2 Samuel 24:22 - Nobonob Baibel

²² Dawit nug anam a, Arauna nug Dawit amegppa aum. “O dahil naɗi, dahil king, na aɗi aon, mana mettak hekkutnu oot daatte amu, na awe! Makau okkai ebehi ele na manaknu ofa hekkutnu iikku daatteb. Ee aeg mumuɗaknu keeke palang otala okkaippa hak, amu doɗnu duugppan tuqai ele na ilakkutnu ele iikku. Na awe!

2 Samuel 24:22 ပူးပေါင်းရင်းမြစ်များ

Genesis 23:11

“O danab naɗi dahil, iittanab. Na dahil nai doye! Da danab imu oh noolagppa na wan amu men oɗe ele hamu medattem. Na ah nahip amuppa boume,” awa aum.

1 King 19:21

Elaiya nug anam a, Elisa nug eɗua, uɗat heumppa ukka, nug makau aɗit nuhikuɗ diiata, baalah otaɗata, plau eeɗaknu ad, nug amu awa, ad amuppa aab ila, teppulah battiowa, appan danab ah matte, ag ee amu lappig. Elisa nug amu ha malowa, nug aha, Elaiya dim lamitta, nug ehanittom.

1 Stori 21:22

Arauna nug anam he, Dawit nug amegppa aum. “Da laa ee aeg mumuɗaknu aben imu daden mekkunu oo heeb, na nug wan imu aokkunu noob elelenab medakkunu dabmenan appe, da men doɗo amunab ee aeg mumuɗak aben imu daden mekkulnu medakkulnu oɗ medattem. Da anam hewoya, da oɗe nau danab kuɗum aqe mauhtteb ele iitta mekkunu ippa Yawenu qaɗab laa hekkul,” awa aum.

Ikki Danab 6:26

Na anam hena, amu na qauko nakok imuppa Yawe, nahip Kayak, na nuhig qaɗab qe! Yawenu qaɗab attemnab haknu daatte amu, anamnab aakku atognona hekkutnu daatte. Anam hena, na kayak hambuppuak Aserah dabmekkulagnu biidod, na okulppe nekku amu, na ad amunu aab oppatppe neeb, na amu aon ilan, makau dawai amu aon, qaɗab amuppa manaknu ofa he!” awa aum.

1 Samuel 6:14

Aria, makau aa goya teya, Betsemesnu danab laa onig Josua, aa nuhig wanppa teya, men naɗi dayom ele, aa men amu heqo laih, appa waya daapiɗ. Aa anam daaeheh, Lewi buɗub laa appa daappig ele, ag uɗin, Yawenu Tituanak Nainu Kunup uɗatnu karis attannu aon, men attan mewona, ag kunup laa, kunup amuppa keeke dottog daappig amu, ag kunup amu ele aon, men amuppa meppig. Ag anam heeg, appan danab ag karis amu oppateg ne ⌊heeg, mana mettak danab appa daappig ele⌋ ag manaknu ofa hena, Yawe medappig. Aria, deɗ amuppa Betsemesnu danab ag manaknu ofa, aria mana mettak laala ele henana, ⌊ag mana mettak danab mattaeg, ag⌋ manadna Yawe medappig.