2 Samuel 22:14 - Nobonob Baibel

¹⁴ Yawe Nug hab attannu nai mattie, baag oqotti am hakkaɗ oqotti okkai bia neum. Ao, Kayak Attannab Laa Oh Eɗattak baag am ɠagattagnab ele.

2 Samuel 22:14 ပူးပေါင်းရင်းမြစ်များ

Job 40:9

Da, Kayak, da ɠagattag okkainab ele. Na ele anambia daattemte? Ge, da baalppa nai oqotti okkainab, hakkaɗ qak bia akkulnu elele. Na ele anam bia hekkutnu elele daattemte?

Eksodas 19:6

Ag anam hekkulag dayeb amu, ag geha dahilnu danab ah tituanak oppiaawak ele daanna, dahil mana mettak danab ele daan, ag dahilnu daaglag.’ Na Israel danab ah amelagppa anam appe dooglag.” Yawe Nug nai amu Moses amegppa aum.

Aisaia 30:30

Yawe Nug heeb, danab ag Nug baag enanag ɠagattag ele dooglag. Nug heeb, ag Nug, ɠagattag okkai okkai ele neebeb anidkkulag. Nug oo nauhak huanaknab, aab aɗu keeke oh ewewe iitta mette ele, Nug amu oh ele nekku. Nug gu huanak neebeb, amemɗi awak, hakkaɗ baag huanak, ais doɗo hab waappanu nak ele nekku.

Esekiel 10:5

Amu engel okkai-kerubim haulkad oqotti am oqotti okkai. Danab ag Israel danab dilag haɗap-ppa daappig, ag oqotti amu dooglagnu elele. Oqotti amuam Kayak Nukka Ɠagattag Oh Ele nai maditte, oqotti okkai amubia.

Revelesen 11:19

Ag anam aeg amu, Kayaknu mettid lag, hab aabppa daatte ele, laa nug od matule, tituanak nainu kunup amu miag atiom. Miag atie amu, amemɗi awewe, hakkaɗ diigppa qeeqe, hakkaɗ qa aɗeɗe ne, mim ne, ais doɗo okkainab ele neum.

Ikki Danab 5:20

Hoɗoppai hab waappanu ag Sisera ele ban heppig. Ao, hoɗoppai ag ib ahilag mattan gonana, Sisera ele ban heppig.

1 Samuel 2:10

Danab ag Yawe ele ban hak bia hetteb amu, Nug heeb, ag nauhna autna aoglag. Genab! Yawe Nug hab aabppa dayaya, nuhig ɠagattagppa heeb, danab amu ag uug aoglag. Yawe Nug wan imuppan danab ah oh epeɗiadkku. Yawe Nug heeb, nuhig king am ɠagattag ele daakku. Ao, Nug laa king daakkunu goɗen gokkaɗakppa tituanom ele, Nug ɠagattag onig okkai ele nug metteb daakku.” Hana nug anam unuqittom.

1 Samuel 7:10

Samuel nug doɗ mana, Kayak medette, Pilistia ag ban digmena hekkulagnu Israel gukkuadna uɗippig, amge Yawe he, ag daappig ikkilagppa hakkaɗ eheɗ qa he, Pilistia dilag dabmak kabolie, ag eheɗ baɗan, Israel noolagppanu oolna goppig.