2 Samuel 22:49 - Nobonob Baibel

⁴⁹ Ge, Yawe Nug he, da dahil kekeɗ eppelagppa ii daattem. O Yawe, na hee, da kekeɗ eɗatten, ahilag ikki daattem. Ao, na danab ag laa guittak nau mauhnoak mettaknu tiilagppa daatte amu, na da ag eppelagppanu eɗun awiɗme.

2 Samuel 22:49 ပူးပေါင်းရင်းမြစ်များ

2 Samuel 18:31

Nug wana dayeye, Kus danab nug uɗia, king amegppa aum. “Dahil naɗi, dahil king, nai ena da awe uɗimi amu, na nai amu doye! Yawe Nug gemu he, na laa ag na eheɗ heidkkulagnu heppig ele amu, na ag eppelagppa ii daattem,” awa aum.

2 Samuel 5:12

Amu Dawit nug Yawe, Nug nuhikkud danab ah Israel dilagnu anuqak doya, Nug he, Dawit nug ahilag king dayeye, wan laappan danab ag nuhig gumaknu am binag ele dooppig amu, nug amu doyom.

Sam 140:1

O Yawe, na ehaniɗppe, da eheɗ hak danab eppelagppa ii dayen, qagaiettakppa ii daapanu oɗ medattem. Ao, na da ehaniɗppe, da danab ag laa guittak nau mauhnoak madatteb ele, da ag eppelagppa ii daapanu unuqidttem.

Sam 140:4

O Yawe, na heppe, da nau hak danab, eppelagppa daapan oɗ medattem. Ao, na danab ag laa guittak nau mauhnoak madatteb ele, ag heppeg, da nein qekkulnu hetteb amu, ag da eɗilmananu ib oo nekkutnu unuqidttem.

Sam 18:48

Ge, Yawe Nug da dahil kekeɗ dilagppan ehaniɗe, da padal ii mettem. O Yawe, na hee, da kekeɗ eɗatten, ahilag ikki daattem. Ao, na danab ag laa guittak nau mauhnoak mettaknu tiilagppa daatte amu, na da ag eppelagppanu eɗun awiɗme.

Sam 44:5

Na nahip ɠagattagppa ehanikke, ig ihinkad kekeɗ eɗadttem. Ib laappa anam ii hettem. Ao, na ig ehanigttem, diig amunu ig ihinkad kekeɗ eɗadttem.

Sam 52:1

O ban danab naɗi, ⌊Doeg,⌋ aɗinu na nakka na eheɗ hemenu binan mettem? Kayaknu oo mauhaknab kobol ⌊dahilnu dim lamidtte am⌋ hanhan daatte.

Namba 24:7

Israel danab ah ag ahilagppa gu huana nekku. Ao, ahilkad ee, keh ele, keeke amu geha le huana aoglag. Geha ahilag king nug king laa onig Agag, nug eɗittak daakku. Ao, geha ahilag ɗo maɗoɗ am okkainab daakku.

1 Samuel 2:8

Yawe Nug he, daɗek danab ag gappudppan ahan, ag nau ii daatteb. Ao! Nug he, ag uhuɗppa ii daatteb; ag aben enappa daatteb. Genab! Yawe Nug he, daɗek danab ag king tiigppan danab ele heɗep nena daatteb. Yo! Nug he, ag sia king, sia amu onig ele amu, ag sia amubiappa daatteb. Yawe Nug amu oh hekkunu elele. Aɗinu? Yawe Nug wan imu ohnab mameg daatte. Ao, Nug wan imu oh ma, babaittom daatte.