Kayak laug am iguppanab daakkuoitte. Manaknu ofa haknu qaɗab, Israel danab ah ag amuppa doɗ manadna, Kayak mettaglag ele iguppa daakkuoitte,” awa aum.

Rom 12:17

Amu laa ag ahilagppa eheɗ laa heppeg, ag aib nob nau mattana, amu dilagppa eheɗ heppig. Ag danab oh amelagppa kobol enappa oiglagnu dabmak aweg!