2 Samuel 23:22 - Nobonob Baibel

²² Jehoiada bekka Benaia nug kobol okkai okkai anam heum. Nug ele onig okkai, danab ɠagattagnab ewam, ag onilag okkai daappig bia, amge ag bianab iitta.

2 Samuel 23:22 ပူးပေါင်းရင်းမြစ်များ

2 Samuel 20:7

Dawit anam aum amunu, Joapnu daup, danab Dawit gumappig, amuam Keret danab, Pelet danab ele, amu daup oh ɠagattag ele ag Abisai dim lamidna goppig. Abisai nug ag oh, ahilag okkai dayom. Ag oh Jerusalemnu ahan, Abisai dim lamidna, Bikri bekka Seba aɗaglagnu goppig.

2 Samuel 23:20

Aria, Jehoiada bekka Benaia, nug am Kapsel danab, nug ele ban hak danab ɠagattag. Nug kobol okkai okkai, iɗu iɗu ele heum. Nug Moapnu ban danab ɠagattag aɗit aqatom. Deɗ laa sno neene, nug wan moɗ laa oɗe okkai ele ooppa noa, laion laa appa dayom amu, nug qe mauhom.

2 Samuel 23:21

Amu haen laa nug Isip ted okkai naɗi laa, nug danab amu qe mauhom. Isip ted nug ban aɗe, Benaia nug daɗibib aɗom, amge nug danab amu ele ban hekkulahnu ha wana, nug Isip tednu ban aɗom amu, nug ban amu qa oqaia, aɗitta awa, nug Isip ted nukka nuhig ban, nug amuppa eɗua nug ye mauhom.

2 Samuel 23:23

Danab 30, ag oh binalag okkai ele, amge ag oolagppa Benaia nug binag okkainab awom. Nug amu awom, amge nug ban danab ɠagattagnab ewam oolagppa ii dayom. Anam amu Dawit he, danab ag Dawit gumappig ele, nug ahilag okkai dayom.

2 Samuel 8:18

Jehoiada bekka Benaia nug danab Dawit gumappig, amuam Keret danab, Pelet danab ele, nug amu dilag okkai daye, Dawit bekkod ag nug ulum mettak danab daappig.