2 Samuel 21:17 - Nobonob Baibel

¹⁷ Isbi Benob nug anam a, nug Dawit ele ban heyaya, Dawit beɗu lemelem qe, gai-iitta me, Pilistia danab amu nug Dawit qeeb mauhkkunu heehe, Seruia bekka Abisai nug uɗia, Dawit ehanitta, Pilistia danab amu qe mauhom. Nug anam he, Dawitnu daup ag uug amu bekkunu miag dayom anidna, ag Dawit amegppa ɠagattag appig. “Na ig Israel, na ihinig amahlak hanhan eotte bia daattem amunu, amahlak amu iitta memanu, na baula ig oonigppa daappe, ban ii hemata. Ig, nahipad ban danab amu, igib banppa daagnig,” aon appig.

2 Samuel 21:17 ပူးပေါင်းရင်းမြစ်များ

2 Samuel 14:7

Am gemu da gamulnu aab ikki laa oh ag ahan uɗin, ag da amelppa, ‘Ig nug qepput mauhkkunu amu, na bekkat, nug layag qe mauhom ele amu, na nug ig mekke!’ aon atteb. Ag anam atteb, amge oolagppanab ag ihinig wan aoglagnu oolag hette amunu, ag da bekkal qeppeg mauhkku dayeb amu, ag wan amu aoglag. Ag da bekkal qeppeg mauhkku dayeb amu, kobol amuppa ag heppeg, da dakkanab, ehanittak laa iitta daakkul; aab ottag laippuib qaɗabppa dayebeb, laa nug ukka ottag amu aokku, da qaɗab amubia daakkul. Ag amu hekkulag dayeb amu, da gamul onig Israel ooppa ii daama. Ag amu hekkulag dayeb am, da gamul nug ii dayom bia daakku,” awa aum.

2 Samuel 18:2

Nug anam ha mala, nug he, daup amu oh ag huu obatak ewam daappig. Huu okkainab laippu dilag okkai am Joap. Huu okkainab laa dilag okkai am Joap amag Abisai. Abisai nug Seruia bekka. Amu huu okkainab laa dilag okkai am Gat danab Itai. King Dawit nug anam ha, ban haknu haenppa nug ag huu anam anam daanna, gona ban hekkulagnu maatte goppig. Amge ban haknu daanna, tatam nug nuhikkud daup amelagppa aum. “Da ag ele oh ban hekkunignu gokkunig,” awa aum.

2 Samuel 18:3

Nug amelagppa anam aum, amge ag eɗun appig. “Iitta! Na ig ele aib gomut. Aɗinu? Apsalom aɗi ag ig eɗigna heppeg, ig oolkkunig dayeb amu, ag ihinignu dab-ii-memana. Ag iqappeg, ig kuɗumnab mauhkkunig dayeb amu, ag amunu keeke okkai ii doomna. Ag ig oonigppa danab 10,000 aqappeg, na bau daakkut dayeb amu, ag oolag gamag ii ahama, amge ag naib nidappeg mauhkkut amu, ag oolag huana gamag ahakku. Anam daamanu, na aab okkaippa ippa daanna, ippa na ehanikkak megakkut am ena. Na banppa gokkut am ena iitta,” aon appig.

2 Samuel 22:19

Deɗ da uug naunabppa daaiyi, ag da eɗilkkulagnu heppig. Ge, ag anam heppig, amge Yawe Nug he, da ɠagattag daami.

2 Samuel 22:29

O Yawe, na am dahil amahlak. Ao, Yawe Nug dahil gatatu he, amahlak daatte.

1 King 11:36

Dahil maɗi nid Dawit, nug buɗubppanu danab laippu laa nug da noolppa haen oh Jerusalem ippa king daakkunu elele amu, da geha heppi, Solomon bekka Rehoboam nug Israel dilag huu okkai laippu, nug gumakku. Aab okkai Jerusalem imu amu, da onil iguppa daakkunu tituanmi.

1 King 15:4

Amge Yawe, Dawitnu Kayak, Nug Dawitnu dabmak anuqak awawa, nug buɗubppanu danab laippu laa nug Nug noobppa haen oh Jerusalem appa king daakkunu Nug he, Abaiya nug bekka ⌊king daakkunu⌋ menue daye, Yawe Nug ele he, Jerusalem ɠagattag dayom.

Sam 132:17

Jerusalem appa da heppi, Dawit buɗubppan laa ɠagattag ba daakku. Ao, da laa nug king daakkunu goɗen gokkaɗakppa tituanmi ele, da heppi, nug danab ah dahilad dilag amahlak daakku.

Sam 144:10

Da amu hekkulnu diig am, na hee, king ag ban eɗidtteb! Da am nahip maɗi nid Dawit, am naib, na da ehaniɗe, kekeɗ ag qep elabppa danab ah aqaeg mauhtteb ele, ag qep amuppa ii iweg mauhmi.

Sam 46:1

Kayak Nug am padal mak eɗitta ena dayaknu ehanittak ihinig, amu ɠagattag ihinig ele daatte. Nug ig uugppa daapput ehanigkkunu, hanhan guguikkak daatte.

Jeremaia 40:15

Nug ooppa genab ii doye, haen laa Karea bekka Johanan nug nukka, laa ii doyegeg, nug Gedalaia gumitta, Mispa ukkom. Nug ukka, Gedalaia amegppa aum “Na uuiɗppe, da ukken, da Netania bekka Ismael lokkumakppa qeppi mauhkku. Da amu heppi, laa nug ii dooma. Nug na nitteb mauhppe, Juda danab ah ag na waatppa daan oitteb ele ag ahan gona, matatun laih laih daaglag. Anam bekku dayeb, Juda laippu laippu oɗo yaak bau daanna, gemu ippa ina daatteb ele, ag oh mauhkkulag. Am aɗinu kobol nau amu bekku?” awa nug amegppa aum.

Jon 5:35

Jon nug amu lam amahaltte bia, nug amahlak ag mattom. Matte, ag haen tutu amunu oolag ena daye, gamag ahak dooglagnu ena dooppig.