2 Samuel 22:4 - Nobonob Baibel

⁴ Da Yawe onigppa eiyi, Nug kekeɗ eɗilna aɗaelmananu ehaniɗe, ag ii eɗiltteb; Nug ig danab ah, ig Nug binag mekkunignu elele daatte.

2 Samuel 22:4 ပူးပေါင်းရင်းမြစ်များ

2 Stori 20:22

Danab amu ag digmena ahi ettanna, ag Yawe ele binag meegeg, Yawe Nug he, daup laa ag banelag Juda wanppa uɗippig, ag am Amon danab, Moap danab, Edom danab ele amu, ag oolagppa ban ahe, ag akka akka nug qenana mauhadppig.

Nehemaia 9:5

Ag anam heeg, Lewi buɗubppan mana mettak danab iitta, ag oolagppan laa onilag Jesua, Katmiel, Bani, Hasapnea, Serebia, Hodia, Sebania, Petahia ele, ag appig. “Ag oh ahan hippaidna daan, ag Yawe, ahilag Kayak, ag Nug binag meig! Nug hanhan daatte. Nug digmak iitta, batak ele iitta,” appig. Ag anam awona, ag tuɗidna, Yawe amegppa appig. “O Yawe, na binan amahlak oppiaawak ele, amu danab ag na onin dabmenan humappeg, attannab, itittak ena oh, binag mak oh eɗittak daakkunu oonig daatte,” aon appig.

Sam 106:2

Auntai laa nug Yawenu kobol danab hekkunu elele iitta, nug amunu mehuqkkunu elele? Auntai laa nuhignu humittak elelenab hekkunu elele?

Sam 116:13

Amge da Nug ehaniɗomnu, “Ena heme,” Yawe amegppa akkulnu amu, da laippu dayaknu ofa, amu wain gokkaɗaknu ofa ele hein, Nug medakkul. Da Yawe unuqidkkul.

Sam 116:17

O Yawe, da na noomppa ena heme anaknu ofa hein medakkul. Ao, da Yawe unuqidkkul.

Sam 116:2

Nug unuqittak dahil doya ehaniɗom amunu, haen da bau daattem imuppa, da Nugib unuqidkkul.

Sam 116:4

Da anam dayeye doyen, amu da Yawe onigppa ein ami. “O Yawe, na da ehaniɗppe, da bau daye, ii mauhpanu oɗ medattem.” Da anam unuqidmi.

Sam 18:3

Da Yawe onigppa eiyi, Nug kekeɗ eɗilna aɗaelmananu ehaniɗe, ag ii eɗiltteb. Nug ig danab ah, ig Nug binag mekkunignu elele daatte.

Sam 34:6

Da am daɗek danab laa, amge Yawe unuqitti, Nug doya ehaniɗe, uug dahil oh eɗidmi.

Sam 48:1

Yawe Nug onig okkai ele; danab ah ag Nug binag mekkulagnu elelenab. Nug onig aab okkai Jerusalem appa meum daatte. Danab ah ag Nug appa binag mekkulagnu daatte. Ge, ag nuhig qaukoppa, Nug binag mekkulagnu daatte. Qauko amuam nuhignu tituanak daatte.

Sam 50:15

Amu Kayak Nug atte. “Haen nau laa uɗieb amu, ag da unuqiɗppeg, da ag ehanadkkul. Ao, da ag ehanadppi, ag da binal mekkulag.” Kayak anam awa atte.

Sam 55:16

Dahilnu amu, da Kayak unuqidppi, Yawe Nug da ehaniɗeb, padal ii mepa.

Sam 56:9

Anam ⌊amunu⌋ da na ehaniɗkkutnu oninppa ekkul. Da eppi, na heppe, deɗ amuppa kekeɗ dahilad ag bittumttum gokkulag. Ge, da imu doottem. Na, Kayak, na dahil ehanittak daattem.

Sam 66:2

Nug am binag amahlak oppiaawak ele amunu, ag amunu ahi etteg! Yo, ag Nug binag okkainab metteg!

Sam 96:4

Aɗinu? Yawe Nug onig ɠagattag ele, laa oh eɗattak daatte. Ao, Nug danab ah ag Nug binag mekkulagnu elelenab daatte. Ge, danab ah ag nuhignu ebehilag oh bodoetta le mekkunu elelenab daatteb. Kayak laa anam laa ii daatte.

Rom 10:13

Aɗinu? ⌊Kayak naippa, nai laa inam daatte.⌋ “Aun laa nug Naɗi onigppa eeb amu, Naɗi Nug ehanitteb, nug padal ii mema.”

Revelesen 4:11

“O Naɗi, ihinig Kayak, Na keeke ohnab heme. Nahip doyakppaib na keeke oh he beppig. Gemu keeke amu oh nahip doyakppaib ele iikku daatteb amunu, binag amahlak oppiaawak, ɠagattag, binag ele nahip-ppa daakkunu, na elele daattem.” Ag anam aegeg anidmi.

Revelesen 5:12

Daanna ag ahi inam qalan edappig. “Sipsip Nag, ag anukka qeeg mauhom ele, Nug ɠagattag, enub, doyak dabmak ena ele, ebehi, binag amu binag amahalak oppiaawak ele, onig okkai ele aokkunu onig awom daatte,” anana edappig.