2 Samuel 22:3 - Nobonob Baibel

³ Kayak dahil Nug kekeɗ niɗamanu ehanittak dahil dayeye, da nuhigppa ukken, padal mak eɗitten, ena daattem. Kayak Nug am dahil guppiɗ, da nuhig ɠagattagppa da kekeɗ eppelagppa ii daattem; Nug am ban haknu aben ɠagattag dahil bia daya, Nug dahil padal mak eɗitteb ena dayaknu ehanittak daatte. Nug Padal ii maknu ehanittak dahil daatte; Nug danab laa ag laa guittak nau mauhnoak mettaknu tiigppa daatte amu, nug danab amu eppelagppanu awiɗtte.

2 Samuel 22:3 ပူးပေါင်းရင်းမြစ်များ

Genesis 15:1

Dimppa Yawe Nug tuleglegppa nuhig nai imu Abram mettom. “Abram na aib baɗame. Guppiɗ nahip, nob ena okkainab awaknu diig nahip ele amu, am da iikkuib,” awa aum.

2 Samuel 22:31

Kayaknu amu, nuhig hak am, qa oppiaawak ele. Ao, Yawenu nai am enaib; hambuppuak, o kaliak nakok laa nuhig naippa ii daatte. Nug danab aun aɗi laa ag padal mak eɗitteb ena dayaknu abenppa daaglagnu nuhigppa uɗitteb amu, Nug ahilag guppiɗ daatte.

2 Samuel 22:47

Yawe Nug bau daatte! Nug am kekeɗ niɗamnanu ehanittak dahil daatte! Heppeg, danab ah ag Nug binag meig! Ao, Kayak, kekeɗ nikkamanu ehanittak ihinig daatte, Nug da padal ii mepanu ehanittak dahil daatte. Heppeg danab ah ag Nug binag meig!

2 Samuel 22:49

Ge, Yawe Nug he, da dahil kekeɗ eppelagppa ii daattem. O Yawe, na hee, da kekeɗ eɗatten, ahilag ikki daattem. Ao, na danab ag laa guittak nau mauhnoak mettaknu tiilagppa daatte amu, na da ag eppelagppanu eɗun awiɗme.

2 Samuel 22:51

Yawe Nug nuhig king ehanitte, nug nuhikkud kekeɗ eɗadtte. Ao, Nug laa nug king daakkunu goɗen gokkaɗakppa tituanom ele, Nug nuhignu oo mauhaknab dootte. Ge, Nug da, Dawit, amu da buɗulad dilagppa hanhanib anam hekku.” Dawit nug anam aum.

2 Samuel 23:3

Israel dilag Kayak Nug da dookkulnu nai mattiom. Ao, Israel dilag kekeɗ nikkamanu ehanittak, Nug da amelppa nai laa imu aum. ‘Danab nug king dayaya, kobol genab tutukkuib dim lamittatta; nug dahilnu ebehi oh bodoetta le meeme, nuhikkud danab ah atognoadtte amu,

Sam 14:6

Nau hak danab ag, ag daɗek danab ah dilag maittak heppeg nauhkkulagnu hetteb amunu, Yawe Nug daɗek danab ah ⌊nuhikkud, Nug amu⌋ dilag padal mak eɗitteb ena dayaknu ehanittak daatte.

Sam 140:1

O Yawe, na ehaniɗppe, da eheɗ hak danab eppelagppa ii dayen, qagaiettakppa ii daapanu oɗ medattem. Ao, na da ehaniɗppe, da danab ag laa guittak nau mauhnoak madatteb ele, da ag eppelagppa ii daapanu unuqidttem.

Sam 140:11

Na heppe, danab ag laa onig nauhkkunu nai nau maditteb amu, ag ihinig wanppa ii daamnanu oɗ medattem. Na heppe, uug naunab, danab ag laa guittak nau mauhnoak madatteb ele, am ag qaɗelagppa nekkunu unuqidttem.

Sam 140:4

O Yawe, na heppe, da nau hak danab, eppelagppa daapan oɗ medattem. Ao, na danab ag laa guittak nau mauhnoak madatteb ele, ag heppeg, da nein qekkulnu hetteb amu, ag da eɗilmananu ib oo nekkutnu unuqidttem.

Sam 142:4

Na da eppel naɗiap-ppa neegna, auntai laa da atognoiɗa ɠagattag iukkunu laa ii daatte anidkkut. Da padal mak eɗitteb ena daakkulnu aben laa iitta. Da mauhkkul dayeb amu, auntai laa nug amu dab-ii-mema.

Sam 144:2

Nug am dahil Kayak, Nug dahilnu oo mauhaknab dootte. Nug am aab aɗ ɠagattagnab ele dahil bia daatte. Nug anam dayaya, Nug da uugppa daaiyi ehaniɗe, da ena daattem. Nug am dahil guppiɗ. Uug iukkunu heehe, da padal mak eɗitten ena daakkulnu nuhigppa gottem. Nug he, wan laappan danab ah ag da waalppa daatteb.

Sam 18:2

Yawe Nug kekeɗ niɗamanu ehanittak dahil daatte; Nug aab aɗ ɠagattagnab dahil bia ele daatte. Nug ehanitte qagaiettakppa ii dayaknu ehanittak dahil daatte; Kayak dahil Nug kekeɗ niɗamanu ehanittak dahil dayeye, da nuhigppa ukken, padal mak eɗitten ena daattem. Kayak Nug am dahil guppiɗ, da nuhig ɠagattagppa da kekeɗ eppelagppa ii daattem; Nug am ban haknu aben ɠagattag dahil bia daatte.

Sam 27:5

Aɗinu? Da Yawenu mettid lag, amuppa ena anam daakkul dayeb amu, uug haenppa Nug da atognoiɗebeb, da eheɗ laa ii anidpa. Yo, Nug da nuhig mettid haknu peh lagppa lokkumiɗeb daappi, uug laa da ii aniɗma. Ge, Nug heeb, da danab laa men okkai attan ena daatte, da amubia ena daakkul.

Sam 28:7

Yawe Nug am dahil ɠagattagnu diig daatte. Nug am dahil guppiɗ. Da nuhignu oolppa genab doyeye, Nug da ehaniɗe, da gamag ahak doyen, ahi edette, “Ena heme,” attem.

Sam 3:3

Amge na, O Yawe, na am dahil guppiɗ daattem. Na binag amahlak oppiaawak ele meɗana, ɠagattag ele da meɗattem.

Sam 32:7

Na aakkuib na dahil lokkumak aben, dahil guppiɗ ele daattem! Ao, na da ehaniɗe, nauhakppa ii daattem amunu, diig amunu da ehanittak nahip-ppanu ahi edattem.

Sam 46:1

Kayak Nug am padal mak eɗitta ena dayaknu ehanittak ihinig, amu ɠagattag ihinig ele daatte. Nug ig uugppa daapput ehanigkkunu, hanhan guguikkak daatte.

Sam 46:11

Yawe Nukka Ɠagattag Oh Ele, Nug ig oonigppa aakku daatte. Ao, ig Jakop buɗub daattem amu, ihinig Kayak Nug aab aɗ ɠagattagnab ele ihinig bia daatte. Sila.

Sam 46:2

Kayak Nug am padal mak eɗitta ena dayaknu ehanittak ihinig daatte amunu, ig ii baɗamta. Iitta! Mimte neeb, qauko pana yuppa nokkutai, amge ig amunu ii baɗamta.

Sam 46:7

Yawe Nukka Ɠagattag Oh Ele, Nug ig oonigppa aakku daatte. Ao, ig Jakop buɗub daattem amu, ihinig Kayak Nug aab aɗ ɠagattagnab ele ihinig bia daatte. Sila.

Sam 5:12

Aɗinu? Amu O Yawe, na genabnab danab ah ag genab tutukku hak kobol dim lamidtteb ele itadttem. Ao, na ii helom bia me, na hee, nahip ehanittak amuam guppiɗ bia taliliatta daatte.

Sam 55:9

Naɗi, da kobol laa, laa guittak nau mauhnoak mettak, amu nug mehqak ele, da amu aab okkaippa daye anidttem. Anam amunu, na nau hak danab amu hadappe nauhkkulagnu oɗ medattem. Ao, na heppe, nau hak danab amu ag ahilag nai laippu ii daamanu unuqidttem.

Sam 59:16

Ag anam aakku hetteb, amge na am aab aɗ ɠagattagnab ele dahil bia dayeye, gemu ele anam daattem. Ao, da uug doottem, haen amuppa na am padal mak eɗitteb ena dayaknu ehanittak dahil daattem amunu, da nahip ɠagattag okkainu ahi edakkul. Ao, da buttua anen anenppa, da hanhan nahip oo mauhaknab kobolnu ahi edakkul.

Sam 61:3

Da na amu hekkutnu oɗ medattemnu diig am, na am dahil padal mak eɗitteb ena dayaknu ehanittak daattem. Na amu aab aɗ ɠagattanab ele, kekeɗ ag nokkulagnu elele iitta bia dayeye, da appa dayeye padal mak laa ii anidpa, na amubia daattem.

Sam 71:7

Danab ah kuɗum ag dahilppa aɗi aɗi keeke uug ele bena goppig anidna, ahilagppa ele bekkulagnu elele doon, ag dabmak huanaknab aotteb, amge na dahil padal mak eɗitteb ena dayaknu ehanittak okkai daattem.

Sam 72:14

Nug ag ehanatteb, ag laa ag ɠagattag ele, ag ag eppelagppa ii daamna; laa ag guittak nau mauhnoak ii mattamna. Aɗinu? Nug ahilagnu, “Dahiladnab,” dootte.

Sam 84:11

Aɗinu? Yawe Kayak Nug am ihinig amahlak, guppiɗ ele daatte. Nug ii helo bia me, Nug ehanittak kobol dim lamidttatta, Nug binag okkai ele megatte. Yawe Nug danab ah nuhikkud ag nuhig neekkakppa oolagppa kaliak laa iitta ele amu, Nug ag keeke ena ena oh madatte.

Sam 84:9

O Kayak, na ihinig king, nug ig atognoigtte ele amu, na nuhig dabmekkutnu oɗ medattem! Ao, na laa na nug king daakkunu goɗen gokkaɗakppa tituanme ele amu, na ii helom bia me, na ehanittak kobol dim lamidna, nuhigppa hekkutnu unuqidttem.

Sam 86:14

O Kayak, beɗuppa tak danab ag da banel uɗitteb. Ao, oo doyak ii doyaya nau hak danab ag da iuppeg mauhkkulnu hetteb. Danab amu ag nahipnu dab-ii-metteb.

Sam 9:10

O Yawe, na laa nug na anitta dim lamidkkunu na mattitta oitte ele, na nug ii uuidttem amunu, aun aɗi ag na dooidtteb, ag nahipnu oolagppa genab dooglag.

Sam 9:9

Danab ag laa waalkadppa eheɗ daatteb ele amu, Yawe Nug ahilag padal mak eɗitteb ena dayaknu ehanittak, ag nuhigppa daaglagnu daatte. Ao, Nug am uug doyak haenppa ahilag ban haknu aben ɠagattag bia daatte.

Eksodas 15:2

Yawe Nug nukka da ɠagattag iukkunu dootte; Nugib da ehaniɗtte amunu, da gamag ahak doye, ahi edattem. Nugib da ehaniɗe, da padal ii mettem. Nug am dahil Kayak, da Nug onig humakkul. Nug am da mamelnu Kayak, da Nug binag okkai humakkul.

Prowerb 18:10

Yawe Nug am lag attan ta ukkak menppa hak, ɠagattag ele, Nug amubia daatte; genab tutukku hak danab ag nuhigppa qaiettan gona, ag bau daatteb.

Prowerb 30:5

Keeke oh Kayak Nug atte am genabib; Nug laa, ag Nug ahilag padal mak eɗitteb ena dayaknu ehanittak daakkunu nuhigppa dotteb amu, Nug ahilag guppiɗ daatte.

Aisaia 12:2

Genab, Padal ii maknu ehanittak oh da aomi amu, Kayak Nug ehanittak amu oh diig daatte; da nuhignu oolppa genab doye, da geha ii baɗapa. Aɗinu? Yawe, ao Yawe, Nug am ɠagattag dahil. Nug uɗat ena hette, diig amunu da gamag ahak ahi edattem; Nugib dahil Padal ii maknu ehanittak daye, da padal ii memi.” Ag laib laib geha anam ahi ettaglag.

Aisaia 32:2

Haen amuppa kobol inam bekku. Danab okkai amu oh ag gilil ulah qehagtte bia daaglag. Ao, ag ulah huanak uɗieye, danab nug padal mak eɗitteb ena dayaknu abenppa ukka daatte, ag aben amubia daaglag. Okkai danab amu ag atu taɗak, le iitta ele, ag appa le laa noa gotte bia daaglag. Ao, ag wan laappa, aam gakkaɗak naunab nau neene, danab nug men okkainab logoppa ukka daatte, ag lokko amubia daaglag.

Aisaia 45:21

Ag danab ah laih laihnu banppa ii mauhppig ele, ag kayak hambuppuak binag metteb amu, ⌊ahilag kayak amu⌋ ag butti aɗi, aɗi bekkunu daatte appeg dootu! Ag amu hekkulagnu ag laippu daan mattieg! Aun nug anukka kobol bekkun daattenu mattiom. Ao, aun nug anukkanab uug imu bekkunu aum? Am da, da Yawe, da amu iite hemi? Kayak laa ii daatte. Da Kayak, da genab tutukku hak kobol aakkuib hettem. Da eheɗ laa ii hettem. Da danab ah ehanatti padal ii metteb. Kayak laal ii daatte.

Jeremaia 16:19

Amu da, Jeremaia, da Yawe amegppa unuqidmi. “O Yawe, na dahil ɠagattag, aab aɗ ɠagattagnab ele dahil bia ele daattem. Ao, uug nau baknu deɗppa na dahil padal mak eɗitteb ena dayaknu ehanittak daattem. Qinob wan atu ohppan danab ah ag na noomppa uɗin, ag akkulag. ‘Ig mamenkad aɗi ag kayak hambuppuak aakkuib dabmeppig. Ao, ag kayak hambuppuak dottolkad ii ehanadppig ele, ag ahilagnuib dabmeppig,’ aon akkulag.

Jeremaia 16:9

Ag amu ii hemananu diig am, Yawe Nukka Ɠagattag Oh Ele, Israel dilag Kayak, Nug amunu inam atte. “Ag Juda gemu daatteb, ag bau daanna, ag noolagppa da heppi, ewau matulak awaknu gamag ahak, gamag ahak laa oh ele Juda wanppa ii daama.

Luk 1:47

Padal ii maknu ehanittak dahil am Kayak. Da nuhignu maɗoɗppan gamag ahak doottem.

Luk 1:69

Nug anukka nuhikkud propet oɗelagppa aum bia, Nug ig kekeɗ ihinkad eppelagppanu, amu danab laa ag ihinignu oolagppa nau ninig ele dootteb, Nug ig ag eppelagppanu ele eɗua awigkkunu, Nug ig mamenkad aɗi dilagnu oo gai-iitta doya oo metta ehanadkkunu, Nug nuhig nug tituana nai qakkak nai, amuam Nug ig alanig Abraham amegppa Nug onigppa nuhig nai ɠagattag qetta aum amu, Nug nai amu daug ii atimanu, amu Nug ig ihinkad kekeɗ eppelkadppa qagaiettakppa daamtanu ehanikkeb, ig baɗak iitta daat, Nug noobppa genab tutukku hak danab, oppiaawak ele ihinig deɗ oh daat, ig Nug waappa daat Nug oɗe dim lamidkkunignu elele daagnignu, Nug ig padal mematanu ehanittak danab ɠagattag, nuhig maɗi nid Dawit, nug buɗubppanu me uɗiom,” awa aum.

Duteronomi 32:37

Amu Yawe Nug ⌊Israel ag dabmak pehettak aoglagnu⌋ Nug inam ag amelagppa akku. “Ag ahilag kayak, ag amu dilagnu, ‘Ihinig ɠagattag hanhan daatte,’ dabmena, ag amu dilagppa ehanittak aoglagnu dabmeppig; amge kayak amu ag adeppa daatteb?

Duteronomi 32:4

Nug am hanhan ɠagattag daatte; nuhig uɗat am qa oppiaawak ele. Keeke oh Nug hette amu, Nug nai doya mala hettoɗia epeɗia elele mettak kobol dim lamitta hette. Kayak Nug diig nuhignu oo metta ii uuak kobol dim lamittatta, Nug eheɗ laa ii hette. Nug tutukkuib daatte, Nug nai doya mala hettoɗia epeɗia elele mettak ibuppa hanhan daatte.

Duteronomi 33:29

O, Israel, ag itittak ena aon malappig! Auntai laa ag bia laa iitta. Yawe Nug nukka ag padal memananu ehanattom. Nug am ahilag guppiɗ, ahilag ehanittak, ahilag qep elab enanag ele. Ahilkad kekeɗ ag ag noolagppa ag beɗulkad aɗappeg neeb, ag Israel ag ahan, tappaladppeg nokkulag,” awa aum.

Taitus 3:4

Amge Kayak, Nug am Padal ii maknu ehanittak ihinig daatte amu, Nug he, nuhig oo bodoettak kobol, oo mauhak kobol ele miag atieh,

Taitus 3:6

Kayak Nug Jesusnu ehanittak okkai hamu mettak, amuppa Nug ig genab tutukku hak danab beta daagnignu, ig nuhig bauklel hanhannu aot daagnignu dabmak aot ameg mekkunignu, Nug Jesus Kristus, Nug am ihinig Eɗua Awikkak Danab amu, Nug nuhig uɗatppa nuhig Ouɗi ig elelenab mekkom.

Hibru 2:13

Nug ele inam atte. “Da nuhignu oolppa genab dookkul.” Nug laa ele inam atte. “Aria da, amu nid naunau, Kayak Nug da meɗom ele amu, da ag ele ig oh iikku daattem,” awa atte.

1 Samuel 2:1

Hana nug Yawe binag ma mattiaya, nug inam aum. “Da Yawenu amu, da ool gamag ahatte. Nuhig ehanittakppa amu, da ɠagattag daattem. Yawe Nug he, da kekeɗ dahilad imadttem. Aɗinu? Nug da ehaniɗe, da amunu enanagnab doottem.

1 Samuel 2:2

Laa nug oppiaawak, Yawe daatte bia, laa nug amubia ii daatte. Kayak laa ii daatte. Ihinig Kayak Nug kekeɗ ig nikkamanu ehanittak ihinig daatte, laa nug anam bia ii hette.