2 Samuel 23:7 - Nobonob Baibel

⁷ Danab aun nug uud keeke qaun ele ehalkkunu hette ele amu, nug keeke aenppa hakppa, o banppa ehaltte. Keeke qaun ele amu, ag adeppa daatteb, amuppaib laa nug amote ewa, iitta mette.” Dawit nug anam aum.

2 Samuel 23:7 ပူးပေါင်းရင်းမြစ်များ

Sam 21:10

Na heppe, ag buɗulkad laa wanppa ii daama. Yo, na heppe ag buɗulkad laippu laa danab ah oolagppa ii daama.

Aisaia 27:4

⌊Amu Kayak Nug anam mattiowa, Nug inam ele akku.⌋ “Da oo nauhak laa ii doottem. O gadon, uud keeke qaun ele ag grep dad dahilppa appa daaloblob, da ag banelag ukken heppi, aab aɗu am ag oh ewatta maladlo.

Aisaia 33:12

Danab ah, dahilad kekeɗ daatteb, ag nauhna autna aoglag; aab aɗu he, kin eɗua ka daatte, amubia. Danab ah ag keeke qaɗaiettaknab huan ewawa iitta mette, amubia danab ah ag nauhkkulag.

Esekiel 2:6

Amu danab bekka, nahipnu amu, na ahilagnu aib baɗame. Ahilag nainu ele aib baɗame. Danab nug aben laappa, appa uud keeke qaun ele, nug amu ooppa dayaya, laih ukkeb, qaun yaama, o laih ukkeb, qaun yaamanu baɗatte, o danab nug apiap oittebppa daatte, nug laa beɗu aɗamanu baɗatte amu, na amubia daakkut, amge diig amunu na aib baɗame. Israel danab ah ag aɗi nai nahipnu mattiglag amu, na nai amunu aib baɗame. Ag attem heidkkulagnu hekkulag amu, na ahilagnu baɗak eheɗ nau aib doome. Aɗinu? Ag am nai tappe nak danab ah daatteb, ⌊amge da na atognoidkkul⌋.

Matyu 13:30

Uuppeg, aɗit oh meu awak haen ameg mak beiɗ! Bepeɗ, da meu awak haenppa meu awak danab amelagppa appi, gikkiɗah nau tatam hiɗaladna, ehakkadna, aab aɗuppa manaknu mekkulag, amge ag wit qagmena, ee bakkale lag dahilppa mekkulag,’ ” awa aum.

Matyu 13:42

ag akkan, agappeg aab aɗuppa tekkulag. Appa danab ag gaana, aelkad ele emalkkulag.

Luk 19:14

Amge nug wanebppan danab ⌊laa⌋ ag nuhignu nau ninig ele dooppig amunu nug ukke, am danab amu ag heeg, ag oolagppan danab laa ag nug dim lamidnana ag inam appig. ‘Ig danab imu nug ihinig king daakkunu ig oonig ii daatte,’ aon appig.

Luk 19:27

King nug anam ana, nug nai tuɗitta aum. ‘Aria laa ag da kekeɗ meɗan, da ahilag king daakkulnu uuppig amu, ag diin, da noolppa ippa dona, aqappeg mauheg!’ awa aum.” Jesus anam aum.

Jon 15:6

Laa nug dahilppa ii daatte ele, nug muɗi grep ebekkud danab ag okkulna akkaeg ukke bunaɗtteb, amubia daatte. Danab ag muɗi grep ebekkud amu qagmaadna akkaeg, aab aɗuppa teeg eotte.

2 Tesalonaika 1:8

Naɗi Nug danab ag Kayak ii dootteb, amu ag ihinig Naɗi Jesusnu Nai Ena ele dim ii lamidtteb amu, Nug ag nob nau tutukku madakku.

2 Tesalonaika 2:8

Haen amuppa ɗo ii dim lamittak danab nug miag atieb, dimppa Naɗi Jesus, Nug geha Nug oɗeppa ouɗi iwaleb, qeeb mauhkku. Yo, Naɗi Nug nuhig amahlak naɗi ele uɗia, miag atia, amahlak amuppaib Nug ɗo tappe nak danab amu heeb nauhkku.

Hibru 6:8

Amge wan uud keeke qaun ele, keeke amu amuppa betteb, wan amu uɗat ena ii hette amu, wan amuam eheɗ laa awaknu anak waappa daakkunu miagnab daatte. Danab ag maiglagnu daatte.