2 Samuel 23:14 - Nobonob Baibel

¹⁴ Dawit nug ban haknu aben ɠagattag amuppa daye, Pilistia ag ahilkad huu laa ag ahan gona, Betlehem aabppa, ag appa daappig.

2 Samuel 23:14 ပူးပေါင်းရင်းမြစ်များ

Genesis 35:19

Aakku Rahel mauhe, ag nug Eprat ukkaknu ib daugppa boumppig. Eprat onig laa am Betlehem.

2 Samuel 5:17

Amu haen Pilistia danab ag Israel oh ag Dawit nug ahilag king daakkunu goɗen gokkaɗakppa tituanppig doon amu, ahilag daup danab ohnab ag Dawit mattin anidna, qeppeg mauhkkunu Israel wanppa goppig, amge Dawit nug nai amu doya, nug ban haknu aben ɠagattag eleppa noa dayom.

1 Stori 12:16

Amu deɗ laa Dawit nug ban haknu aben ɠagattagppa dayeye, Benyamin danab laa ag, ag Juda danab laa ele ag oh, ag Dawit gumidna uɗippig.

1 Samuel 10:5

Keeke amu beeb, dimppa amu na gona, Kayaknu aab Gibea, Pilistia danab ag appa daup dayaknu aben bappaidppig daatteb amu, na gona, aab amu gukkuidppeppe, propet danab laala ag aabnu mettid lag nakokppanu nebeppeg, huu laa ag propet noolag aon, musik haknu keeke digdig onig laia, tambarin, dumuttum, harp ele hebeppeg amu, propet ag propet nai mattiglag.

1 Samuel 13:23

Keeke anam dayom amu, Pilistia dilag okkai ag heeg, ahilag daup laa ag gona, ag ib Mikmas guguittak, qauko ikki oppoɗu noakppa ib meidna daaglagnu gona daappig.

1 Samuel 13:4

Nai awa ukkak danab ag goppig amunu, Israel oh ag, “Saul nug Pilistia dilag daup Geba daatteb, nug ag banelag ukkom amunu, gemu Pilistia ag ig Israel, ag ihinignu eheɗ nau dootteb,” ag nai amu dooppig. Ag doon, ag ahan gona, Gilgal appa Saul toppa qagmeppig.

1 Samuel 14:6

Amu Jonatan, nuhig bannu keeke mawaknu nid ele aa goya goya, Jonatan nug nid amu amegppa aum. “Ahappe, i tuɗidɗa, Pilistia danab, ag Kayak ii dim lamidtteb ele, i ag daattebppa goɗu! I anam gopuɗ, Yawe Nug ehanitkkutai. Aɗinu? Ban eɗittaknu am, Yawe Nug danab gane daattebnu ii dabmette. Iitta! Kuɗumtai daatteb, o iitta laippu laippu aakkuib daattebtai; amu oh Kayaknu neekkakppa am keeke hamu. Nug laa ehanidkkunu dabmette amu, nug ehanidtte, aakkuib,” awa aum.

1 Samuel 22:1

Dawit nug anam he, king aum amunu Dawit nug aha, Gat uua, oola ukka, aab Adulam guguittak, wan oɗe laappa dayom. Dawit nug ukka dayeye, nug awakkud, amu nuhigppan laa ele ag nug appa daatte doon, ag ahan ukkaeg, oh appa daappig.

1 Samuel 24:22

Saul nug anam a, Dawit nug anam hekkunu Yawe onig awa, nuhig nai ɠagattag qettom. Nug anam he, Saul nug eɗua aabppa ukkom, amge Dawit nug nuhikkud danab ele ag eɗun, ban haknu aben ɠagattag eleppa gona, appa daappig.