2 Samuel 21:16 - Nobonob Baibel

¹⁶ Amu Pilistia dilag ban danab laa am Rapa buɗub onig Isbibenop. Nug nuhig qep elab am qep elab bau. Nuhig ban amu, amunu ikki am brasppa hak, uug nuhig am 3.5 kilogram maha ele. Danab amu nug Dawit qeeb mauhkkunu aum.

2 Samuel 21:16 ပူးပေါင်းရင်းမြစ်များ

Genesis 14:5

Tappaeg neum amunu, maɗ 14ppa Kedolaomer, amu nug laikkud king ewam ele ag king tanig ele, ag ag ele ban hekkulagnu goppig. Gonana, ag tatam Repaim danab, Asterot Karnaim daappig amu, ag ag ele ban henana eɗadppig. Eɗadna gona, Susim danab, Ham daappig, amu Em danab, Sawe Kiriataim daappig ele, ag ag ele ban henana eɗadppig.

Genesis 6:4

Haen amuppa, dimppa ele, danab beɗulkad okkai okkai ele, Nepil buɗub atteb, ag wanppa daappig. Aɗinu? Kayak bekkod ag wanppan ah diieg, ag ele oiyegeg, ah ag nid danab menuadppig ele, danab amu ag nai alagppanu danab onilkad okkai okkai ele.

2 Samuel 21:18

Haen nakok daaeg te, haen laa ele Israel, Pilistia ele ag ban baula heppig. Haen imuppa ag Gob appa ban heppig. Amu ban amuppa Sibekai, nug am Israel ted, appag diig Husa appanu amu, nug Rapa buɗub laa onig Sap qe mauhom.

2 Samuel 21:20

Amu haen laappa, Israel, Pilistia ele ag Gat appa ban henana, Pilistia dilag daup laa nug danab beɗu okkai, okkainab ele dayom. Nug eppekuɗ anen anenppa doɗo eblaih laippu ele, am baekuɗ anen anenppa ele doɗo eblaih laippu ele. Eppekuɗ doɗo oh, baekuɗ doɗo oh ele am 24. Nug ele am Rapa buɗub laa.

2 Samuel 21:22

Dawit amu nuhikkud daup ele ag Pilistia danab waɗele amu oh aqaeg mauhppig. Ag oh am Rapa buɗub. Ag appalag diig am Gat.

2 Samuel 5:18

Dawit nug aguppa dayeye, Pilistia ag oolnu noak onig Repaim, appa uɗin, oolnu noak amu oh aon daappig.

Namba 13:22

Ag wan laih laa onig Negeb oppatna gona, Hebron aabppa teppig. Hebron appa amu Ahiman, Sesai amu Talmai, ag am Anak buɗub, ag appa daappig. Danab ag Hebron aab kalaeg, maɗ eblaih aɗit uue, Isip wanppa appa danab ag aab onig Soan kalappig.

Namba 13:28

Amge danab ah ag appa daatteb, ag am ɠagattag ele. Ahilkad aab okkai am okkai okkai aɗ ele daatteb. Am keeke uug laa ele am, danab beɗu okkai onig Anak, nug buɗub am appa daaegeg ele anadmut

Duteronomi 1:28

Ig attem heta, wan amu ooppa nota aognig? Ihinkad lokkumakppa atu italak danab ag nai aeg, ig oonigppa gai-iitta doottem. Ag atteb, ‘Danab wan amuppan ag am elab, ag ahilag ɠagattag amu ig eɗikkak. Aab okkai ahilkad am okkai okkai, aab amunu aɗ amu attannab tak. Appa danab okkai okkainab daatteb. Danab okkai okkai amu ag am Anak buɗubppan!’ ” Ag anam aakku appig.

Duteronomi 2:10

⌊Moap wanppanu amu,⌋ danab okkai okkainab, Em atteb amu, ag appa daadppig. Ag am kuɗumnab, ɠagattag ele. Ag am danab elab elab Anak danab bia. Anak ag ele danab okkai okkai.

Duteronomi 2:11

Danab ah ag Em, Anak danab ele dilagnu amu, laa ag, Repaim danab adappig, amge Moap ag ahilagnu Em danab adappig.

Duteronomi 2:21

Repaim danab ag am kuɗumnab, ɠagattag ele. Elab ahilag amu Anak danab bia, amge Yawe Nug he, Amon danab ag ag lamadna, hattaeg nauheg, Amon ag wan ahilag aon daappig.

Duteronomi 3:11

Keeke laa amu, Og, Basan dilag king, nug am Repaim danab okkai okkai dimnunab aakku amunu, nuhig niiak balal aenppa hak, elab nuhig amu 4 mita eɗittak, emaitak am 2 mita bia. Keeke amu ⌊nai imu yaak haenppa⌋ Amon dilag aab Raba appa dayeye anidtteb.

Duteronomi 9:2

Danab amu ag am danab tikkuak, elab elab ele. Ag am Anak buɗub. Am laa ag inam aegeg dooppig. “Aun nug Anak danab eɗadkkunu elele?” Danab amu, am danab aakku.

Josua 11:22

Anak buɗub laippu laa uuitte, Israel wanppa laa iinab dayom, amge laala ag Pilistia wanppa, aab Gasa, Gat, amu Asdot ele appa daappig.

Josua 15:14

Kalep nug Anak danab ewam Hebronnu lamatta eɗattom; ag onilag am, Sesai, Ahiman, Talmai ele. Ag oh am Anak buɗub.

1 Samuel 17:7

Nuhig ban qaɗib am teppunab, ban amu aeg am, ag aen hoin, ⌊aɗaeg teum⌋. Ban aeg aen hoippig amu, uug nuhig am 7 kilogram. Ban okkai nuhig am anam aakku, amu ban danab laa nug Goliat noobppa anuqa ukka, Goliatnu guppiɗ maottom.