2 Samuel 21:15 - Nobonob Baibel

¹⁵ Haen laa amu Israel, Pilistia ele ag ban heppig. Ag ban henana, Dawit nug nuhikkud daup oolagppa dayaya, Pilistia ele ban henana, nug lemelem qe, gai-iitta meum.

2 Samuel 21:15 ပူးပေါင်းရင်းမြစ်များ

2 Samuel 21:16

Amu Pilistia dilag ban danab laa am Rapa buɗub onig Isbibenop. Nug nuhig qep elab am qep elab bau. Nuhig ban amu, amunu ikki am brasppa hak, uug nuhig am 3.5 kilogram maha ele. Danab amu nug Dawit qeeb mauhkkunu aum.

2 Samuel 5:17

Amu haen Pilistia danab ag Israel oh ag Dawit nug ahilag king daakkunu goɗen gokkaɗakppa tituanppig doon amu, ahilag daup danab ohnab ag Dawit mattin anidna, qeppeg mauhkkunu Israel wanppa goppig, amge Dawit nug nai amu doya, nug ban haknu aben ɠagattag eleppa noa dayom.

2 Samuel 5:22

Ag anam heeg ukke, haen laappa Pilistia ag baula uɗin, oolnu noak onig Repaim appa uɗin, haen tutu dayaknu aben kalan daappig.

2 Samuel 5:25

Yawe Nug anam haknunab aum amunu, Dawit nug anam heum. Nug anam ha, nug Pilistia danab kuɗum aqom. Nug aben onig Gibeon appa digma aqe ukke, Geser batak aqom.

2 Samuel 8:1

Amu Dawit nug king ba dayaya, nug Pilistia dilag daup eɗatta he, Pilistia ag ban hekkulagnu elele iitta daappig. Nug anam ha, nug aab onig Meteg Amma Pilistia eppelagppanu awe, Israel dilag dayom.

1 Stori 20:4

Haen daye ukke, haen laa Israel, Pilistia ele ag Geser appa ban heppig. Amu ban amuppa Sibekai, nug am Israel ted appag diig Husa appanu amu, nug Repaim buɗub laa onig Sipai qe mauhom. Nug qe mauhe, Pilistia ag Israel waappa daappig.

Sam 71:18

O Kayak, gemu da kaino mei umimil beum; na da paɗailmananu unuqidttem. Na heppe, da menuak laippu da dimulppa doppig imu amelagppa nahip ɠagattagnu appi dooglagnu oɗ medattem. Yo, na heppe, da laa oh ag anilkad butti aɗi menuadkkulag ele amu, da ag amelagppa nahip ɠagattagnu appi dooglagnu unuqidttem.

Sam 71:9

Gemu da kaino memi; na da dimeɗamnanu oɗ medattem. Yo, gemu da kaino mein bodoettami; na da uuiɗmananu unuqidttem.

Sam 73:26

Da beɗul iitta mekku, dabmak dahil ele am iitta mekku, amge na, Kayak, na am dahil ɠagattag. Keeke ena oh da eppelppa daakkunu elele amu, na nakka keeke amu oh abenlag aon dayeye, da ena, elele daattem. Hanhan anamib daakkut.

Eklisiastis 12:3

Haen amuppa na eppen, baen ele oh am gai-iitta daaglag; na aen ele nauhna, kaumna laippu laippu daaglag amunu, ag damqak uɗat ii hemana, na amen ele ena ii daaglah.