2 Samuel 24:15 - Nobonob Baibel

¹⁵ Dawit nug anam aum amunu, Yawe Nug he, oɗe nau danab kuɗum aqe mauhtteb ele buttua amuppa digma aqa he ukke, Kayak aumbia deɗ ewamppa batom. Oɗe anam aqa he, Israel wan ohppa aab onig Dan, appanu ukka ukka, Berseba aabppa batak danab ah aqe mauhadppig. Mauhadppig ebqak am 70,000.

2 Samuel 24:15 ပူးပေါင်းရင်းမြစ်များ

2 Samuel 24:2

Satan nug anam heum amunu, King Dawit nug nuhikkud ban daup ikki anuqak Joap amegppa aum. “Da Israel danab ag ban hekkulagnu elele daatteb ebqak dookkulnu amu, ag ahan, Israel dilag huu okkai ohppa, aab onig Dan, appanu ukka ukka, Berseba aabppa batak, ag wan amu ohppa gona oinna, ag Israel danab ag ban hekkulagnu elele daatteb, ag danab amu oh onilag yeeg!” awa aum.

1 Stori 21:14

Dawit nug anam aum amunu, Yawe he, oɗe nau danab kuɗum aqe mauhtteb ele Israel aqe, 70,000 mauhppig.

1 Stori 27:24

Amu Dawit nug he, Seruia bekka Joap nug digma, Israel danab ebaqakkunu heehe, Kayak Nug amu haknu uua, oppoɗi be he, uug naunab nau Israel danab ah dilagppa beum amunu, Joap nug ebqak uɗat amu uue dayeye, danab dilag ebqak amu King Dawitnu kaya bukppa ii yaappig.

1 Stori 27:4

Aho ted onig Dodai, nug danab obatak kalam aɗitppa daappig dilag okkai dayom. Danab 24,000 obatak amuppa daappig. Danab laa onig Miklot nug nuhig ehanittak anuqak dayom.

Aisaia 37:36

Yawe Nug anam aum dimppa nuhig engel nug aha ukka he, Asiria dilag daup daappig ele, ag oolagppanu danab 185,000 ag mauhppig. Ag mauheg, wagɗe buttua laa ahan, danab gaɗalag amu huanaknab niiegeg anadppig.

Habakuk 3:2

O Yawe, da na onin, binan okkai elenu nai doomi. Ao, O Yawe, nahip haknu amu, da dabmein, da ebehil oh bodoetta le mette. Da na nahip hak okkai baula gemu hekkutnu oɗ medattem. Ao, na ihinig haenppa nahip ɠagattag hak baula ippunigkkutnu oɗ medattem. O Yawe, na ihinignu oppoɗin beum daatte, amge na oppoɗin anam dayeye, na oo gai-iitta doya oo metta ehanittak kobol ele dabmekkutnu oɗ medattem.

Namba 25:9

Oɗe nau danab kuɗum aqe mauhtteb ele baula danab ah ii aqom, amge ebqak gane ag oɗe nau amu aqe mauhppig ele amu, danab ah amuam 24,000.

Matyu 24:7

Wan laa ag wan laa ele nug qekkulag. Ɗo maɗoɗ laa ag ɗo maɗoɗ laa ele nug qekkulag. Aben laalappa amu enug haen okkai nebeppeg, mim ele nekkulag.

Revelesen 6:8

A amu da neekke, hos laa, nuhig beɗu anttak am lanlan geɗaɗa ele, da amu anidmi. Anitti amu danab hos amu attan dayom, nug onig Mauhak. Hades nug nug gukkuitta dim lamitte dopiɗ. Aa dopiɗ, amu wanppan danab ah oh waɗele waɗele oolagppa aa qep elabppa, enugppa, oɗe danab kuɗum aqe mauhttebppa, amu doɗ dakkuɗ oɗelagppa ele hepeɗ, laippu mauhkku, ewam bau daaglagnu ɠagattag aopiɗ.

1 Samuel 6:19

Amu Betsemesnu danab laala ag Yawenu Tituanak Nainu Kunup ooppa neegppeg nokkunu kunup amunu ameg kolappig. Ag kolana, ag neekkeg, Tituanak Nainu Kunup ooppa ukkom amunu, Yawe he, danab 70 amu ag aakku mauhppig. Ag mauhppig amunu, appan danab ag Yawe Nug he, danab kuɗumnab mauhppig, ag diig amunu mahiak okkai heppig.