2 Samuel 21:21 - Nobonob Baibel

²¹ Nug danab naɗi, beɗu anam, amge nug Israel awa awa aqatte, Dawit awag Sama bekka Jonatan, nug nug qe mauhom.

2 Samuel 21:21 ပူးပေါင်းရင်းမြစ်များ

2 Samuel 13:3

Anam daye amu, Amnon nug layag laa ele, nug Dawit awag Sama bekka onig Jonadap. Amu Jonadap nug hanhan aɗi hekkunu oo heum, aɗi aokkunu oo heum amu, nug anamib bekkunu ib digdigppa mattiaya keeke awom.

2 Samuel 21:20

Amu haen laappa, Israel, Pilistia ele ag Gat appa ban henana, Pilistia dilag daup laa nug danab beɗu okkai, okkainab ele dayom. Nug eppekuɗ anen anenppa doɗo eblaih laippu ele, am baekuɗ anen anenppa ele doɗo eblaih laippu ele. Eppekuɗ doɗo oh, baekuɗ doɗo oh ele am 24. Nug ele am Rapa buɗub laa.

2 Samuel 21:22

Dawit amu nuhikkud daup ele ag Pilistia danab waɗele amu oh aqaeg mauhppig. Ag oh am Rapa buɗub. Ag appalag diig am Gat.

2 King 19:13

Ge, Hamat dilag king, o Arpat dilag king, o aab okkai Separwaim dilag king, o Hena dilag king, o Iwa dilag king, king amu oh gemu adeppa daatteb?’ ” Asiria dilag king nug nai amu Hesekaia dookkunu me ukkom.

1 Stori 2:13

Jesi bekkod am inam; nid tatamnu am Eliap. Eliap dimugppan am Abinadab. Abinadab dimugppan am Simea.

1 Stori 27:32

Dawit mameg nakok Jonatan, nug Dawit ulum nai mettom. Nug am yaak danab, dabmak meu unuqagnu doyak danab ele. Hakmon danab Jehiel nug king bekkod gumattom.

1 Samuel 16:9

Amu dimppa Jesi nug bekka Sama omala Samuel gumitta wa, Samuel nug aum, “Iitta. Nug ele king daakkunu, Yawe ii tituanom,” awa aum.

1 Samuel 17:10

Gemu da ag Israel, da ag amelagppa guhig ahaknu nai inam attem; ag oolagppanu laippu laa nug neeb, da ele ban heɗu!” Goliat nug huan ɠagattag anam eum.

1 Samuel 17:3

Pilistia ban danab ag oolnu noak onig Ela, amu heqo laih qauko nakokppa daaegeg, Israel ban danab ag oolnu noak amunu heqo laih, qauko nakokppa daappig; amu oolnu noak amu, am ban ameg aɗit daapiɗ gamalahppa dayom.

1 Samuel 17:36

Da, nahip maɗi nid, da laion am bea ele aqati mauhpiɗ, amubia Pilistia danab umu, nug iitta aɗi laa amu, da qeppi mauhkku. Aɗinu? Nug nuhig ewakppa, nug Kayak Bauklel elenu ban danab dilagnu guhig ahaknu nai eum.