2 Samuel 23:4 - Nobonob Baibel

⁴ nug am buttua haen enanag, lombig iitta aam baaba, amahlak wan medatte, nug amahlak amubia daatte. Ge, danab anam amu, nug gu wan leppu mette, keeke wanppa bette amu, nug gu nug na mala, amahlak okkai bette, nug amahlak amubia daatte,’ awa aum.

2 Samuel 23:4 ပူးပေါင်းရင်းမြစ်များ

Sam 110:3

Deɗ na kekeɗ nahip eɗadkkutnu banelag gokkut amu, nahipad ban danab ag gamag ahak doon, dim lamidkkulag. Ao, nahipad ban danab ag nid bau kuɗum, ɠagattag ele, ag genab nahipnu tituanak daatteb amu, ag na dim lamidkkulagnu buttuanab ahan daaglag.

Sam 72:6

King nug gu naana, gikkiɗah le medatte bia, nug anam bia daakku. Yo, nug gu naunau na, wan le medatte bia daakku.

Sam 89:36

Da inam ami. ‘Da geha heppi, nug buɗub oolagppanu laala ag ahilag haen anen anenppa, ag Israel dilag king hanhan bena daaglag. Yo, da geha heppi, aam dayebeb amu, king dayaknu ehah am nug buɗuppudppa hanhan daakku.

Prowerb 4:18

Amu genab tutukku hak danab ippulag am digmakppa ena daatte, gamagppa enanag daatte, batakppa am enanagnab daatte; am aam haɗaedette, amahlak nakok nakok wanppa daye ukke, aam be, amahlak naɗi daatte, amubia daatte.

Aisaia 18:4

Aɗinu? Yawe Nug da amelppa inam atte. “Da geha toette, aam nug ba huan gakkaɗa, nug ihi le ele laippu daattep qe, amemɗiag aotte, o gu hoɗopai hippuɗak nakok na, ee keeke uɗulagppa daatte, da anam toette daakkul. Da anam dayeye, da daattem abenppa dayeye, geha da neegppi ukkeb, da ⌊wan amuppan danab ag aɗi henan daatteb antten, da geha, haenppa dahil uɗat hekkul.⌋” Nug anam atte.

Aisaia 4:2

Aria haen amuppa amu, Yawenu wan, am Israel amu, wan amuam aben anttaknu enanag, onig binag oppiaawak ele daakku. Am geha wanppanu ee meulkad ena huan obeppeg, Israel danab ah qagaiettaknu ii mauhppig daatteb, ag amu oh anidna, diig amunu ag oolag gamag huan ahebeb, danab ah laa ag binalag mekkulag.

Aisaia 60:1

Jerusalem danab ah, Juda danab ah ele, ahilag amahlak uɗiom. Ao, Yawenu binag amahlak oppiaawak ele amu, amuam ahilagppa beum daatte. Anam amunu, ag ahan, aam danab ah amahlak madatte bia, ag danab ah laa oh Yawenu amahlak matteg!

Aisaia 60:3

Juda danab ah, amahlak Yawenu ahilagppa uɗitte amu, wanppan wan ohppan danab ag ahilag amahlak, amuppa uɗiglag. Ao, king ag aam buttua ba, wan atu oh amahlak medatte, amubia king ag amahlak okkai ahilag am anidkkulagnu uɗiglag.

Hosea 6:3

Ig Yawenu doyaknu wagai metu! Ao, ig Yawe doognignu wagai metu! Ig anam hekkunig amu, aam nug genab buttua hanhan bette, genab amubia, Yawe Nug uɗia, ig ehanigkku. Ge, gu oug haen iitta metteppa hanhan nette, amubia Nug genab uɗia, ig ehanigkku.” Israel ag anam akkulag.

Hosea 6:5

Diig amunu da hei, dahilad propet ag ahilag naippa hatteg nauhppig; danab nug layag beɗu qep-ppa he nauhtte bia. Yo, da dahil naippa ag eheɗ hatten, mauhkkulagnu ippunadmi. Tuqan nug amun genab dim lamidtte, amubia dahil bu mattak ag genab aqadkku.

Maika 5:7

Amu dimppa amu, oɗo yaak danab Jakop buɗubppanu amu, ag danab ah laa oh oolagppa daaglag. Baito Yawe me nette amu, baito amuam danab amelag ii mette. Ao, gu nakok gikkiɗahppa nette, gu amuam laa dilag ameg mak ii hette. ⌊Amubia Jakop buɗub ag Yawenu ehanittak aakkuib dabmekkulag, danab dilag iitta⌋.

Malakai 4:2

Amge ag danab ah ag dahilnu ebehilag oh bodoetta le mette amu, Laa onig Genab Tutukku Hak Kobolnu Amahlak Naɗi, Nug haugppa ehanittak daatte amu, Nug ag ehanadkku. Nug anam heeb, ag geha gamalag huanaknab ahakku; makau nag ag ahilag aɗ ooppanu gikkiɗah lakkulagnu dimittim dona, gamag ahakppa oolna tena, oolna netteb bia ag gamalag ahakku.

Duteronomi 32:2

Da aɗi madikkul ele imu am, gu nette, amubia dayaɗ! Yo, nai dahil, amuam baito nette bia dayaɗ! Genab, amuam, gu digittig na, gikkiɗah hittu aɗatte, amubia dayaɗ! Yo, guttid na, dattan hittu yuɗ aɗatte, amubia dayaɗ!

Ikki Danab 5:31

Amu Yawe, kekeɗ nahipad oh ag Sisera mauhom bia mauhkkulagnu ool daatte. Anam amge, laa ag nahipnu oolag mauhtte, ag aam ɠagattag ba amahaltte bia amahalkkulagnu ool daatte.” Anam daye, maɗ 40 amu, wan amuppa maɗoɗ dayom.