2 Samuel 22:1 - Nobonob Baibel

¹ Dawit nug Yawe Nug ehanitte, nug nuhig kekeɗ eppelagppa ii dayaya, Saul eppegppa ele ii daya antta, nug ahi imu edatta,

2 Samuel 22:1 ပူးပေါင်းရင်းမြစ်များ

2 Samuel 12:7

Dawit nug anam a amu, Natan nug eɗua amegppa aum. “Danab kobol nau amu heum am naib! Yawe, Israel dilag Kayak, Nug na amenppa atte. ‘Da na Israel dilag king daakkutnu goɗen gokkaɗakppa tituanitti, na king daattem. Da hei, Saul ii nitte mauhme.

2 Samuel 22:49

Ge, Yawe Nug he, da dahil kekeɗ eppelagppa ii daattem. O Yawe, na hee, da kekeɗ eɗatten, ahilag ikki daattem. Ao, na danab ag laa guittak nau mauhnoak mettaknu tiilagppa daatte amu, na da ag eppelagppanu eɗun awiɗme.

1 Stori 16:7

Amu deɗ amunu Dawit nug Yawe amegppa ena heme anaknu ahi imu Asap, nug laikkud ele, ag ahi ettaglagnu mattom.

Sam 34:19

Uug kuɗum am genab tutukku hak danab dilagppa uɗitteb, amge Yawe Nug uug amu ohppan ehanatte, ag padal ii metteb.

Sam 50:14

⌊Ag hamu doɗ main, Kayak aib medappig. Iitta!⌋ Ag ena heme anaknu ofa hena, Kayak metteg! Ao, ag aɗi keeke Kayak Attannab Laa Oh Eɗattak Nug mettaglagnu ag ahilag nai ɠagattag qettan appig ele amu, ag nai amu dim lamidna, anam heig!

Eksodas 15:1

Haen amuppa Moses nug Israel danab ah ele ag Yawenu ahi laa inam edappig. “Da Yawenu ahi edakkul. Aɗinu? Nug ban naɗinab imu eɗittom. Ao, Nug hos, danab hosppa daappig ele akke, yu ooppa noppig.

2 Korint 1:10

Ig mauhkkunignab doomut, amge Kayak Nug ig eɗua awikkom; butti ele anamib hekku. Ag ahilag unuqittakppa ehanigppeppeg, Kayak Nug geha ig eɗua awikkeb, ig ena daagnignu nuhignu oonigppa genab doottem. Anam heppeg amu, geha danab ah kuɗum laa ag ele unuqidppeg, Kayak Nug ig ehanikkeb, aria geha danab ah kuɗum ag ihinignu dabmenana, Kayak Nug keeke hette amunu Nug amegppa, “Ena heme,” aon akkulag.

Duteronomi 31:30

Moses nug Israel dilag tamaniak amelagppa ahi imu ohnab mattie dooppig.

2 Timoti 4:18

Ao, Naɗi Nug laa dilag eheɗ hak ohppanu eɗua awiɗa, da nuhig hab aabppan ɗo maɗoɗppa daakkulnu Nug ena omaiɗa, appa gokku. Binag amahlak oppiaawak ele hanhan alet ele nuhigppa dayaɗ! Genab.

Ikki Danab 5:1

Deɗ amuppa, Deborah, Abinoam bekka Barak ele aa ahi imu edapiɗ.

1 Samuel 23:14

Amu Dawit nug nuhikkud danab ele ag atu taɗakppa oinna, ban haknu aben ɠagattag laalappa daana, atu taɗak onig Sip, qauko qauko daattebppa ele daappig. Ag anam oiyegeg amu, Saul nug haen oh Dawit mattia, dim lamitta oiyom, amge Kayak Nug Dawit ii paɗe, Saul eppegppa ukkom.

1 Samuel 24:15

Yawe Nug i oh ihinihnu nai doya mala, hettoɗia epeɗieb, da eheɗ laa ii hemi miag atikkunu ool daatte. Nug na eheɗ dahilppa heme bappaidkkunu ele ool daatte, amge da nahip-ppa eheɗ laa ii hepa.” Dawit nug Saul amegppa anam aum.

1 Samuel 25:29

Na am naɗi dahil, amu danab laa nug na gumitta doa, nug na nidakkunu hekkutai, amge Yawe, nahip Kayak, Nug geha na danab laa nug nuhig keeke ena ena atognotte bia atognoitteb, na ii mauhmana. Yawe Nug geha nahipnu anam hekku, amge geha Nug nahip kekeɗ amu aqeb, iitta mekkulag; danab nug men ketapolppa ma, e gotte bia, anamib Yawe Nug geha nahip kekeɗ geɗatteb, gona iitta mekkulag.

1 Samuel 26:24

Antte! Gemu da bau dayak nahip am keeke okkai dabmein, da keeke eheɗ laa nahipnu ii hemi; anamib Yawe Nug bau dayak dahilnu ele dabmaama, haen dahilppa uug betteb, am geha Nug da ehaniɗeb, da uug amu eɗadkkulnu ool daatte,” awa aum.

1 Samuel 27:1

Dawit, Saul ele aa anam daapiɗ, amge deɗ laa Dawit nug nukka ooppa dabmak awa, inam dabmeum. “Da inamib daakkul amu, haen laa Saul nug geha da iweb mauhkkul. Amu ii bemanu da ahen, Pilistia wanppa ukken daakkul. Da anam heppi, geha Saul nug ippa Israel wanppa da mattiɗkkunu bahi yeeb, da Saul eppegppa ii wapa,” dabmeum.