2 Samuel 21:6 - Nobonob Baibel

⁶ amunu, na Saul buɗubnu danab eblaih aɗit megappe, ig Gibea appa aqapput mauhppeg, ig ag gaɗalag Yawe noobppa uupput, ag anam boumattak iitta daaglag. Gibea am Saul appag diig, amu Yawe Nug Saul king daakkunu tituanom,” aon appig. Ag anam aeg amu, Dawit nug aum. “Da heppi, danab eblaih aɗit ele amu ag ag eppelagppa daaglag,” awa aum.

2 Samuel 21:6 ပူးပေါင်းရင်းမြစ်များ

Genesis 40:19

Deɗ aɗit uueb, deɗ ewamppa Paro ab, ag na baat otaɗna, na gaɗan adppa aihppeg dayebeb, ai ag nena, teppun lakkulag,” awa aum.

Genesis 40:22

amge bret haattak anuqak danab amu, Josep nug aum bia, Paro nug a, ag nug beɗu adppa aihppig.

2 Samuel 17:23

Ag anam mataɗppig, amge Ahitopel nug Apsalom nug nuhig ulum nai ii dim lamittom antta, nug donki nuhig gomeppa dayaknu keeke qakka, nug donki attan ta nug appag diigppa gokkunu ukkom. Nug ukka, nug laugppa Gilo appa teum. Nug ta, nuhig keeke oh babaitta mala, nug nugakka muɗi laa awa, baagppa qakke dayeye, nug beɗu aiha, nug mauhom. Nug anam he, ag nug gaɗa mamegnu boumak abenppa boumppig.

2 Samuel 18:10

Apsalom nug anam aiha dayeye, Dawitnu daup laa nug amu anttowa, nug ukka, Joap amegppa aum. “Antte! Da Apsalom nug ad ok, amuppa aihom daye anidmi,” awa aum

2 Samuel 19:28

Aɗinu? Na king, dahil naɗi, na heppe, da alal baegppan oh ig mauhlomnu elele, amge na amu ii hena, na hee, da, da am nahip maɗi nid, da nahip balalppa, laa ag iguppa daan, ee latteb ele, da ag oolagppa dayeye, ee lattem amunu, da keeke laa na eppenppa aokkulnu oɗ medakkulnu elele iitta,” awa aum.

1 Stori 12:3

Danab amu ag onilag am inam. Ahieser, Joas ele. Aa Gibea ted Sema bekoɗ. Ahieser nug danab amu dilag okkai dayom. Laa am Asmawet bekoɗ Jesiel, Pelet ele, aria Beraka, amu Anatot ted Jehu ele.

Esra 6:11

Laa amu, da ɗo imu mettem amu, da aakku memi daatte. Nai amu, am ag aɗi aɗi hekkulagnu ippunadtte. Am anam ippunadtte amunu, aun laa nug amu ii ha, nug nai amu baolikku dayeb amu, eheɗ hak nuhig, amunu nob maknu am inam: laa ag danab amu, nug laugnu ad okkai laa hiɗan aon, aeg hoin, galan, nug ad amuppa yaappeg noa dayaɗ! Ag amu hewona, ag nug laug loppaɗna heppeg, kinipan ameg okkai hume tak anamib dayaɗ!

Esta 9:10

Danab amu ag am Haman bekkod 10 aakku. Haman nug am Hamedata bekka. Nug Juda dilag kekeɗ dayom. Juda ag danab aun aɗi ag ahilagnu kekeɗ daanna, aqaglagnu heppig amu, ag danab amu aqappig, amge ahilkad keeke amu ii aoppig.

Matyu 27:5

Ag anam aeg amu, Judas nug men doɗo amu Kayaknu mettid lag ooppa mawe ukke, nug ukka, muɗippa aiha mauhom.

Aposel 13:21

Samuel dayeye, nuhig haenppa Israel ag king aoglagnu aeg, Kayak nug Kis bekka Saul awa me, ahilag king maɗ 40 dayom. Nug am Israel dilag huu okkai Benyaminnu danab.

Duteronomi 21:22

Am laa nug eheɗ hak naunab laa, mauhak ibppa hekku dayeb amu, ag nug qeppeg mauheb, nug gaɗa ad attan aihppeg,

Josua 10:26

Aria, Josua nug king tanig ele amu aqe, ag ag gaɗalkad ad tanig ele anen anen attan aihatteg daaeg ukke, uudoum.

Josua 8:29

Josua nug Ai dilag king qe mauhe, beɗu am appa ad attan aihe daye ukka, uudoum. Aam noono amu, Josua nug Israel ag king beɗu autna, aon aab okkainu aɗ od oɗeppa buɗieg ukka niikkununab aum. Nug anam a, ag heeg niieye, ag men akkan, qaɗeppa tonan, qagmeeg ukka, qauko nakok bia beum; gemu ⌊nai imu yaak haenppa⌋ ele aakku daatte.

1 Samuel 10:1

Maɗi nid nug anuqa ukke, Samuel nug id nakok goɗen inak ele awa, goɗen gokkaɗe, Saul igippa no, Samuel nug Saul ootuqitta aum. “Yawe Nug na, na nuhikkudnab danab ah gumadkkutnu iikku iite goɗen gokkaɗakppa tituanittom.

1 Samuel 10:24

Nug dayeye, Samuel nug danab ah oh amelagppa aum. “Danab imu amu, Yawe nug king daakkunu tituanom. Ig oonigppa amu, danab laa nugbia ii daatte,” awa aum. Nug amu a, danab ah oh ag baalag okkaippa, “King nug haen elab bau dayaɗ!” ena appig.

1 Samuel 10:26

Saul ele eɗua, nug laugppa Gibea ukkom. Amu danab laala, ag am danab ɠagattag, Kayak Nug he, ag oolag Saul medappig ele amu, ag Saul ele oh nug ehanidkkulagnu nug laugppa goppig.

1 Samuel 11:4

Jabes ikki danab ag Nahas amegppa anam ana, ag heeg, nai awa ukkak danab ag ahan gona, amunu mattiegeg ukke, ag Gibea, Saul appag diig, ag appa tena mattieg, appan danab ag doon, huan gaappig.

1 Samuel 24:21

Amunu na geha Yawe onig aon, nahip nai ɠagattag qettan, da alalad aɗi amu, na ag ii aqappe mauhkkulagnu appe dookkulnu ool daatte. Amu na mama baekkudppa, na da onil amuppanu heppe iitta ii mema ele ool daatte.” Saul nug anam aum.

1 Samuel 24:22

Saul nug anam a, Dawit nug anam hekkunu Yawe onig awa, nuhig nai ɠagattag qettom. Nug anam he, Saul nug eɗua aabppa ukkom, amge Dawit nug nuhikkud danab ele ag eɗun, ban haknu aben ɠagattag eleppa gona, appa daappig.