2 Samuel 24:2 - Nobonob Baibel

² Satan nug anam heum amunu, King Dawit nug nuhikkud ban daup ikki anuqak Joap amegppa aum. “Da Israel danab ag ban hekkulagnu elele daatteb ebqak dookkulnu amu, ag ahan, Israel dilag huu okkai ohppa, aab onig Dan, appanu ukka ukka, Berseba aabppa batak, ag wan amu ohppa gona oinna, ag Israel danab ag ban hekkulagnu elele daatteb, ag danab amu oh onilag yeeg!” awa aum.

2 Samuel 24:2 ပူးပေါင်းရင်းမြစ်များ

Genesis 21:14

Kayak Nug anam a amu, deɗ amu uue, wagɗe buttuanab Abraham nug ee laa, amu nippud doɗ gaɗappa hak ele awa, le ita, keeke amu oh Hagar gugappa mewowa, amu he gopiɗ. Hagar nug ukka ukka, atu taɗak onig Berseba, amuppa hamu oiyom.

2 Samuel 17:11

Anam amunu, dahil dabmak am inam. Na heppe, Israel dilag ban danab ohnab, aab onig Dan, appanu ukka ukka, Berseba aabppa batak, na heppe, ban danab amu ohnab ag nahip-ppa uɗiglag. Danab amu ahilag ebqak am yu ihippa abuɗ niitte amubia. Danab amu oh ag uɗippeg, na ag noolag aoppe, ag oh ban hekkulagnu gokkulag.

2 Samuel 2:13

Amu haen amuppa Seruia bekka Joap, ⌊Dawitnu daup okkai,⌋ nug nuhikkud daup ele ag ahan gona, le gottu Gibeon appa daatte ele, ag appa Apner aɗi ele nug uɗa teppig. Ag nug uɗa tena, Apner aɗi ag le laih daugppa daaegeg, Joap aɗi ag laih heɗep nena daappig.

2 Samuel 20:23

Joap nug Dawitnu daup oh dilag ikki anuqak dayom. Jehoiada bekka Benaia nug danab Dawit gumappig, amuam Keret danab, Pelet danab ele, nug ahilag okkai dayom.

2 Samuel 23:37

Amon danab onig Selek; Berot ted onig Naharai, nug Seruia bekka Joapnu bannu keeke mawom;

2 Samuel 24:15

Dawit nug anam aum amunu, Yawe Nug he, oɗe nau danab kuɗum aqe mauhtteb ele buttua amuppa digma aqa he ukke, Kayak aumbia deɗ ewamppa batom. Oɗe anam aqa he, Israel wan ohppa aab onig Dan, appanu ukka ukka, Berseba aabppa batak danab ah aqe mauhadppig. Mauhadppig ebqak am 70,000.

2 Samuel 8:16

Seruia bekka Joap, nug ban daup ikki anuqak daye, Ahilut bekka Jehosapat nug yaak danab dayom.

1 Stori 21:2

Satan nug anam heum amunu, King Dawit nug nuhikkud ban daup oh dilag ikki Joap, Joapnu ehanittak okkai ele amelagppa aum. “Da Israel danab ah dilag ebqak dookkulnu amu, ag ahan, aab onig Dan, appanu ukka ukka, Berseba aabppa batak, amu, ag Israel wan amu ohppa gona oinna, ag Israel danab amu oh ebaqeg!” awa aum.

2 Stori 32:31

Amu haen Babilon dilag king nug danab laala ag gona, Kayak Nug keeke laa danab hekkunu elele iitta heeb, Hesekaia nug eɗua ena daakkunu at laa matu mettomnu oɗmak hekkulagnu matte goppig amu, ag Jerusalem tena, Hesekaia anidnana, ag nug Kayak dabmettaknu kobol danab haknu elele iitta Yawe Nug Hesekaianu ha mettom amu, ag nug amunu oɗ medappig. Ag oɗ mettaeg, Yawe Nug Hesekaianu diig tutukku dookkunu Hesekaia ma anttak metta uuitte, ⌊Hesekaia nug danab amu amelagppa nuhig dabmakppanu nai madippig⌋.

Prowerb 29:23

Danab nug dada hette, nuhig hak amu he, nug na qette; amge danab nug oo bodoettakppa daatte amu, nug binag aotte.

Jeremaia 17:5

Yawe inam atte. “Laa nug danab dilag ooppa genab dootte, nug ɠagattag, danab dilagppa aokkunu dabmette, nug da, Yawe, nug da dimeɗa ii dim lamiɗtte amu, nug aakku eheɗ laa awaknu anak waappa daatte.

2 Korint 12:7

Tatam danab laanu mattimi amu daib. Paradisppa amu Kayak Nug da keeke ippuniɗom ele, amuam keeke okkainab. Amunu diig amunu Kayak Nug da dakka onil huan humapanu Nug da beɗulppa keeke laa, qaun bia, da yaaiɗkkunu meɗom. Amuam Satannu maɗi nid, nug da dakka onil huan humapanu tappiɗeb nekkulnu daatte.

Ikki Danab 20:1

Am anam beum, aakku Israel ohnab, aab onig Dan, appanu ukka ukka Berseba batak, Gileat wanppanu ele, ag oh aɗa mak laippu, Mispa appa Yawe noobppa qagmeppig.