2 Samuel 24:1 - Nobonob Baibel

¹ Yawe Nug Israel dilagnu baula oo nauhak huanak doya he, ⌊Satan nug⌋ Dawit Israel uug madakkunu, Dawit amegppa aum. “Na ahan, Israel danab ah, Juda danab ah ele ebaqe!” awa aum.

2 Samuel 24:1 ပူးပေါင်းရင်းမြစ်များ

Genesis 45:5

Ag anam heppig, amge kobol amunu ag uug aib aqom. Ag agakka aib nug aidppig. Aɗinu? Kayak Nug he, da danab ah bau daaglagnu anuqen uɗimi.

Genesis 50:20

Anukka ag da eheɗ aokkulnu heppig, amge Kayak Nug ig ena, bau daagnig, gemu ig daattem, amubia, Nug amu dabma he, eheɗ hak amu eɗue, amuppa keeke ena beum.

2 Samuel 12:11

Natan nug Kayaknu nai Dawit amegppa anam awowa, nug tuɗitta aum. “Yawe nug inam ele atte. ‘Na baenadppa dilagppanab uug naunab beeb dookkut. Da heppi, na amenppanab laa na baenadppan laa nug na waatad diieb, amunppa, danab ah noolagppa ag nug ele niiglag.

2 Samuel 16:10

Nug Dawit amegppa anam aum, amge King Dawit nug nob ma aum. “O Seruia bekoɗ, ahilah dabmak am dahil ele laippu iitta. Yawe Nug danab amu amegppa, ‘Wana, Dawit eheɗ laa awaknu anak waappa dayaknu nai a!’ aum dayeb, diig amunu ele nug hette dayeb amu, aun laa nug nuhignu, ‘Aɗinu na anam hettem?’ anaknu elelete? Iitta. Laa iitta,” awa aum.

2 King 3:6

Nug anam he, aakku King Joram nug Samaria uua aha oiyaya, nug Israel dilag ban danab oh qagmaattom.

1 Stori 21:1

Amu Satan nug Israel danab ah uug madakkunu dabma, aha he, Dawit nug Israel danab ah ebaqakkunu dabmeum.

1 Stori 7:2

Tola bekkod am Usi, Repaia, Jeriel, Jahmai, Ibsam, Samuel ele. Danab amu ag baelkadppa dilag ikki daappig. Ag, amu ag buɗub ele ag daaeg ukke ukke, Dawit nug king dayom haenppa Tola buɗub onilkad bukppa yaappig, yaak amuppa nug buɗub oolagppanu ban danab daappig amu, ahilag ebqak am 22,600.

1 Stori 7:40

Amu oh am Aser buɗub aakku. Danab amu ag baelkadppa dilag ikki daappig. Ag danab ena. Ban hak haenppa ag oolagppa ɠagattag doon, ban heppig. Ag am ikki danab, onilag ele. Ag Aser buɗub onilag bukppa yaappig, yaak amuppa nug buɗub oolagppanu ban danab ban hekkulagnu babaittak daappig amu, ahilag ebqak am 26,000.

2 Stori 32:25

⌊Yawe Nug Hesekaia ehanitte, nug eɗua ena dayowa,⌋ nug dada danab ba, nug Yawe ehanittom, nug amunu nug Nug dim lamidlonu ii dabmaama, ii heum. Nug eheɗ amu heum amunu, Yawe Nug Hesekaianu, Juda danab ah, laa Jerusalemnu, laa Juda wanppa laih laihnu amu, Nug danab ah amu dilagnu, ⌊ag Hesekaia doyom bia ele dooppig amu, Nug amu oh dilagnu⌋ oppoɗi beum.

Eksodas 7:3

Nug anam akku, amge da heppi, Paronu dabmak aakku ɠagattag eppeb daakku. Anam dayebeb, da geha dahilnu dabmettaknu kobol danab haknu elele iitta kuɗum, uɗat ɠagattagnab kuɗum laa ele Isip wanppa hekkul.

Esekiel 14:9

Amu danab o ah laa nug anam propet laa gumitta ukka, ittag nai, oo eeɗaknu mattiebeb, propet amu nug dimppa aɗi bekkunu nai laa madikku dayeb amu, da Yawe, da nug amu hekkunu ib oo ii nepa. Da nuhig ib ii oo nepa amunu, nug anam eheɗ heeb, da heppi, nug nauha, nug dahil danab ah oolagppa baula ii daama.

Esekiel 20:25

Da ag paɗatti, ag ɗo nau iɗu iɗu, ɗo amuam ag bau daaglagnu ehanadkkulagnu elele iitta, ag ɗo amu dim lamidppig.

Lewitikas 10:6

Aakku Moses nug Aron, amu nug bekoɗ aɗit, Eleasar, Itamar ele amelagppa aum. “Ag mauhmananu, Yawe Nug Israel dilag tamaniak danab ah oh dilagnu oo nauhmanu, ag aib heppeg, ikkilag uɗug mauhnoak dayom, o iitta aib lamen ahilkad pattiɗadppig. Israel laala, amu na laipad ele ag amu, ag Nadap, Abihu ele dilah, Yawe Nug aab aɗuppa he nauhpiɗ ele, ag ahilahnu mahiglagnu nai iitta.

Namba 1:19

Ag uɗat amu Yawe Nug anamnab haknu Moses amegppa aum amu, ag anamnab heppig. Ib anamppa Moses nug atu taɗak Sinai appa Israel danab oh ebaqom.

Aposel 4:28

Ag anam hekkulagnu qagmena anam heppig amu, Kayak na nahip ɠagattagppa, nahip doyak dabmak ena eleppa keeke oh anam bekkunu anukka ib amunu ame amu, ag amuib heppig.

2 Tesalonaika 2:11

Ag doyak diig genabib uuppig amunu,, Kayak Nug heeb, laa nug hambuppualatta aut autanab aweb, ag hambuppuak amu oolagppa genab dooglag.

Ikki Danab 2:14

Ag anam heeg, Yawe Nug Israel dilag oo nauhak okkai doyom amunu, Nug ag diia, danab ag ban hena, danab aqadna, ahilkad keeke aotteb amu, Nug ag eppelagppa me, ag ahilag keeke aoppig. Nug ag diia, kekeɗ taliliadna daappig ele ag eppelagppa meum amunu, ag ban hena, baula kekeɗ eɗadkkulagnu elele iitta daappig.

Ikki Danab 2:20

Ag anam heppig amunu, Yawe Nug Israel dilagnu oo huana nauhom. Nug oo nauhe, Nug aum. “Danab ah imu ag nug tituana nai qakkak, da hei, da ag mamelkad aɗi ele hemut amu, ag amu tippalna, ag dahil nai ele ii doon oiyegeg uɗie, gemu ele anam hetteb amunu,

1 Samuel 26:19

O naɗi dahil, na am king daattem, da am nahip maɗi nid, na dahil nai dookkutnu ool daatte. Amu Yawe Nug he, na ahan, da aɗailkkutnu lamiɗttem dayeb amu, da doɗ laa mane, Nug medappi, Nug dahilnu oo ena daakkunu ool daatte. O iitta, danab laala ag heeg, na ahan aɗailkkutnu oittem dayeb amu, am geha ag Yawe noobppa eheɗ laa awaknu anak waappa daaglagnu ool daatte. Aɗinu? Ag kobol hetteb, kobol amuppa ag da lamiɗna, da inam oiyeye, da Yawenu mettid haknu peh lag appa ukken, Nug noobppa dup noin binag mekkulnu elele iitta. Kobol ahilag amuppa amu, ag aakku da amelppa, ‘Na gona, kayak laa binag me!’ atteb bia hetteb.