2 Samuel 21:22 - Nobonob Baibel

²² Dawit amu nuhikkud daup ele ag Pilistia danab waɗele amu oh aqaeg mauhppig. Ag oh am Rapa buɗub. Ag appalag diig am Gat.

2 Samuel 21:22 ပူးပေါင်းရင်းမြစ်များ

2 Samuel 21:16

Amu Pilistia dilag ban danab laa am Rapa buɗub onig Isbibenop. Nug nuhig qep elab am qep elab bau. Nuhig ban amu, amunu ikki am brasppa hak, uug nuhig am 3.5 kilogram maha ele. Danab amu nug Dawit qeeb mauhkkunu aum.

2 Samuel 21:21

Nug danab naɗi, beɗu anam, amge nug Israel awa awa aqatte, Dawit awag Sama bekka Jonatan, nug nug qe mauhom.

1 Stori 20:8

Dawit amu nuhikkud daup ele ag Pilistia danab amu oh aqaeg mauhppig. Ag oh am Rapa buɗub. Ag appalag diig am Gat.

Sam 108:13

O Kayak, na ig ehanigppe, ig keeke okkai okkai hekkunig. Ao, na ig ehanigppe amu, ig kekeɗ ihinkad tappaladta, oɗoɗadkkunig.

Sam 118:15

Yawe Nug genab tutukku hak danab ehanatte, ag ii padal meppig amunu, ag oolag gamag okkai ahe, Yawe Nug ag ehanatte, ag kekeɗ eɗadppignu ag peh laulkadppa ag huana enan, inam atteb. “Yawe Nug keeke okkainab heum. Genab, Nug nuhig ɠagattag okkaippa ehanikke, ig ii nauhmut! Genabnab, Yawe Nug keeke okkainab heum!” aon enan atteb.

Sam 60:12

O Kayak, na ig ehanigppe, ig keeke okkai okkai hekkunig. Na ig ehanigppe amu, ig kekeɗ ihinkad tappaladta, oɗoɗadkkunig.

Eklisiastis 9:11

Da keeke laa aam waappa bette anidmi. Amuam danab nug huana qaiedatte ele amu, nug hanhan resis haenppa laa oh ii eɗadtte; ele amu, danab nug ɠagattag ele, nug haen oh ban ii eɗidtte. Laa amu, danab nug doyak dabmak ena ele, nug hanhan ee elele ele ii daatte; ele amu, danab nug pahanab dabmak aokkunu elele amu, nug hanhan enub ele ii daatte; laa ele amu, danab nug sul okkai heum ele, nug laa oh dilag neekkakppa hanhan ena ii daatte. Amunu diig am, kobol digdig danab oh dilagppa deɗ laala laippun bette, ahilagppa ele bette.

Jeremaia 9:23

Amu Yawe Nug atte. “Danab nug doyak dabmak ena ele, nug doyak dabmak ena ele amunu dabmaama, nug nukka nug onig aib humom. Danab nug beɗuppa ɠagattag ele, nug ɠagattag amunu dabmaama, nug nukka nug onig aib humom. Danab nug enub okkai ele, nug en amunu dabmaama, nug nukka nug onig aib humom.

Rom 8:31

Amunu ig Kayak keeke heum ele, amu ohnu ig aɗi aot akkunig? Ig inam aot akkunig. “Kayak Nug ig ehanigtte dayeb amu, laa nug ig kekeɗ mekka eɗigkku? Iitta!” aot akkunig.

Rom 8:37

Amge keeke amu oh ig eɗigkkulagnu am elele iitta. Iitta. Kristus Nug haen oh ihinignu oo mauhtte amunu, ig kobol nau amu oh eɗadta autta aotta aottem.

Josua 14:12

Amunu, na da wan maha qauko qauko ele umu, Yawe Nug dahil daakkununab deɗ amuppa nai ana qakkom amu, na amu meɗakutnu oɗ medattem. Aɗinu? I lokkumakppa atu italak danab daaɗ oiyuɗuɗ, i lainti laa ag Anak danab ag aab okkai, ag am aab ɠagattag aɗ ele amuppa daaegeg, ag amunu mattiegeg, na doome, amge Yawe Nug da ele daagnih, amu Nug heeb, da geha Nug aumbia, da wan amuppan danab lamatten eɗadkkul,” awa aum.