2 Samuel 22:21 - Nobonob Baibel

²¹ Da kobol genab tutukku ele dim lamittitti, Yawe Nug da ehaniɗe, da padal ii memi. Ao, da eheɗ haknu uuen, ii hei, Nug ehaniɗa, nob ena meɗom daatte.

2 Samuel 22:21 ပူးပေါင်းရင်းမြစ်များ

2 Samuel 22:25

Da kobol genab tutukku ele dim lamittitti, Yawe Nug da nob ena meɗom daatte. Ao, da eheɗ hak uuen, ii hei, Yawe Nug amu antta, nob ena meɗom daatte.

1 King 3:6

Kayak Nug anam a amu, Solomon nug aum. “Da mamel Dawit, nahip maɗi nid amu, nug nahipnu oo metta ii uuak kobol dim lamittatta, nug genab tutukku hak kobol ele heum amunu, na oo mauhaknab kobol okkainab nuhignu doon dim lamidme. Am gemu ele anamib na nuhignu oo mauhaknab doonna, na hee, da, nug bekka, da nug abenabppa king daattem.

1 King 8:32

Yawe na hab aabppa daanna, na nai amu doon, na hettoɗiak tutukku henana, na danab amu nug hambuppua, nai hambuppuak ɠagattag qetta mattiom, nug eheɗ amu genab heum anidttem dayeb amu, na eheɗ hak nuhig amunu na eheɗ mettan, nob nau medakkutnu oɗ medattem. Amu danab amu nug genab eheɗ ii heum anidttem dayeb amu, da na nuhignu, ‘Nug eheɗ laa ii heum,’ appe, danab ag nug eheɗ ii heum dooglagnu unuqidttem.

Job 17:9

Genab tutukku hak danab ag ib oittebppa daan oiglag; ag ib ii apiɗidmana. Ge, laa ag eheɗ ii hetteb ele, ag ɠagattag daatteb amu, ag tuɗidna, ɠagattagnab daaglag.

Sam 19:11

Am da, nahip maɗi nid, da nahip ɗo aɗe dabmedakkul dayeb amu, da eheɗ hein, nau aopanu dabmak meɗakku. Danab ah ag aɗan dabmettaglag dayeb amu, ag geha nob ena okkainab aoglag.

Sam 24:4

Amuam laa ag oolagppa oppiak ele, agib appa daaglag. Yo, amuam laa ag dottolag eppelagppa hoyadppig dilagnu dup noa binag mak kobol ii hetteb, agib appa daaglag. Ge, amuam laa ag hambuppuak nai laanu ag ahilag nai ɠagattag qena ana, ag nai amunu, “Am nai genab,” ii maditteb ele, agib appa daaglag.

Sam 7:8

Yawe, na ⌊nai doya mala hettoɗia epeɗia elele mettak kobol dim lamidnana,⌋ wanppan danab ah oh ⌊ib amuppa⌋ epeɗiadkkutnu oɗ medattem. O Yawe, da am genab tutukku hak dim lamitten oittem, na amu anidna, na ⌊nai doya mala hettoɗia epeɗia elele mettak kobol dim lamidna, ib amuppa⌋ da epeɗilkkutnu oɗ medattem. Ao, da kobol tutukku hemi, amu O Kayak Attannab Laa Oh Eɗattak, na amu anidna, na ⌊nai doya mala hettoɗia epeɗia elele mettak kobol dim lamidna,⌋ epeɗilkkutnu unuqidttem.

Prowerb 11:31

Antte! Genab tutukku hak danab ag wan imuppa daanna, ahilag nob ena aotteb; amunu genabnab genab, Kayaknu nuhig haknu ele uuak danab, hipunin danab ele, ag wan imuppa ahilag nob nau aoglag.

1 Korint 15:58

Anam amunu O lailad, ag ɠagattag dayeg! Bittumttum amu aib goppig! Ag hanhan Naɗinu uɗat yagbak ele heig! Aɗinu? Ag dootteb, ag Naɗinu uɗat hetteb, amu geha hamu ii qettoɗma.

Jems 4:8

Ag Kayak gumidna wappeg amu, Nug ele ag gumatta dokku. Danab nug eppeg leppa ihe, dubuttid iitta daatte bia amu, ag hipunin danab ag heppeg, ag ahilag oiyak am dubuttid iitta ele dayaɗ! Ag danab ag dabmak laippu iitta, ag heppeg, ag oolag oppiak dayaɗ!

1 Samuel 26:23

Yawe Nug nob ena danab nug kobol genab tutukku dim lamitta, oo metta ii uuak kobol ele dim lamidtte amu medatte. Gemu Yawe Nug na da eppelppa meittom, amge da na, Yawe Nug na king daakkutnu goɗen gokkaɗakppa tituanittom ele amu, da na eheɗ heidkkulnu uumi.