2 Samuel 22:20 - Nobonob Baibel

²⁰ Yawe Nug anam ha, Nug omaiɗa, aben okkai, enanag, Nug appa meiɗom. Ao, Nug dahilnu oo mauhtte amunu, Nug da ehaniɗe, da qagaiettakppa ii daami.

2 Samuel 22:20 ပူးပေါင်းရင်းမြစ်များ

Genesis 26:22

Ataɗa, nug aha nakok uua ukke, maɗi nid nuhig ag le moɗ laa buuppig. Buueg amu, danab laa ag nug mehqak ii heppig amunu, Aisak nug onig Rehobot ataɗom. Ataɗaɗa amu, nug aum. “Yawe Nug aben elele imu mekkom. Ig wan imuppa elelenab daagnig,” awa aum.

2 Samuel 15:26

amge Nug dahilnu ena ii dootte dayeb, da Nug eppegppa daattem. Nug dahilppa attem hekkunu ena dootte amu, Nug anamib haɗ!” awa aum.

2 Samuel 22:37

Na da ippul babaitte, da aguppa oikkulnu elele. Ao, ib na bappaidme, ib amuppa da bael baag ii amemɗitte.

1 Stori 4:10

Jabes nug Israel dilag Kayak unuqitta, inam aum. “O Kayak, na da itittak ena meɗan heppe, dahil wan am okkai daakkunu, da guittak ii doopanu, da na eppenppa daappi, na ehaniɗppe, uug laa dahilppa ii bemanu unuqidttem,” awa unuqittom. Jabes nug anam unuqitte, Kayak Nug Jabes unuqittom bia nuhigppa heum.

Sam 118:5

Da uugppa daami, haen amuppa Yawe unuqitti, Yawe Nug oɗelppa awa, da ehaniɗe, qagaiettakppa ii daami.

Sam 147:11

Yawe Nug hosnu ɠagattag, o danabnu ɠagattag, Nug amunu gamag ahak ii dootte. Iitta. Nug laa ag nuhignu ebehilag oh bodoetta le mette ele, Nug amu dilagnu enanagnab dootte. Ao, laa ag Nug ahilagnu oo mauhaknab dootteb, ag nuhig kobol dabmenan daanna, ag amuppa ehanittak aon, gogppa tekkulagnu ameg metteb ele amu, Nug amu dilagnu enanagnab dootte.

Sam 149:4

Ag amu hekkulagnu diig am Yawe Nug nuhikkud danab ah dilagnu enanagnab dootte. Ao, Nug danab ah ag akka ag onilag qeeg nette amu, Nug ag padal memananu ehanadtte.

Sam 22:8

Ag atteb. “Nug aakkute nug Yawenu ooppa genab dootte? Anam am Yawe Nug ehanitteb, qagaiettakppa aib dayom! Yo, nug Yawenu enanagnab dootte amunu, Yawe Nug ehanitteb, qagaiettakppa aib dayom!” aon atteb.

Sam 31:8

Na da uuiɗe, da dahil kekeɗ eppegppa ii wami. Iitta. Na awiɗna, aben okkai enanagppa meiɗe daami.

Sam 31:9

⌊Amge O Yawe, kekeɗ dahil ag aɗailkkulagnu tuɗidna hetteb.⌋ O Yawe, na dahilnu oot gai-iitta doon oot meɗan ehaniɗkkutnu oɗ medattem. Aɗinu? Da ⌊dahil kekeɗ hetteb, diig amunu⌋ uug nau iikku doottem. Da uug imu doyeye, da gaai, gaai, da amel kokoɗ eppom. Yo, da uug amu dooiyi, da beɗul, ool ele uug nau dooyya, ɠagattag iitta doottep.

Aisaia 42:1

Yawe atte. “Antteg! Imuam dahil maɗi nid; da nug haen oh elele daakkunu ɠagattag medattem. Ao, imu amu, da nug tituanmi; da nuhignu enanagnab doottem. Da dahil Ouɗi Nug medappi, dahil maɗi nid nug danab ah oh nai doya mala hettoɗia epeɗia elele mettak kobol ippunadkku.

Hosea 4:16

Israel danab ah ag oɗe dim lamidmananu dabmak ahilag ɠagattag eppom daatte. Ag makau balat laa oɗe dim lamittaknu uua, nuhig dabmak ɠagattag eppe daatte bia daatteb amunu, Yawe Nug ag aɗi keeke ag bau ena daaglagnu madakkunu elele iitta. O gadon, danab nug sipsip gaiɗ hibguitta ii hette ee medette, ena daakkunu elele, amge Yawe Nug amubia Israel dilag anambia hekkunu elele iitta.

Matyu 17:5

Nug anam mattieye, lombig hakkab amemɗia awak ele tonattette, lombig ooppanu baag laa inam a dooppig. “Imuam da Bekkal, da nuhignu ool mauhtte. Da nuhignu enanag doottem. Ag nuhig nai doyeg!” awa aum.

Matyu 27:43

Nug Kayaknu ooppa genab dootte amunu, Kayak Nug nuhignu oo heeb amu, geha iikku Nug ehanittaɗ! Aɗinu? Nug aum, ‘Da Kayak Bekka,’ ” aon appig.

Matyu 3:17

Kayak Ouɗi anam ne amu, baag laa hab aabppanu aum. “Imuam da bekkal, da nuhignu ool mauhtte. Nuhignu ele da oolppa enanag doottem,” ewa aum.