2 Samuel 22:51 - Nobonob Baibel

⁵¹ Yawe Nug nuhig king ehanitte, nug nuhikkud kekeɗ eɗadtte. Ao, Nug laa nug king daakkunu goɗen gokkaɗakppa tituanom ele, Nug nuhignu oo mauhaknab dootte. Ge, Nug da, Dawit, amu da buɗulad dilagppa hanhanib anam hekku.” Dawit nug anam aum.

2 Samuel 22:51 ပူးပေါင်းရင်းမြစ်များ

2 Samuel 22:2

nug aum. “Yawe Nug kekeɗ niɗamanu ehanittak dahil daatte; Nug aab aɗ ɠagattagnab dahil bia ele daatte. Nug ehanitte qagaiettakppa ii dayaknu ehanittak dahil daatte;

2 Samuel 23:1

Imuam Dawit, nug nuhig mauhaknu haen miag daye doya, nug nai laa inam mattiom. Imuam Jesi bekka Dawitnu nai meunab ele. Ao, imuam Kayak Attannab Laa Oh Eɗattak Nug he, Dawit nug danab okkainab dayom, am nuhig nai meunab ele. Jakopnu Kayak, Nug Dawit king daakkunu goɗen gokkaɗakppa tituane, nug king dayom. Ge, Dawit nug Israel dilag ahi enanag ettaknu danab dayom.

2 Samuel 7:16

Na buɗunad ag hanhan da noolppa daaglag. Ag iitta ii memana. Laa nug gumak uɗat nahip na eppenppanu matakka ii aoma; da heppi, hanhan na eppenppa, na buɗunad eppelagppa ele daakku.’ ” Yawe Nug Natan, Dawit amegppa anam akkunu amegppa aum.

Sam 144:10

Da amu hekkulnu diig am, na hee, king ag ban eɗidtteb! Da am nahip maɗi nid Dawit, am naib, na da ehaniɗe, kekeɗ ag qep elabppa danab ah aqaeg mauhtteb ele, ag qep amuppa ii iweg mauhmi.

Sam 18:50

Yawe Nug nuhig king ehanitte, nug nuhikkud kekeɗ eɗadtte. Ao, Nug laa nug king daakkunu goɗen gokkaɗakppa tituanom ele, Nug nuhignu oo mauhaknab dootte. Amuam Nug da, Dawit, amu da buɗulad dilagppa hanhanib anam hekku.” Dawit nug anam aum.

Sam 21:1

O Yawe, king nug nahip ɠagattagnu gamag ahak okkai dootte! Yo, na nug ehanidttem amunu, nug gamag ahak ele ette.

Sam 3:3

Amge na, O Yawe, na am dahil guppiɗ daattem. Na binag amahlak oppiaawak ele meɗana, ɠagattag ele da meɗattem.

Sam 48:3

Kayak Nug, Sion ooppa aben aɗ ɠagattagnab ele daatteb, Nug amu ohppa daatte. Ao, nug danab ah Sion daatteb ele, Nug ahilag aab aɗ ɠagattagnab ele bia daatte.

Sam 89:20

Da dahil maɗi nid Dawit anidmi. Da Kayak, da goɗen dahilnu tituanak daatte, da amu laa awen, goɗen gokkaɗakppa tituanmi.

Sam 89:24

Dahil oo metta ii uuak kobol, amu oo mauhaknab kobol dahil ele, amu oh am nug ele daakku. Da nug ehanidppi, nug king ba, nug ɠagattagnab daakku.

Sam 89:26

Nug dahilnu akku. ‘Na am da Mamel. Na am dahil Kayak. Na am dahil kekeɗ niɗamanu ehanittak daattem. Na am dahil padal mepanu ehanittak daattem.’

Sam 89:29

Da geha heppi, nug buɗub oolagppanu laala ag ahilag haen anen anenppa, ag Israel dilag king hanhan bena daaglag. Yo, da geha heppi, hab dayebeb amu, king dayaknu ehah am nug buɗuppudppa hanhan daakku.

Sam 89:36

Da inam ami. ‘Da geha heppi, nug buɗub oolagppanu laala ag ahilag haen anen anenppa, ag Israel dilag king hanhan bena daaglag. Yo, da geha heppi, aam dayebeb amu, king dayaknu ehah am nug buɗuppudppa hanhan daakku.

Sam 91:2

Da Yawenu miag atiak inam iikku attem. Nug am padal mak eɗitteb ena dayaknu ehanittak dahil daatte. Nug am aab aɗ ɠagattagnab dahil bia ele daatte. Nug am dahil Kayak. Da nuhignu oolppa genab doottem.

Jeremaia 30:9

Ag laa waalagppa ii daan, ahilag maɗi nid ele ii daamna. Iitta. Ag Yawe, Nug am ahilag Kayak, ag Nug waappa daan, Nug oɗe dim lamidkkulag. Ag ahilag king, nug Dawit buɗub laa amu, ag nug waappa ele daan, nuhig maɗi nid maɗi ah ele daaglag. Dawit buɗub king daakkunu amu, Yawe, Nug amunu atte. “Da tituanen ehanidppi, nug king daakku,” awa atte.

Revelesen 11:15

Aria, engel ebqak 7 nug trampet nuhig iwale amu hab aab appa da laa baalag okkaippa inam aeg doomi. “Wan ohppan gumak uɗat aakku eɗua, ihinig Naɗi, amu laa Nug danab ah dilag Padal ii maknu ehanittak daakkunu tituanom, am Kristus, Nug ele eppelahppa daatte. Naɗi Nug hanhan uɗat amu hekku,” aon appig.